Pokka Cafe 紅磡

Pokka Cafe 評價 相片

今晚我們去咗黃埔嘅「百佳咖啡餐廳」食晚飯！我們叫咗浦燒鰻魚飯定食同三個晚餐輕煎羅勒醬三文魚配白酒忌廉汁、香煎肉眼扒同日式紅酒牛肉配焗蛋白梳乎厘飯！跟餐有南瓜濃湯同鷄肉提子沙律，甜品有迷你木糠布甸同焦糖燉蛋白！浦燒鰻魚飯定食真材實料，鰻魚嘅份量超多，差唔多一啖飯一啖鰻魚，鰻魚嘅肉質嫩滑彈牙！係本人嘅必食推介！鷄肉提子沙律係用新鮮提子嚟做沙律，真係非常特別，提子相當清甜！輕煎羅勒醬三文魚配白酒忌廉汁嘅三文魚煎得好香脆，肉質嫩滑，白酒忌廉汁嘅味道同三文魚好夾！香煎肉眼扒嘅肉質鮮嫩，牛肉味相當香濃！日式紅酒牛肉配焗蛋白梳乎厘飯，牛肉嘅份量好少，只得三件，梳乎厘同炒飯夾埋一齊食，感覺怪怪同有啲格格不入，令我們有啲失望！迷你木糠布甸相當香甜軟滑！焦糖燉蛋白嘅焦糖面層都幾香脆，蛋白都幾香滑！

下午茶份量多，但完全唔捨得落調味料。

唔知係咪因為下午茶餐比較平，所以質素較差。

牛肉烏東成碗野用兩個字去形容好淡。

烏東口感唔錯，幾煙仞。

肥牛口感淋滑，可惜冇乜牛肉味。

湯底極淡，認真飲咗幾啖先試得出喺味憎湯。

感覺就似全部材料放哂落滾水度白烚，欠缺誠意。

豚肉炒意粉成碟野都係兩個字形容極淡。

落得好小好小醬油去炒。

豚肉非常薄，質感似食肥牛多過豬肉，亦冇乜豬肉味。

田螺薯蓉又淡又乾。

薯蓉欠缺牛油香，而且質感鬆鬆散散，一啲都唔滑。

田螺肉味道亦一般，都係好淡。

上面層芝士就咁一堆咁放係上面，分佈非常唔平均，好求其，咬落口又硬又乾。

朱高力特飲望落去都幾吸引，但飲落口淡茂茂，朱高力味一啲都唔香濃，亦唔夠甜，飲得出落咗好多水去溝稀。

餐廳環境幾好，裝修幾靚，啲侍應亦好有禮貌，但我唔係想泥食健康餐，而且價錢一啲都唔平，對百佳唔再抱有任何希望。

叫左:炸雞肉溫泉蛋蕎麥冷麵配日式西柚汁,北海道明太子豬軟骨拉麵,涷咖啡.炸雞肉溫泉蛋蕎麥冷麵配日式西柚汁:雞肉好滑有小小鹹香,個西柚汁好正.北海道明太子豬軟骨拉麵:明太子好鹹香,正,豬軟骨好淋又夠入味,溫泉蛋做得剛剛好,流心又唔會太生,湯底唔油好清甜美味.涷咖啡:豆味香濃,唔苦澀.位置方便坐得舒服.

第一次寫食評，請大家多多指教啊^^我有'相機先食'的習慣，除了因為很多餐廳的食物賣相都很漂亮之外，還想用拍照這個方便的方法記錄自己吃過些甚麼~ 久而久之儲了很多照片，不如花多點時間心機，加上文字更清晰的記錄下來，還可和別人分享呢!^^首篇先寫母親節晚餐~平時家庭聚餐多數都是去酒樓，來來去去都是那些菜式，實在太悶......因為要遷就大家，所以要選附近而又聚餐未去過的餐廳，還要合媽媽口味，其實選擇不多。

上OpenRice選中了Pokka Cafe(其中一個原因是有飯吃)~大家放工後才能來，原本想Book8:30pm，但餐廳說最遲要book8點... 好吧，唯有我早d到等佢地 (其實唔駛book，因為成餐飯都係得2檯客)終於齊人點菜了，媽媽有選擇困難症，選了良久最終還是選了滑蛋吉列豬扒飯(上次同佢係第2間餐廳食下午茶佢都係揀左吉列豬扒飯)個飯好大碗！媽媽share左d比我，好好味，吉列豬扒夠脆唔鞋，滑蛋夠滑，d汁都好味，係個合格既日式滑蛋吉列豬扒飯！個飯仲附沙津同麵豉湯，媽媽都不吃，我飲左個湯，都ok~我叫左紅酒牛腩蛋包飯！我對蛋包飯既熱情仲未退卻，又想食牛，所以點左e個！家人說酒味不夠，但我覺得已足夠~ 太重酒味我怕會苦澀。

媽媽不飲凍飲，所以叫左個花茶，一壺係2人份量，叫waiter比多幾隻杯我地share，佢比多左2,3隻我地，好好人^^d杯好優雅，茶比想像中好飲！我地話可以試下係屋企自己整^^咖啡凍餅，係上次消費送的優惠券，比想像中大件，好香咖啡味~大家都食得好飽，未舉得切機影個Tiramisu格格多士已經溶溶地。

但味道都好好，熱的多士和凍的雪糕真是絕配~食到9點幾得返我地一檯客，waiters開始執野準備收工，燈又暗了冷氣又熄了，唯有快快食埋d多士走人~一餐飯食得開唔開心既因素概括有兩點，食物質素同心情~今晚我地係食得開心既^^ Happy Mother's Day~

週末一行三人在附近留連, 路經Pokka Cafe, 正好祭一祭五臟廟。

餐廳大概半滿, 環境寛敞, 坐得舒服。

前菜選了益生蛋香炸雞肉沙律、珍寶凱撒沙律及焗田螺。

所謂的益生蛋其實跟太陽蛋無異, 卻也做得甚為滑溜; 炸雞則有驚喜:  外層脆而肉質嫩滑, 加上混入微酸沙律汁的新鮮沙律菜, 更是相得益彰, 整個組合非常不俗。

相比之下凱撤沙律則有點期望過高了。

雖然沙律有蝦、三文魚及雞肉作為配搭, 生菜亦鮮爽, 然而芝士汁不夠香, 影響了整碟沙律的食味, 無甚亮點, 一般而已。

幸而跟著上桌的特色焗田螺挽回不少分數。

整碟田螺熱騰騰的, 焗得很香, 尤其薯茸軟滑非常, 焗了的芝士更有脆脆的一片面層, 三人很快便消滅了這碟美味的焗田螺了~~~主菜有兩個意粉及一個拉麵。

白汁雞肉意粉雖是下午茶餐的選項, 但也絕不欺場。

嫩滑的雞肉配上滑溜而不過腍的意粉十分得宜, 不錯。

散叫的帶子墨魚汁扁意粉實在強差人意。

首先, 用的並非扁意粉而只是普通意粉; 其次墨魚味不突出。

帶子及墨魚吃到有雪味, 最不行的是整碟意粉油到無朋友, 吃一口已滿嘴是油, 小人實在吃不下去了!友人看見不少食客均叫了拉麵, 便點了一客來試。

畢竟並非拉麵專門店, 也不能期望太高。

果然湯底是烯得不得了, 莫說任何豚骨香味; 麵條是杯麵質數; 而义燒像是柴乾般又靭又無味; 不敢恭維。

完成一餐的咖啡倒很不錯, 濃香滑溜, 喝後口腔裡還留有餘香, 讚!部份菜式是不錯的, 來此餐廳, 可能須要選對食物才行。

Pokka Cafe餐單提供日本菜, 咖啡店, 日式西餐等推介美食位於紅磡區，餐廳座位數未知人均消費約$101-200，結賬可以用Visa,Master,現金,銀聯。

您對於紅磡餐廳「Pokka Cafe」有何 comment？

Pokka Cafe餐廳詳細資料：

• Pokka Cafe地址:
  紅磡德安街30號黃埔AEON超級巿場第五期地庫1樓B5-R01號舖
  Pokka Cafe, Shop B5- R01, Aeon, Basement1, Site5, Whampoa Garden, Hung Hom
• Pokka Cafe電話:  
• Pokka Cafe價錢: $101-200
• 分類: 日本菜, 咖啡店, 日式西餐
• 座位: 未知
• 付款: Visa,Master,現金,銀聯
• FB專頁: Pokka Cafe Facebook

更多Pokka Cafe相關資料:

• Pokka Cafe分店
• Youtube
• Facebook
• Twitter
• Google