阿四車仔麵 粉嶺

阿四車仔麵 評價 相片

叫了一個3送車仔面，總括來說好食，我叫了豬腸、蘿蔔和豬紅。

沙嗲湯底好飲，蘿蔔好甜，不過豬腸冇乜味，如果車仔面有葱就更加好！枱上既菜脯好食！可惜杯凍檸茶唔好飲，只有苦澀味

今日去聯和墟買啲嘢，行到熱辣辣坐低食啲嘢休息吓先，阿四 車仔麵裝修乾淨舒服，夠冷氣，一於嘆番碗香港情懷車仔麵，然後再繼續購物。

三餸車仔麵 $38我今日食三餸車仔麵，唔使$40就食到飽飽真係香港地去邊度搵呀！車仔麵我鍾意配經典油麵，粗身有彈性。

飲啖湯先，有牛腩汁果然係味道濃郁啲，辣魚蛋一定要食，大粒大彈牙好香辣汁味。

牛腩蚊得入味，口感軟腍。

滷水腩肉 真係估唔到咁大塊，仲有兩塊添！一層脂肪一層肉，入口柔軟又滑，肥瘦分明好味道。

炸魚皮加餸都係$9，一於加炸魚皮，香脆可口。

招牌小食 甜酸齋 $20呢度樣樣野都好抵食，追加甜酸齋，味道唔夠濃烈，可以再酸啲。

花膠碗仔素翅 $20食落去真材實料真係有花膠，口感非常好，食得出的一條條素翅，賣相合格，再加啲醋一齊食真係滿滿碗仔素翅的回憶。

凍鴛鴦經典香港情懷，凍飲品想飲杯又有茶味又有咖啡味。

食飽再出發！繼續我的苦力生活。

去到粉嶺，想吃車仔麵，阿四車仔麵是不二之選。

車仔麵之外，食客也可以揀飯餐，各適其適。

這個三餸車仔麵有魚皮餃、辣魷魚和炸魚皮，是個海產愛好者組合。

魚皮餃軟滑，一口一件剛剛好。

魷魚香辣彈牙，非常惹味。

炸魚皮爽脆，另另碟上菜，確保脆口。

加上不帶鹼水味嘅幼麵，以及香濃腩汁，食得有夠滋味。

若想加餸，每款只需加$9，可以調配自己喜歡的份量。

飲品是佢哋自家生產的港式奶茶，細滑可口，茶香和奶味平衡得恰到好處，飲過翻尋味。

平時來到粉嶺呢度點都要去一去聯和墟呢個美食集中地食番一餐，由街頭小吃以至高級餐廳應有盡有，而我比較鍾意食D港式懷舊地道美食，而且價錢合理又食得滿足，今次去了呢間阿四車仔麵開餐餐單唔止有車仔麵食之餘，叧外有一系列招牌小食同大碗飯供應，講緊車仔麵都係$38就可以食到一碗有三餸一麵相當超值，我都點了一碗再加一款餸，加多兩款招牌小食逐一品嚐，等一陣已見各款美食係眼前首先有呢款小食滷水豬大腸，入口肥美香嫩大腸肉配上滷水汁香味，啖啖香甜脂肪特別滋味另一款花膠碗仔素翅，係童年回憶嘅街邊美食，估唔到食落幾足料，有肉絲、木耳、素翅同花膠，食之前記得落埋淅醋食更加美味輸到車仔麵配料有辣魷魚爽滑彈牙、滷水蛋、牛腩肉質軟嫰多汁同大紅腸配米線再加辣醬，一邊食住特別有風味再飲杯凍檸水已經飽滿一餐車仔美食。

今日去了聯和墟搵朋友，佢推介了這裡，因知道我喜歡食車仔麵，但關鍵是企理整潔，食物質素高，價錢合理，去到先知原來係旺角都有分店嘅車仔麵店，落單都係用相同嘅方式，點菜紙選擇自己喜歡嘅食物，有麵有飯任君選擇，當然就係食車仔麵套餐，一個價錢粉或麵或飯配三款車仔麵餸都係$38，加多一款餸$9，飲品就係跟麵飯餐後飲品原價減$8，都抵飲，因為加埋他們的辣菜脯真係十分好味，落單後等了一陣，我碗車仔麵連杯冰凍檸茶一齊上枱，點了餐紙上有星星推介嘅彈牙辣魚蛋、軟淋味道濃厚嘅牛腩、有好入味嘅滷水蛋、超入味一入口就自己骨肉分離嘅瑞士雞翼，配埋個彈牙煙韌粗麵同埋沙嗲醬，味道更香濃！而除此之外我們還加了兩款小食，每塚都係$20，份量都唔少！秘製香辣魷魚，咖哩汁濃郁沾滿了爽口彈牙嘅魷魚上，真係十分好味，同埋炸唐掦雞塊，外脆內軟，啖啖肉入口，大大件，食得十分滿足！下次可以試埋個車仔飯！

阿四車仔麵餐單提供港式, 車仔麵等推介美食位於粉嶺區，餐廳座位數未知人均消費約$50以下，結賬可以用現金。

您對於粉嶺餐廳「阿四車仔麵」有何 comment？

阿四車仔麵餐廳詳細資料：

• 阿四車仔麵地址:
  粉嶺聯和墟和豐街59號地舖
  A4Noodle, G/ F,59 Wo Fung Street, Luen Wo Hui, Fanling
• 阿四車仔麵電話:  
• 阿四車仔麵價錢: $50以下
• 分類: 港式, 車仔麵
• 座位: 未知
• 付款: 現金
• FB專頁: 阿四車仔麵 Facebook

更多阿四車仔麵相關資料:

• 阿四車仔麵分店
• Youtube
• Facebook
• Twitter
• Google