興記茶餐廳 紅磡
地址: 紅磡馬頭圍道隆基大樓地下29M舖
最後更新:
興記茶餐廳推介
餐牌寫豉汁蒸排骨！成個碟一粒豆豉都無都算，反正都係排骨，點知食落口豉汁冇豉汁，肉感似霉爛，完全食唔落口，仲有啲反胃星期六好多舖頭食市無開，見價錢合理，第一次幫襯就無下次，真係無諗過咁差；好彩餐湯同飲品正常。
紅磡興記茶餐廳
| 餐廳分店 | 興記茶餐廳 |
|---|---|
| 地區 | 紅磡 |
| 電話訂位 | 23335733 |
| 餐單 Menu | 港式, 茶餐廳, 冰室 |
| 人氣指數 | 827 |
| 價錢幾錢 | $50以下 |
興記茶餐廳訂位位於紅磡區，詳細地址是紅磡馬頭圍道隆基大樓地下29M舖，餐廳寬敞座位數目共有未知幾多個。興記茶餐廳幾錢？價錢優惠後人均消費大約$50以下埋單，早餐午餐晚餐興記茶餐廳餐單包括有港式, 茶餐廳, 冰室等美食，付款方式有AlipayHK,支付寶,現金付款，Booking網上訂位可以電話致電 23335733 查詢訂座。
興記茶餐廳優惠
興記茶餐廳 評價 相片
餐牌寫豉汁蒸排骨！成個碟一粒豆豉都無都算，反正都係排骨，點知食落口豉汁冇豉汁，肉感似霉爛，完全食唔落口，仲有啲反胃星期六好多舖頭食市無開，見價錢合理，第一次幫襯就無下次，真係無諗過咁差；好彩餐湯同飲品正常。
公司樓下的茶餐廳紅磡實在太多選擇，想食咩種類都有。
下午餐茶餐，簡簡單單又一餐。
$21叫左個菠蘿油+熱奶茶這個價錢，掂啦！ 想搵個地方坐下，抖下氣，放空下，都係幾好的消費去處！😄菠蘿油唔係冷而唔掂個種。
最起碼是脆卜卜，熱辣辣的放在你面前。
夠誠意！好味！熱奶茶都唔易失手。
😄
行過興記, 被佢門口個餐牌吸引!五隻字....栗米肉粒飯!每個男人都唔同, 人地嘅浪漫係豆腐火腩飯, 我就係栗米肉粒飯.今次興記完美地示範咗一碟唔合格嘅栗米肉粒飯樣辦.1, 肉粒無味, 口感太硬, 而且 size 過大.2, 栗米汁只係普通雞蛋玻璃茨, 唔係金黃色嘅栗米汁.3, 栗米份量不足.係一個超失望嘅浪漫! ^(00)^
昨晚拉隊出城五虎戰的神，史棋雷杰成大敗，不經意失掉五千多白銀。
隊足十幾杯大堅，再黎支香檳結尾，露魂出竅 ﹗斷片 AI 飛的都成 3 點先入到屋企，排除萬難 8 點半爬起身。
晨早收到美女生日祝福，我都忘記今天是農曆生日，多謝啊﹗Happy lunar birthday to me ﹗大陸國產港鐵經常故障，今日再次出現，真係火都黎﹗還掂都遲到，慢慢嘆個早餐先返公司。
轉眼已三年無踏足興記，再重回舊地，您地有否進步啊？朝早 9 點左右到達興記最舒服，食客少地方寬敞空氣流通，環境清靜乾淨，雖然食物質素真的強差人意，不過地方非常吸引。
在 9 點半後能夠提供高質早餐，如果9 點前都煮得色香味俱全就更開心喇！ 細看餐牌，早餐價錢扺食到暈，平得過份 ﹗但質素如何呢？想食牛扒無牛扒、想食烏冬無烏冬、想食意粉無意粉，餐牌明明寫住喎，我心諗您個餐牌要黎仲咩架？明明寫住出前一丁、烏冬、公仔麵加$2 蚊，茶記罕有地會有三種即食麵，多年無食公仔麵，心血來潮想重拾回憶，點知都係無既﹗ 太陽蛋五香肉丁出前一丁，已經再比多次機會您地！丁麵依舊煮得地獄級難食，依舊白烚A4 紙味道與質地，預早煮定倒落滾水撈埋湯粉 30 秒送到，早就發到無晒味喇！唯有用蛋漿療法，撈蛋黃食好好多！難怪早餐時段冷清清，我貪您坐得舒服、地方寬敞、環境清靜又近公司架乍！重口味特咸腸仔，香口彈滑不過散發著地獄咸味。
五香肉丁有成6 粒瘦肉合理，麵條捲著瘦肉掛著辣湯特別醒神好味道。
試試淋上大量辣椒油會否更好味，中伏了﹗有趣的五香辣椒油，跟五香肉丁味道一模一樣，神奇又有趣。
連倒四五羮都絕對無問題，香而微辣大啖大啖不停吸啜，舒服晒。
不會是將用剩的五香肉丁罐頭辣油存起吧，真有趣！雙太陽蛋金牌沙嗲牛肉麵，第一眼望到通粉？望多眼原來真係麵黎喎，即刻知道出事！我已重複左兩次話要出前一丁咯，激死我 ﹗大光麵食落似足份子料理一樣，明明食緊麵，但味道及質感係雞湯通粉，神乎奇技，師傅實在太利害喇！竟然好食過以往的白烚A4 紙無味腍劈劈出前一丁喎，真係估您唔到，直頭非常驚喜添﹗雞湯已滲入每條麵之中，微爽微脹帶微微粉口，但充滿甜美湯汁。
嫩彈牛肉片十分正常，輕輕微甜沙嗲汁包著。
太陽蛋一樣十分正常，出絕招蛋漿掛麵大啖啜，希望遮蓋雞湯通粉的感覺，立即舒服很多咯，滾熱辣三四口已消滅殆盡。
紅腸炒蛋即食麵，大大件厚厚紅腸，炸過焦香格外香口熱辣辣，皮脆肉彈多汁，不過強咸嗆喉，我天生不能太咸呢，用滾湯沖洗一下再用麵條捲住入口舒服許多。
極上炒厚蛋，滑不留口，即炒香噴噴蛋味濃郁，中間流心頂級好味道。
雞湯大光麵質地滑滑帶彈，竟然煮得比出前一丁出色更好食囉。
午餐肉太陽蛋濃湯火腿通粉，師傅您好忙咩？只得食客小貓三四隻冷清清，乜夠都煮定晒，冰凍太陽蛋，乾硬凍油油餐肉，掉到滾湯底烚烚去先得。
前兩次出前一丁同樣預早煮定，腍劈劈無味道。
質素真係唔掂喎，一定要改善改善。
腿絲雪藏味強烈霸道，嚇死朕喇﹗唯有狂落胡椒粉，但都無補於事。
雞湯底香濃甜美，通粉微彈微粉合格，份量也不少，食飽飽滿足地回公司。
煙肉太陽蛋雪菜肉絲公仔麵，雪菜肉絲咸味菜味肉味都非常平均，炒得可口好味喎，莫非師傅強項係小炒不是快餐？興記出前一丁超難食，反而普通大光麵就煮得幾好喎。
熱騰騰發脹麵條微爽微滑，帶湯力強勁，雞湯味濃郁，不停大啖大啖連雪菜肉絲一齊啜，非常暢快舒服。
餐牌寫住公仔麵，到底真係公仔麵？還是大光麵呀？點解煙肉豆皮一個個窿既？而且係腸仔味，好搞笑。
太陽蛋即煎熱烘烘，蛋白金黃焦香微脆，特別和味。
原來並不是一位師傅走天涯，終於碰到肥瘦師傅。
太陽蛋五香豬扒出前一丁，疑似好靚煎豬扒，質地結實有咬口可接受，不過醃味重手過咸咯，欠肉香肉甜味道。
煮得最似出前一丁都係依碗喇，但眼測都知白潺潺滾水烚定撈個湯粉就出貨！ 淡茂茂腍劈劈大力少少夾都斷呢。
煙肉雙太陽蛋黑椒汁香煎雞扒，居然有汁跟那麼好，難得難得，開心開心。
而且有3 餸 1 扒添呢，我梗係笑晒啦。
不過就要等耐少少 ﹗半煎炸雞扒乾濕參半，切開保有肉汁略咸，配上太陽蛋一齊食可減低咸度就更美味。
先辣後甜的濃郁黑椒汁非常醒神，使到雞扒味道更豐富，蠻不錯。
油浸煙肉，嚥韌咸咸的，配麵包配湯麵更好。
雙太陽蛋金牌沙嗲牛肉出前一丁，出前一丁十分正常唔難食喎，師傅突然覺醒？不過麵質始終有點粉有點發脹有點滾水味，無麵香無蛋香。
立即用蛋汁抱住搭上濃郁湯汁食，力挽狂瀾好味多倍。
火腿炒蛋榨菜肉絲出前一丁，熱辣辣半煎炒蛋，蛋底全熟焦香，蛋面嫩滑蛋黃甘甜濃厚，略煎火腿有誠意。
雖然都係白烚麵，但即煮效果顯注，爽彈不粉不腍，夾起榨菜肉絲齊齊啜，格外美味。
榨菜？味道質地似足普通咸香大頭菜黎喎。
雙太陽蛋金牌沙嗲牛肉出前一丁，太陽蛋即煎無得頂，雖然蛋白爛掉，底焦香熱辣辣，面微暖滑溜，蛋黃冰涼，吉穿讓滾湯賜給溫暖，掛在麵條連湯啜入口，甘甜濃郁黏滑幸福無比。
何解倒埋千年麵條比我呢？勁肉酸核突。
吉列魚柳，無牛扒就試試魚吧﹗師傅即造要耐心等候。
新鮮熱辣剛出爐，薄薄的魚片，麵包糠連炸粉比魚片厚兩倍呀 ﹗魚汁魚味完全被硬掘掘刮嘴表層所淹沒，煎炸味濃濃霸道。
唔食沙律醬的我都要滾上大大篤舒緩一下才放入口，終於免強落得肚。
太陽蛋五香肉丁出前一丁，其實我最初點吉列魚柳太蛋丁麵，肥妹話炸魚不可以跟麵架喎，那我可否散叫嗎？係其他茶記一向食開都係當食扒麵之麻，激死我。
肥妹一直覺得係太陽蛋五香肉丁麵，我再詳細講多三次吉列魚柳太陽蛋出前一丁麵，最後都係黎太陽蛋五香肉丁出前一丁，我真係暈喇 ﹗辣椒油難得有少少渣，梗係全部要沒收啦。
有渣香辣好多，還有濃厚桂林辣椒味，不是淨油的五香辣椒喇。
仍舊滾水烚麵，水注注清水底送到，就連湯粉都並未攪得均勻，黐埋一舊舊一堆堆，唯有自己出手攪攪去。
雙太陽蛋雪菜肉絲出前一丁，陳皮味雪菜肉絲？非常獨特有創意，咸咸爽爽撈麵齊吃還可以。
補補塑化劑，Keep young 良藥。
兩分鐘上檯，未食都知煮定倒湯，麵質過腍帶，麵粉香已流失不甜，腍劈劈的麵質，淡茂茂的湯底，無限失望。
淋上五六七羹辣油希望帶點生氣吧，大大啖連辣油啜入口，縱使幫助不大起碼心理上有點安慰。
太陽蛋香煎雞扒出前一丁，真正的煎雞扒終於出現，不用再食翻炸乾硬鞋咸雞扒喇 ﹗肉質結實多汁，醃味得宜不濁不過份，雞皮滑彈，美味有質素。
火腿雙太陽蛋吉列豬扒，薄薄的豬扒被厚厚的麵包糠包得緊緊，新鮮出爐剛剛炸起，金黃脆卜卜泛著油光，雖然滲著微微肉汁，不過豬肉味道及質感完全被麵包糠掩蓋。
底暖面凍沒有焦香的太陽蛋搭冰涼的火腿，使到情緒低落。
最後出必殺技，讓火腿躺在熱辣辣冒著煙的吉列豬扒上，讓雞蛋躺在滾燙烫閃油光的吉列豬扒上，吸吸暖意即一啖入口迅間全部消滅。
雙煎蛋金牌沙嗲牛肉通粉，沙嗲湯格外香濃美味，洒上胡椒粉連湯汁跟牛肉及通粉一齊灌入口，百花齊放亦打得火熱，味道提升不少。
煎得蛋白金黃焦香，黏著甘甜蛋黃，滑滑一啦入口，滿意無野講。
我還以為係反蛋荷包蛋來的，師傅真有創意，太陽蛋倒轉上碟扮反蛋，十分風趣。
讓涼浸浸蛋黃吸收滾湯熱力再品嚐，甘甜和暖，食得津津有味。
腸仔雙太陽蛋五香豬扒，豬扒隔夜鞭屍系列，陰沉味道咸濁無比，翻炸使得味道更濃烈，熱辣辣兼油淋淋。
只得一招抵擋，就是跟蛋白蛋黃一齊食，能夠沖淡少許，感覺好多了。
腸仔半截冰冷半截室溫，硬實又油又咸，既然都炸豬扒，何解不順便炸炸腸仔呢？雙太陽蛋金牌沙嗲牛肉出前一丁，同樣沖水放涼微腍的麵質，粉粉質地無麵條香甜味道，大火滾一滾撈個湯粉就出貨，味道只留在外沒有滲入其中，麵質十分嚥韌喎，這樣太生喇麻，總好過脆卜卜索索聲既。
幸好沙嗲汁及湯底同樣味道醇厚濃郁，免強可以掩飾到部份缺點。
如何才能烹調到牛肉嫩滑彈牙又不失甜美沙嗲味呢？熟到廿十成的乾膠韌牛肉片厚切，只甜不辣的沙嗲汁，缺乏惹味刺激感覺，微辣更能增加食慾，提升食味呢。
太陽蛋必定無得頂，掛在麵條上啜晒入口，滑嘟嘟的蛋白，甘甜黏黏的蛋黃，分數躍升幾倍。
雙太陽蛋金牌沙嗲牛肉出前一丁，何解牛肉這麼軟綿，不乾不硬不鞋，難得一見呀﹗還散發清香不濁沙嗲味。
是否朝早的沙嗲牛肉剛剛用完，這批做起不久的嗎？質素有著天淵之別。
醇美的湯底加入清香沙嗲汁，不用辣椒油了，大力將麵條連湯吸啜品嚐，讚嘆大滿足。
中出掛著蛋漿塞入口，天堂的味道，甘香無比，捲埋嫩滑牛肉更添惹味。
雙太陽蛋榨菜肉絲米粉，難得叫基本早餐連熱飲，完全不用額外加錢，只需 $25 蚊平到笑呀 ﹗轉個頭未夠一分鐘，肥妺雙手捧著煎雙蛋、湯米、熱奶茶一次過端上，快到無影﹗試試我最討厭的米粉先，幸好湯夠濃夾起米粉連榨菜肉絲齊齊啜更有味道，拿起個碗熱辣辣全部掃入口，食得更加爽皮暢快。
彈彈質地的米粉，搭濃湯榨菜肉絲咸咸可口，搭黏嫩滑溜太陽蛋甜美甘香，色香味比想像中更好。
太陽蛋香煎雞扒出前一丁，特別地食單春，平時都食開起雙呢。
焦香太陽蛋正常美味，熱辣辣品嚐無預早煎，非常好。
勁燶雞扒，焦黑色散發苦澀味道，結實無肉汁。
柴皮翻炸煎雞扒，乾硬到刮嘴，極樂咸味受不了！出前一丁難得新鮮即煮，爽彈滑超高質，不過麵條散發特濃滾水味啊 ﹗餐蛋牛治，食得太多餐即食麵，休息一下罷。
白方包放左幾耐架？鞋烚烚無鮮味無麵包香，摸上手似毛巾，都唔軟塾既。
無得頂的厚厚嫩滑漏汁炒蛋，蛋香夠天堂的色香味及質感。
皇帝的新肉？聰明人才能見到？我塊餐肉去了那裡啊？原來薄到見唔到啫。
餐肉肥美油潤，有煎過但放了段時間，沒有再翻熱喎。
火腿有煎過，咸牛鬆軟味濃，三合一厚厚啖啖肉夠滿足，係兩片麵包勁唔得。
腿蛋牛治，近日炒蛋那麼單薄呢？而且咸牛只得一細篤，還以為落錯單，整件三文治輕飄飄，大風少少都吹走喎。
餐腿蛋治，麵包鞋烚烚，每次拿起都覺得似毛巾。
炒蛋真的超級出色非凡，香噴噴嫩滑有蛋汁，襯埋肥美油香餐肉還有咸香滑滑火腿，好味道啊。
新公司搬左黎依邊🤦🏼♀️樓下好多茶餐廳諗住一間間試下中午放飯緊係搵間唔洗排隊既啦，坐底餐牌飯麵連野飲個個都三十幾蚊超經濟🙌🏻有每日精選既，有餐牌上的豬、雞、牛、A、B、C汁抄麵抄飯唔個點解今日想食個滑蛋叉燒飯，好快就到，咁先係香港快餐👍🏻雞蛋唔算多，勝在多蔥，但個汁有點咸，叉燒係瘦叉差不多有二十塊，飯應該都有1碗半，食完都真係好飽啊加埋野飲四十一蚊埋單，依個年頭真係好小有，但個冷氣就⋯⋯⋯好似無咁，依幾日3435度，食到焗桑拿咁依區餐廳都咁抵，下次試下第二間再寫食評
興記茶餐廳餐單提供港式, 茶餐廳, 冰室等推介美食位於紅磡區，餐廳座位數未知人均消費約$50以下，結賬可以用AlipayHK,支付寶,現金，Booking訂位可以電話致電 23335733 查詢。
您對於紅磡餐廳「興記茶餐廳」有何 comment？
興記茶餐廳餐廳詳細資料：
- 興記茶餐廳地址: 紅磡馬頭圍道隆基大樓地下29M舖 興記茶餐廳, Shop29 M, G/ F, Loong King Mansion, Ma Tau Wai Road, Hung Hom
- 興記茶餐廳電話: 23335733
- 興記茶餐廳價錢: $50以下
- 分類: 港式, 茶餐廳, 冰室
- 座位: 未知
- 付款: AlipayHK,支付寶,現金
- FB專頁: 興記茶餐廳 Facebook
更多興記茶餐廳相關資料:
香港餐廳2026推介8月