老陸美食 紅磡

老陸美食 評價 相片

熱捧呢一間的車仔面,同炒粉面!呢度的食品,係真係好食,唔係亂黎求其嗰隻。

呢度的車仔面,有湯底揀的嗜辣的我第一次就叫一個勁辣湯底,真係辣到飛起,雖然勁辣,但係佢唔係死辣,而係好有味道嗰隻!之後再食都只有叫大辣而已都ok夠頂辣癮。

另一個湯底推介,就係咖喱湯底,簡直係超水準,超誠意之作。

第二啲的車仔面,最多”畢”殼咖喱汁落個碗度叫做咖喱湯底,呢度係真係成個咖喱汁咁的湯底黎的,個咖喱湯底比起一啲日本咖喱湯面或者一啲馬來西亞的喇沙湯底更香濃,配米粉或河粉連湯一齊食,正!!! 不過呢個咖喱湯底其實一啲都唔辣的,怕辣的朋友都唔使怕。

佢另外仲有幾隻湯底揀的,包括,清湯,豬骨同秘制等。

車仔餸一定首推雞翼同雞翼尖,兩款都係炸的,要叫另上,好脆,好入味,好好味! 另外蘿蔔係超甜!不過佢雖然有六十幾款餸你揀,但係好多嘢都唔係太特別o既,當相比銅鑼灣嗰幾間好好味車仔面~ 呢part 係可以改善的。

另外,佢炒嘢,係真係幾得架,夠鑊氣,少油,又香又好味,基本上都冇咩失手。

佢仲做好多小菜的,好家庭feel嗰種,大路嘢當然有啦,但係更加多的係一啲另類配搭的小菜,多數喺屋企先會煮既嘢,例如梅菜蒸菜心,豉椒茄子炒大腸咁… 真係少見啲囉~

第一次幫襯, 主要貪佢平先入去!睇到餐牌台式肉燥飯好似幾吸引, 有多種主菜選擇, $25我叫左東坡肉+酥炸雞扒台式肉燥飯 (雙拼要加$6)先講賣相, 同幅圖差好遠, 本身整個飯既份量已經略少, 仲要主菜佔既比例非常小, 得好少東坡肉同酥炸雞扒, 又細件!接著試試肉燥, 嘩! 都唔係我食開果種黎既?! 我唔敢講佢正唔正宗, 因為可能來自台灣唔同既地方, 但 總之我覺得唔好食, 同埋好咸! 跟住講下主菜東坡肉, 其實真係縮水縮得好緊要, 食落味道一般, 又不至於太差!至於另一主菜酥炸雞扒, 雖然真係好少, 但係夠晒脆, 外脆內滑, 相信因為新鮮即炸, 味道亦唔錯, 成餐我比最高分係佢, 我覺得幾好食, 不過未至於響第二度食唔到~最後, 我想講埋杯飲品, 我叫左凍檸茶, 茶劣檸檬差, 完全冇應有既味, 唔合格!我覺得以佢既份量, 轉雙拼加$6, 真係完全唔值!我朋友叫左單拼, 我發現其實份量一樣, 只係雙拼有兩樣, 每樣比少d 總括黎講, 除左個酥炸雞扒之外, 冇樣野合格, 所以唔考慮再光顧。

小弟一向最欣賞食物有質素的小店,老陸美食肯定是其中一間以$10一餸一麵作招來,價錢平,卻絕不欺場,味道有水準,份量也不少,更附送大量芽菜,實在超值最令人驚喜的是有六十多款餸料可供選擇,而且水準不俗,其中以雞翼和魷魚鬚最為出色如此有質素的小店,競爭力超群,希望店主可以保持質素,繼續用心經營下去

一般人食車仔麵都淨係識叫d咖哩湯底、大中小辣湯底，因為諗住貪穩陣，以為「秘制湯底」一定係水汪汪兼且淡而無味，認為加「料」抵d好食d，但去到老陸就千祈唔好咁「蝕」，佢地個「秘制湯底」落足料炮製，我仲係個湯底裡面發現一d疑似花椒八角同XO醬既渣滓，雖然唔係d咩昂貴材料，但起碼有誠意去炮製自家湯底，好過所有味精清湯！雞翼炸得香脆之餘，唔會好似某某連鎖快餐店咁包左成寸厚炸粉，而且發育完成，唔會奀挑鬼命，另外，廚房亦會將雞翼分開上，唔會被個湯浸淋晒丫嘛！最重要係河粉、米線都每日新鮮運到，包無隔夜，因為我係呢間食店既常客，八九點去到就已經賣晒，而且仲偷聽到老闆落單訂河粉添呀，佢話想客人食到新鮮野，所以寧願唔夠賣都費事預多左要賣過夜，真係唔話得！

老陸美食餐單提供台灣菜, 車仔麵, 粉麵, 米線等推介美食位於紅磡區，餐廳座位數40人均消費約$50以下，結賬可以用現金,八達通，Booking訂位可以電話致電 23630599 查詢。

您對於紅磡餐廳「老陸美食」有何 comment？

老陸美食餐廳詳細資料：

• 老陸美食地址:
  紅磡崇潔街19號地下
  老陸美食, G/ F,19 Sung Kit Street, Hung Hom
• 老陸美食電話: 23630599
• 老陸美食價錢: $50以下
• 分類: 台灣菜, 車仔麵, 粉麵, 米線
• 座位: 40
• 付款: 現金,八達通
• FB專頁: 老陸美食 Facebook

更多老陸美食相關資料:

• 老陸美食分店
• Youtube
• Facebook
• Twitter
• Google