錦記海鮮大排檔 紅磡

錦記海鮮大排檔 評價 相片

5月尾老闆收工帶我地去錦記海鮮大排檔食野，話6月10號就結束營業，我心唸唔好食先會執！但係原來唔係，我一入到去就覺得D凳超級污糟（唔係講笑真係超污糟）叫完送之後就當然係食啦，真係好好味可以俾1000個like～雖然地方淺窄又污糟，但係你會因為佢真係好好味而黎，個乳鴿真係好好好好好好味，熱得黎皮唔會淋，皮脆肉軟仲好多汁添！仲有個啫啫芥蘭煲真係好好味！仲有仲有個大眼雞都唔錯，但係佢個魚頭用黎煲粥或者湯真係麻麻地可能因為即刻煲所以完全唔夠味！仲有好多好好味真係講唔曬！我5月爲到依家一共食左3次，聽日就6月10號啦，如果可以再食到第4次就好啦！

保持到水平幾好坐又有冷氣嘅大排檔豉椒炒蜆 佢絕對冇花巧 唔係細細粒冇肉嘅蜆殼粒粒都好夠肉又新鮮只可惜唔夠辣如果佢再加啲辣椒絲入去就完美喇魚香茄子煲 上枱嗰陣滾到辣口佢個茄子唔會煮得唔夠熟又唔過熟佢應該炒得咁上下就放落個熱辣辣嘅煲仔度等佢慢慢再煮熟啲盡顯功架如果煮得太熟會爛溶溶 皮肉分離如果煮得唔夠熟茄子唔好食淋淋地 又有咬口 就最好味蛋焗魚腸真係勁美味都唔明點解條魚咁肥送飯真係一流我係貪心啲希望佢多啲魚腸韭菜豬紅 連個湯都好好味冇豬臊味

今天三個人一起去試一試這一間小炒店。

內裏的環境比大排檔好一點，冷氣不足。

今天叫了五個菜，當到的時候，發覺好似跟食評的味道差一點。

失水準，這個價錢有這種享受都不過不失。

其實平時好少去紅磡，係之前有一次要去「大酒店」，之後同朋友去醫肚，而發現呢個大排檔的。

呢度環境比好多大排檔舊式及殘舊，連我咁麻甩嘅女人都覺得...不過，平心而論，如果撇開環境來說有D野食都不錯的。

炸乳鴿熱辣辣都OK，但碟上有少少血水，見到有啲扣分鵝片，好味，不錯菠蘿咕嚕肉，咕嚕肉肉少粉多，顔色太橙紅，好誇張，應該太多色素啫啫芥蘭煲，夠獲氣，不錯豉椒鵝腸，超正，一定要食什錦炒飯，味道ok，但獻汁太多

今日...我同細佬一齊陪父親跟佢既朋友晚餐..佢地簡左一間係紅磡既大排檔呢間大排檔.. 我記得好細個係去過一次...O個陣時係係露天現在.. 就入左鋪入面...D uncle 同我講呢間野大件夾低食.. d野食上哂... 真係無得唔信...大碟到呢蔥油雞我地8個人去, 叫所以叫左一隻..一上到枱.. 我就'嘩'左聲...真係好大碟.... 講緊都係百幾蚊...蔥油味重,,, 而雞既肉與亦好嫩滑煎蠔餅..呢個$66 ....有2大塊... 而且非常足料... 食落去每口都會食到有蠔係到炸大腸師父炸得岩岩好..相當脆口而呢個併盤我就覺得差d..太咸了炒宧亦炒得好乾身蒸大魚雲火喉控制得好好...無過老... 質感滑到呢~~另外.. sauce 又唔會太咸所有野好都好配合我地一行8人去... uncle 們飲左10枝啤酒..賣單都係920蚊..落在太抵... 如果有聚會...唔介意環境的話..呢到不失為一個好選擇

錦記海鮮大排檔餐單提供港式, 大牌檔等推介美食位於紅磡區，餐廳座位數未知人均消費約$51-100，結賬可以用現金。

您對於紅磡餐廳「錦記海鮮大排檔」有何 comment？

錦記海鮮大排檔餐廳詳細資料：

• 錦記海鮮大排檔地址:
  紅磡老龍坑街16-18號地下
  Kam Kee Seafood Stall, G/ F,16-18 Lo Lung Hang Street, Hung Hom
• 錦記海鮮大排檔電話:  
• 錦記海鮮大排檔價錢: $51-100
• 分類: 港式, 大牌檔
• 座位: 未知
• 付款: 現金
• FB專頁: 錦記海鮮大排檔 Facebook

更多錦記海鮮大排檔相關資料:

• 錦記海鮮大排檔分店
• Youtube
• Facebook
• Twitter
• Google