和之幸 牛頭角

和之幸 評價 相片

#20221220 💛📍 和之幸 @kitchen_429 牛頭角大業街29號海洋工業大廈4樓A號舖————————————————————————#K429極上壽司盛盒$198 🫧#三文魚腩壽司 #中拖羅壽司 #劍魚腩壽司 #帶子壽司 #赤海蝦壽司 #鰻魚壽司 #蔥拖羅魚蓉壽司 #三文魚籽壽司 #海膽壽司 #吉列蝦卷 💭見佢埋單張單係kitchen 429，上openrice見兩間野個地址一樣，🐷諗應該係同一間野😅講返野食，壽司有12件🍣味道正常，唔算好特別高質，就算係用腩位呢啲靚啲既部位都無一試就令人好驚艷既feel，所以呢個價錢都略嫌有少少貴🤏🏼.#廣島蠔鍋 $168💭蠔都有45隻🦪食蠔最驚有怪味會臭，呢個完全唔會，係好味既😋配壽喜燒湯底，仲有啲菜呀豆腐呀菇呀，睇落好盆滿砵滿😂個爐夠大夠火🔥冬天食好有感覺，好正❄️.#串燒 🫧 #厚切牛舌芯 $58 #味噌茄子 $22 #日本豚肉腸 $28💭佢啲串燒相對抵食，算係平民價🤭牛舌芯好彈牙🐮茄子落左好多醬汁，食完差啲唔記得佢係茄子🍆個腸燒得好香脆，一咬就爆汁😋.#清酒 #瓶 #甜 $198💭清酒有甜定辣，瓶裝定枝裝揀🍶圖中係瓶裝，因為🐷第2日要返工，兩個人呢個份量都好夠飲。

總括尼講🐷都覺得偏貴😅不過老闆娘好好人臨走比左好多coupon叫🐷再去，可惜下月中就唔再做日本野轉型做BBQ，想試既朋友要快喇💨.#牛頭角美食 #牛頭角黃店 #🐷_食

餐廳以前喺地鋪已經經常光顧，鐘意佢刺身新鮮又高質，價錢合理環境正常。

未知是否疫情衝擊要搬上樓，今天特意來訪午餐價錢輕微調整過，仍屬合理範圍（無需加一服務費），由之前專營日式食物轉營為和洋料理。

連餐牌都中英對照小食前菜是牛油粟米，有點不搭但味道不俗。

八式壽司款式平均，熟食全部正常發揮，生食雖然未如以往驚艷，但仍然水準唔錯，入口魚油鮮味滿溢口腔。

烏冬扁平屬手打烏冬，略帶煙韌口感，湯底係昆布鰹魚清湯。

最鍾情的是茶碗蒸，雖然無咩特別料子，但單純鰹魚湯同蛋味，仲有滑滑質感，已經係最好安排

好少特別推薦餐廳，但今晚呢餐真係有意外驚喜😍食物算中上，間餐廳真係好抵讚👍👍👍牛頭角工廠大廈日本餐廳，本身0期望，純粹因為可以帶狗狗所以去，結果真心讚😍刺身壽司價錢平水準好合理，燒物同串燒喜出望外，尤其串燒雞皮脆過薯片，牛舌心勁軟熟Juicy💯（好食到唔記得左影相🤣）基本上樣樣嘢食性價比都好高！！最最重要係個個侍應服務都勁好又有禮貌，老闆同廚師個個都超級nice, 送我地出門口時咁啱有一班客人入嚟，竟然好到幫我地開路驚嚇親狗狗❤️👍今時今日仲有啲咁好嘅餐廳，平民價錢貴賓服務，真心想幫佢地promote, 因為位置關係唔會好旺場，好驚遲下去無咗😅＃和之幸＃牛頭角大業街＃專登上openrice寫第一次食評純粹想多啲人幫襯

喺觀塘返工咁耐收工最鍾意去呢細間隱世小店度食一個高質晚餐😋😋😋地方好有feel🇯🇵🇯🇵🇯🇵有三四位靚仔師傅，即叫即做👍👍👍拖羅壽司拼盤（拖羅壽司6 件 拖羅用卷一條） $288入口即溶，完全冇根，魚油豐富😋😋粒貝刺身 $58粒貝是高檔次的食物，但平民價錢👍👍真的是良心小店火炙左口魚裙邊壽司 $16燒到恰到好處，油分啱啱好👍👍我的最愛🌟🌟🌟佐酒小食推介🌟🌟🌟炸河蝦$38好少地方會食到,日本地道小食，香脆可口，配sake 一流雞軟骨 $23炭燒雞軟骨最惹味燒得香脆，咬下去是保持多汁的感覺，想到考廚師的功夫。

如果你想飲酒，會因應你喜好介紹唔同嘅酒俾你🍶🍶🍶🍶雖然地址搬咗，但親切感仍然喺度

和之幸餐單提供日本菜, 壽司, 刺身, 串燒, 居酒屋, 動物友善餐廳等推介美食位於牛頭角區，餐廳座位數30人均消費約$101-200，結賬可以用Visa,Master,現金,八達通,Apple,Pay。

您對於牛頭角餐廳「和之幸」有何 comment？

和之幸餐廳詳細資料：

• 和之幸地址:
  牛頭角大業街29號海洋工業大廈4樓A號舖
  和之幸, Shop A,4/ F, Ocean Industrial Building,29 Tai Yip Street, Ngau Tau Kok
• 和之幸電話:  
• 和之幸價錢: $101-200
• 分類: 日本菜, 壽司, 刺身, 串燒, 居酒屋, 動物友善餐廳
• 座位: 30
• 付款: Visa,Master,現金,八達通,Apple,Pay
• FB專頁: 和之幸 Facebook

更多和之幸相關資料:

• 和之幸分店
• Youtube
• Facebook
• Twitter
• Google