鮨文 紅磡

鮨文 評價 相片

有阿姨的孩子像個寶！適逢考完試，阿姨決定帶我一試廚師發辦(Omakase)。

原來日本人都有類似中國人嘅民間智慧「不時不食」，新鮮嘅時令食材加上廚師嘅心思同講解，$1980一位都值回票價！味覺、視覺、聽覺多重享受。

.黑松露金萡茶碗蒸蒸蛋火候控制得宜，口感嫩滑無比。

整成啫哩嘅黑松露唔會過鹹亦唔會影響蒸蛋嘅質地。

裏面仲有菇同埋元貝令味道更豐富。

.小食拼盤四小碟前菜(酸汁啫哩海葡萄、梅酒浸車厘茄、冷麵汁波菜、辣汁黑梅螺拼小女子)各有特色，盡顯廚師嘅心思。

特別欣賞頭兩款。

沖繩海葡萄嘅口感好似蟹籽咁爽脆。

剝左皮嘅日本車厘茄口感好似蘆薈咁好咬，同梅酒出奇地夾。

.油坊主以鹹香嘅麵豉醬同埋橘子汁調味，令油脂十足嘅魚肉唔會太膩。

.岩守縣大船渡灣真壕IPhone 咁巨大嘅蠔肉爽口滑溜，鮮味顯著但係海水味偏淡，加埋紫蘇葉汁味道更清新，連怕腥嘅人都會接受到！.櫻煮八爪魚細細碟原來工序好繁複，按摩後以甜豉油慢煮八爪魚三日三夜，難怪咁淋身咁入味。

.吉列帆立貝新鮮嘅帆立貝果然同雪藏果啲唔同，外熟內軟，絲絲分明。

爆多青瓜洋蔥粒粒嘅他他醬味道好食到忍唔住想問廚師拎秘制配方！.稻草煙燻初鰹唔及回鰹油脂多，魚味較清香，配上蒜味豉油、白蔥、茗荷等調味，滲透微微嘅燻香。

.清酒蒸黑鮑鮑魚來自島根縣，屬頂級規格、鮮味濃郁，點少少鮑魚肝醬食味道更上一層樓。

.八貫手握壽司喜魚：特殊煮法做出皮熟肉生嘅效果，輕易咬開，肉質保持軟嫩粒貝：剁過嘅活鄉螺口感爽脆彈牙喉黑：外皮燒至脆身，魚油香濃東沢水產白海膽：正值當造之時，膏塊體制大，鮮中帶清藍鰭吞拿魚大腩：入口自鹿兒島，肌肉口感實在，味道重唔會膩。

三文魚籽：以甜豉油自家醃製，爽脆多汁，唔鹹唔腥，讚！！！點紋牡丹蝦：啖啖肉，蝦頭嘅蝦膏都唔浪費燒焦放面，甘甜無比。

穴子：口感綿軟，入口即溶。

右口魚裙邊手卷：油香滿溢，加埋赤貝裙邊同埋吞拿魚蓉，配搭豐富。

.貓眼提子+靜岡蜜瓜以果物作結比甜品更解膩。

黑提巨峰嘅混種係近年新品，無左巨峰嘅酒味，果皮亦較薄，甜度滿分！

台上1分鐘，台下10年功。

望著師傅一刀一刀將羗切成均等的一片片，又輕巧又薄，看得我眼定定，絕對放心將今晚的食材任由他發辨！金箔黑松露蒸蛋高雅的一個前菜！蒸蛋滑溜細緻，混入黑松露的芡汁，味道好夾。

五小碟：海葡萄加入了酸醋啫喱，爽口開胃。

日本蕃茄仔浸過梅汁，清甜可口。

冷麵汁菠菜，夏日炎炎最佳涼拌。

黑梅螺煮得夠軟腍，入味！肉筋魚仔醃製入味，佐酒一流。

油坊主，呢種魚聽個名子就係可想言之充滿脂肪，面層塗上麵豉醬油，略為炙過，那油脂滿溢另口腔充滿驚喜。

真蠔是我的至愛。

來自岩手縣真蠔，肉白肥美，豐腴得快要把它吃掉。

爽甜，淡淡的海水味與及蠔味一擁而上，加添了紫蘇葉汁更有層次。

一向對八爪魚沒有好感，那種咬不到，吞不到的口感往往另我卻步。

這個櫻煮八爪魚是師傅的大力推薦，放了不少時間和心血餚製出來。

第一次食到八爪魚的質感是軟腍柔靭，少少的柚子胡椒調味，更顯出八爪魚的風味。

帆立貝炸得外脆內軟，中心位置剛熟透心，可見一絲一絲。

配合自家炮製的他他醬，有青瓜和洋蒽原素，另到炸物減輕了油膩之感，好好味。

鰹魚採用稻草煙燻，啖啖散發出燻香。

茗荷，白蔥，蒜蓉豉油和芝麻的配合，一流。

原來鰹魚是象徵長壽的意思，真係唔講唔知，又增進知識了。

來自島根縣的黑鮑魚，採用清酒蒸，肉質細膩軟腍，有微微酒香，蘸少許鮑魚肝醬同吃，高雅又矜貴。

鱚魚是時令魚，夏季才有的，今晚有福了。

炙過後，只皮熟，魚肉還保持生的，淡淡的魚味。

活粒貝爽口有嚼勁，鮮甜味美。

喉黑魚，魚脂十分豐富，甜味十足，口腔內油脂平衡，滋味！來自鹿兒島奄仔美大島的吞拿魚大腩，肉的顏色比較深，因有肌肉，所以口感特別豐富。

秘製醬油三文魚籽粒粒晶瑩通透，入到口內慢慢爆汁，正。

紫海膽有著淡淡的甘香，滿足了味蕾。

利用了魚頭，魚骨，多種食材煲煮而成白魚湯，鮮甜暖胃。

來自函館的點紋牡円蝦好特別，蝦側身有四點，蝦頭有直紋，有光彩，新鮮。

入口好有漿口感，再加上炙過的蝦膏，那焦香味無比，勁惹味。

穴子又是我的至愛，利用了穴子頭骨餚製成醬汁伴吃，肉質綿滑柔軟得不可置信。

右口魚邊，赤貝邊，吞拿魚蓉混合成的手卷，口感複雜，好味。

最後是甜品的時令水果，貓眼提子和靜岡縣蜜瓜。

完美晚餐的句號！

前菜是黑松露金箔茶碗蒸黑松露醬汁香濃，材料有帶子、菇菌、蛋。

有金箔點綴，蒸蛋也很幼滑。

沖繩海葡萄配酸汁啫喱梅酒車厘茄菠菜配拉面汁鰻魚汁瀨尿蝦加小女子這道菜主要酸酸甜甜，令人食慾大開。

外面鮫鰈魚，質感有嚼頭有韌度，它像鯊魚皮般所以稱為鮫，裡面有日本芽蔥，特別香口細膩，中間是右口魚，它比左口魚的魚油更香濃，魚油香和橘子汁混合後吃是超享受～螢光魷魚配蛋黃醋，酸酸甜甜很有蛋香，很新穎。

炸新鮮扇貝配自制他他汁，貝的質感外脆內軟，很鮮味，新鮮的扇貝才有一絲絲的肉，配搭脆脆紫菜和酸瓜洋蔥醬咬下超滋味。

日本稻草煙燻鰹魚上面舖有萬能蔥、白蔥、名荷三款蔥，名荷質感似洋蔥，完全無澀味，蒜汁又能提起魚肉的鮮味。

櫻煮八爪魚廚師用甜豉油煮了三日，每日煮一小時，而且要幫它按摩，煮得入味，肉質也特別滑，吃下有少許爽脆的感覺，配搭柚子胡椒少許辣，味道很棒！清酒蒸島根縣赤鮑魚 它是日本最頂級的鮑魚，要鮮蒸才能做到質感腍滑，醬汁用鮑魚肝、檻欖油、忌廉做，吃下特別幼滑，齒頰留香。

吃壽司時配搭時吃的漬物，醃蘿蔔煙燻、酸醋蘿蔔、Wasabi醃的山藥、紅酒洋蔥、還有自家製壽司薑，各有特色，吃著愈見開胃～針魚肉質清香，加少許薑蓉來吃～喉羅魚，關西魚王，油脂較重，魚油特別香～富山縣才出產的白蝦，黃柚子皮配蝦是特別適合的，質感柔軟，柚子清新剛好不會蓋過蝦鮮味～青森出產的野生中吞拿魚顏色會較紅色，質感肌肉比較實，味道比養殖的更濃郁。

北海館函館三文魚籽軍艦，廚師預先用特制醬汁醃成，每粒通透，沒有腥味，而家清甜～北海道函館海膽軍艦這個是我最愛！份量超多！很creamy, 鮮甜，我一口吃下，軍艦正確食法是要像酒般倒進口中！海膽滿口多到我差點呼吸不過來！😂我久久未想吞光，想在口腔中多停留一會～愛媛縣象拔蚌，新鮮爽口又有回彈力。

湯品是白身魚熬煮成的，魚皮魚骨煮成的熱湯，要煮23小時，骨膠原豐富，女士恩物～穴子壽司，即海鰻，用上100g細小的穴子，所以食感也能像綿質般超幼滑。

再從廚師手中接上手卷，是用海膽、魚、蝦、蔥、做材料的手卷，味道雜合了多種鮮味，我們都吃得超滿足！果物有三款，岡山縣巨峰及意大利混合品種黑提沒有澀味，有巨峰提子味～很清甜山形佐藤錦櫻桃，顏色鮮紅，有點透明質感，靜岡縣黃金蜜瓜，未吃已感覺到它的香味，超多汁！作為飯後果最適合不過！總括食物水準、服務態度一流，下次和家人朋友慶祝生日，他們一定吃得很高興很滿足～～

以往我都只幫襯元朗分店, 不過, 近排唔係好適合太夜返屋企, 就決定去黃埔分店試吓~ 黃埔分店好就腳, 地鐵站一出. 過條馬路就到, 夠晒方便~ 受疫情影響, 餐廳做足預防措施, 以探熱槍量體溫, 再加酒精搓手液清毒~ 餐牌上Omakase有兩種, 見價錢相差唔係好遠，就食豪dd~ 茶碗蒸鵝肝金箔蒸蛋係第一道菜, 先將鵝肝蒸熟, 再用筲箕壓碎去筋, 吃時將鵝肝與蒸蛋搓勻, 蛋香夾雜鵝肝既鮮香味, 簡直係人間極品~ 另一道菜叫4點先付, 一碟有4道小食, 味道由淡至濃~先食鰻魚苗, 魚苗幾醋汁浸住, 入口微酸, 煙韌似蒟蒻, 食完幾開口; 八刺身好嫩滑, 有紫蘇同炭香; 螢光魷魚呢個時候最當造 廚師以蛋黃醬提鮮, 酸甜惹味, 啱晒我胃口 最後係太刀魚, 魚皮微脆, 魚肉細滑, 有炭香味~ 毛蟹 x 沢蟹廚師將活生生既毛蟹煮熟拆肉, 再天婦羅咗細細隻既沢蟹, 加埋蟹膏, 又甜又甘香又脆, 好好味~櫻煮八爪魚 八爪魚煮法幾特別, 先同八爪魚按摩腳仔, 再以40度雪一晚, 放入甜醬內浸, 肉質軟淋, 甜甜辣辣, 好似食緊豆腐咁~ 吉列帆立貝 紫菜好香脆, 配埋吉列帆立貝就脆上加脆, 沙律醬就可以中和油炸感~ 8貫握壽司 8款手握壽司, 有春子鯛、金甘鯛、真鯖、白松貝、牡丹蝦、拖羅、海膽&穴子~ .壽司味道由淡味到濃味, 春子鯛魚味較淡, 肉質黏黏地, 有甜香; 金目鯛魚油重, 魚肉滑; 真鯖有火炙香味, 油脂濃郁; 白松貝好爽脆, 但就無煙韌既嚼勁感, 味道鮮濃; 牡丹蝦爽口彈牙, 加埋燒過既蝦膏，勁甘香; 拖羅脂肪多, 好重魚油香味,有炭香味, 入口慢慢化開~ 師傅會於中途還來不同的食材如淮山、薑等等清清味蕾~ 好窩心! 到我既至愛海膽壽司, 海膽入口既滆, 超甘香; 最後係穴子壽司, 肉質比鰻魚結實, 不過味道就一樣咁鮮甜~ 手卷 手卷入面加咗燒過既右口魚, 仲有三文魚籽同埋海膽, 基本上我食唔到右口魚既味道, 因為海膽既味道太突出, 搶晒鏡, 三文魚籽甜甜鹹鹹，幾惹味~ 湯魚湯都幾好味, 魚味好重, 雖然湯面有一層厚厚既魚油, 但飲落口唔覺肥膩, 廚師仲話係好既魚油嚟, 飲得多養顏~ 福崗士多啤梨&靜崗蜜瓜 因為怕食咗蜜瓜, 士多啤梨甜度唔夠會覺得酸, 店員就提醒我先食士多啤梨, 講真, 士多啤梨係酸既, 但食完再食蜜瓜, 蜜瓜味又會變得更加甜~

疫情都過咗一半了，已經係屋企逗留左一段時間決定要出去唞一唞氣，所以今餐決定好少少去食日本餐當去咗一次日本旅行，今次選擇食日本料理，地理位置10分方便黃埔站一出行5分鐘左右就到，餐牌上有兩個價錢分別係1580同埋1980我哋選擇貴嗰個，前菜方便有黑松露蒸蛋，黑松露香味非常好，蛋蒸得非常滑而且10分香口係好好嘅開胃菜，第二道前菜有海葡萄加上紫蘇汁令到海水味更加豐富，仲有梅酒浸蕃茄，呢樣小菜感覺非常清新而且入口即溶係我至愛嘅味道，之後仲有我最愛嘅櫻煮八爪魚呢道菜呢道菜嘅功夫，就係煮左三日三夜住得佢非常入味而且煮完之後嘅顏色係非常濃烈口感亦都非常有味，跟住落嚟就有我最愛嘅生蠔呢個生蠔嘅名稱叫做怪物，每一個生蠔都有一張類似證書好似一個必屬佳品咁而且加上師傅嘅秘製醬汁加上海水味兩者非常合配感覺好清新，之後就到蛋黃醋配魷魚，呢個醬汁師傅係用咗蛋黃加醋加少少水係提煉而成果醬配埋個魷魚啱啱好一鹹一甜非常合配，壽司方面有我最鍾意食嘅海膽壽司海膽都係日本空運以來嘅望到又粗又肥又厚已經流晒口水加埋脆卜卜嘅紫菜包咁食簡直係去咗天堂，之後仲有自製嘅三文魚子壽司，師傅係用咗豉油醃製嘅三文魚子非常考功夫而且每一粒都好飽滿非常大粒咬落去好有口感，之後仲有仲拖羅入口魚肉超級好食，入口即溶係我至愛嘅味道，除此之外仲有吉列帆立貝配他他醬加上檸檬汁非常開胃而且啖啖肉配上紫菜更加好食甜品方面係我自愛食嘅哈密瓜同埋士多啤梨，佢哋都係分別來日本新鮮運到嘅生果非常新鮮好適合飯後果食一粒消化一下，整體來講呢間日本餐廳非常專業而且服務亦都非常細心真係好似去咗日本旅行咁樣而且師傅會為你講解每一道菜嘅來源地同埋名稱而且呢度嘅衛生情況都好理想，感覺好似去咗五星級酒店咁樣。

您對於紅磡餐廳「鮨文」有何comment？

鮨文餐廳詳細資料：

• 鮨文地址:
  紅磡黃埔天地聚寶坊(第11期)地下G22A號舖
  Sushi Man, Shop G22 A, G/ F, Treasure World( Site11), The Whampoa, Hung Hom
• 鮨文電話: 27943995
• 鮨文價錢: $801以上
• 分類: 日本菜,壽司,刺身,少鹽少糖食店,
• 座位: 32
• 付款: Visa,Master,現金
• FB專頁: 鮨文 Facebook

更多鮨文相關資料:

• 鮨文分店
• Youtube
• Facebook
• Twitter
• Google