麗都火鍋海鮮酒家 灣仔

麗都火鍋海鮮酒家 評價 相片

很耐沒有寫寫評了! 既然這餐是同事last day 的farewell 飯, 就高興一點一起打邊爐, 亦為他留個紀念。

早一天上午已經book 咗7:00 八位火煱, 可能是任飲任食, 又全包, 很多人呢 !! 我們也只能坐一張近門口樓梯的8人枱, 心想有沒有咁旺呀? 早一日book 都係坐門口, 有無咁抵食呀? 準時到達後我們即時揀了2個免費湯底, 皮旦莞茜湯底及番茄薯仔牛肉粒湯底。

8 人枱放2個爐真係很迫, 加埋啲杯碟, 沒有多餘的空間放火煱料。

當湯底送上來時, 我們即時有點後悔, 特別是番茄薯仔牛肉粒湯底, 因為是很清很清的, 完全沒有味, 水一樣, 只有幾舊番茄同薯仔在湯肉浮沉, 牛肉粒亦失去踪影。

只見兩舊牛筋在煲內。

皮旦莞茜湯底就不錯, at least 有很多皮旦, 但味道還是很淡, 待放多點火煱料會好味點吧。

我們叫了超過50碟東西, 都是一般大路火煱店應有的貨色, 有記憶的如下:肥牛 : 打邊爐一定要叫很多很多的主菜, 因為是日大部份都是男士, 我們叫了超過十碟, 其實質素很一般,比較切得薄片, 對於心急又肚餓的我們剛好豬頸肉: 幾滑, 但無乜味, 但很肥, 結果很多做咗湯料雞片: 很滑, 沒有雪味, 也很快清了碟炸魚皮: 很大碟, 很脆, 非常好吃, 再encore 咗一碟, 又很快清碟黑椒牛丸: 幾重黑椒味, yummy魚片及鱔片: 很普通, 沒有特別枝節: 炸得老身咗少少, 但放湯後都ok的本地生蠔: 很少任食打邊爐可以任叫的item, 質素一般, 但放在煱後超快縮水, 想打撈也難粟米: 很甜, 又size 適中, 特別係吸咗啲湯之後, 係最驚喜的item菜: 我們叫了金菇, 唐生菜, 油麥菜, 娃娃菜, 莧菜等, 乾淨新鮮另一最抵是很多款飲品都是任飲, 我們應該飲了超過10枝免費啤酒, 幾jar 橙汁 (這個味道ok, 溝水不嚴重)又有檸檬茶, 酸梅湯等, 大熱天時打邊爐飲得特別多飲品基本上食任食火煱, 預咗他們會漏單, 今次都係叫十樣, 嚟九樣那種。

不過上菜速度都快的, 份量亦相當足夠。

staff 啲態度都可以接受, 但不會自動加湯。

我們差不多坐了3個鍾才走, 沒有時間限制, 埋單係每位118加一, 在灣仔都叫抵食了。

所以九點半時都見人排隊, 真的全場爆滿。

最緊要係大家食得高興, 傾得開心, 希望同事能有更好的發展。

同學聚會, 地點是灣仔英x中心既"麗都", 同學仔話呢度主打經濟火鍋, 每位$58價錢包湯底及加一, 七十款火鍋料任食; 7點去到都好多人, 好彩訂左位, 酒樓環境都算舒適, 仲有LCD電視, 等朋友仔個陣都冇咁悶, 我地叫左個醉雞鍋, 湯滾前望下四圍d人食咩, 有小菜有火鍋咁... 小菜既賣相都唔錯, 難怪坐無虛席啦~除左七十款任食火鍋料外,仲有十多款特惠鍋料選擇, 我們點了生蠔 ($8.8 6隻), 桂花蚌 ($10 一碟) ...海蝦, 肥牛, 羊肉, 鱔片, 珊瑚蚌, 豬頸肉....總括來說, 食物衛生乾淨, 海鮮肉類都好新鮮, 朋友仔對"桂花蚌"更讚不絕口, 我地前後就點了四,五碟, 抵食 !飲品雖然要加錢, 但只係$10/渣, 菠蘿青檸蜜味道好清新, 其他中規中矩啦;又飲又食是晚收費 : 每位只需$102 ! 相比一味靠貴, 食完唔知有冇食既稻X, 呢度真係物有所值呀!

14/11 dinner 4個人嚟過呢度好幾次, 食物都ok, 可能地點關係喇, 唔係太多人.4個人點咗~赤小豆鯪魚豬肉燉湯( 無乜味精, d湯料都燉得好淋, 味道幾好)芋頭炆鵝煲 (d鵝係用燒鵝嚟整, 感覺怪怪地, 最好味係d芋頭, 但佢切得太細舊, 好多都溶晒, 個汁同味道ok)大豆芽南乳炒猪腩肉 (味道ok)貴妃雞 (呢個抵呀, 24位$0.5 半隻, 5位以上$1 1隻, 份量同味道都ok架, 不過比果碟蔥油就少蔥多油囉)金茹炒什菜 (味道ok)綠豆沙 (d綠豆沙唔知煲咗幾耐, 煲到溶晒, 完全見唔到d綠豆, 最差係...超甜, 不過唔駛錢係咁架喇)最後埋單$29x (仲食唔晒), 呢餐真係好抵. 服務又唔係大家講得咁差喎, ok正常囉.見佢入坐率都係得1半咁上下, d野又唔貴, 都唔知佢點生存...

打完波後照例跟波友去祭五臟，今天只有四個人不想走遠路，我本想去地庫的銀菱番尋味，但想不到銀菱已經摺埋咗，唯有就近移師到樓上的麗都。

在週日不多客人，一到達便被安排坐門口的卡位，所有卡位側都裝罝了一部液晶體電視機，吃飯同時可看電視節目。

今天人較少，叫了一客168元自選四餸套餐再加一尾特價八十八元的清蒸石斑，我們選了半隻貴妃鷄、蘿蔔清湯年腩、粉絲蟹煲和海味什菜煲，有魚、有禽、有牛、有菜，營養及食物非常均衡。

牛腩煲以小爐一鍋上檯，牛腩煮得夠冧，離非上品不過都有肉味又唔會黐牙，蘿蔔出乎意料的爽甜好食，咬開冇根，可媲美生記十多元一碗豹清湯蘿蔔； 那尾蒸石斑足一斤重有多，蒸得剛剛熟，以這等價位實在非常抵食，其它的都是合格有餘。

服務方面不過不失，只是問一名侍應滷水拼盤有什麼食物，她回應是有紅腸等什樣食物，答咗等如冇答。

不過整體而言都算食得過！都會有下次嘅！有

這間有火煱也有小菜吃, 兩樣都試過, 今次先講火煱最重要, 就是一定羅位後, 死盯這個姐姐叫號碼, 因為好幾次羅位後, 就是聽到過了我的號碼都有位, 唯我無, 問問就說我過了, 但我一直企在她旁邊, 明明無叫我的號碼, 但每次同她講, 都說叫咗, 你聽吳到, 氣死, 所以一定盯緊呀, 每次都要等上30分鐘至45分鐘先有位有任食或自選兩款選, 任食是$78兩粒鐘,不包湯底 要加一, 要泡菜價, 包飲料, 不包含酒精飲品湯底最平是$28, 其實無料(皮蛋芫茜湯, 皮蛋好似得幾片皮浮浮下, 還有芫茜碎啦), 其它都是$48, 有d料, 醉雞窩底$68, 有半隻雞, 但花雕味就少了點, 而湯底藥材也少少的, 肥牛肉, 丸子, 桂花蚌, 魚頭, 豆腐, 菇菇都好, 上桌又快, 因為我地一次入三張叫料紙, 所以就一次上桌, 飲料是一瓶上的, 任飲, 付錢的, 就推介 特級雪花肥牛, 例牌$78, 真的好正, 牛肉粒, 有牛味有口感, 蠔也很新鮮, 還有就是好似有 四款壽司叫, 任食, 都好新鮮呀, 但要一次入幾張, 因為超細, 每款都得2舊也有三文魚吃, 又是超薄, 不過任食, 多叫幾次補反數

麗都火鍋海鮮酒家餐單提供粵菜, 廣東, 火鍋, 點心, 酒樓等推介美食位於灣仔區，餐廳座位數未知人均消費約$51-100，結賬可以用現金。

您對於灣仔餐廳「麗都火鍋海鮮酒家」有何 comment？

麗都火鍋海鮮酒家餐廳詳細資料：

• 麗都火鍋海鮮酒家地址:
  灣仔軒尼詩道288號英皇集團中心3樓
  Nice Capital Hot Pot Seafood Restaurant, 3/ F, Emperor Group Centre,288 Hennessy Road, Wan Chai
• 麗都火鍋海鮮酒家電話:  
• 麗都火鍋海鮮酒家價錢: $51-100
• 分類: 粵菜, 廣東, 火鍋, 點心, 酒樓
• 座位: 未知
• 付款: 現金
• FB專頁: 麗都火鍋海鮮酒家 Facebook

更多麗都火鍋海鮮酒家相關資料:

• 麗都火鍋海鮮酒家分店
• Youtube
• Facebook
• Twitter
• Google