feehk.com
最推薦好用的香港餐廳搜尋器

麗姐廚房 灣仔

地址: 灣仔譚臣道105-111號豪富商業大廈二樓A-D室

港式,素食,私房菜,

最後更新:

麗姐廚房推介

新穎素菜,不落味精,環境優雅

灣仔麗姐廚房


餐廳分店麗姐廚房
地區灣仔
電話訂位 25756060
餐單 Menu港式,素食,私房菜,
人氣指數 505
價錢幾錢$101-200

麗姐廚房訂位

麗姐廚房位於灣仔區,詳細地址是灣仔譚臣道105-111號豪富商業大廈二樓A-D室,餐廳寬敞座位數目共有130個。麗姐廚房幾錢?價錢優惠後人均消費大約$101-200埋單,早餐午餐晚餐麗姐廚房餐單包括有港式,素食,私房菜等美食,付款方式有現金付款,Booking網上訂位可以電話致電 25756060 查詢訂座。


麗姐廚房優惠


麗姐廚房 評價 相片

有時食膩左、或者個口生痱滋,總會有時想食清一啲,自然會諗起食素,所以呢排鍾意食素既人有增無減,尤其係上班一族,貪健康又易消化。

平時食齋嘅人、或者唔太食開齋嘅人,最怕就係見到啲好悶嘅菜式,一係就好驚菜式會重又重油,為咗令到味道豐富啲,或者會有好多炸物,所以食齋都唔一定係健康啲,食完都唔一定會瘦。

不過依一間灣仔嘅素食私房菜,唔單止菜式夠創新,嘢食好食唔油,而且價錢合理,啱晒一班人嚟食。

中環、灣仔一帶,如果想搵會做晚市嘅素食店,實在唔多,但灣仔就隱藏咗一間高質嘅素食私房菜。

呢間餐廳唔係一間打卡餐廳,所以網上嘅討論程度唔高,係一間低調食素既小店。

呢間麗姐廚房,由從事素食行業超過二十年既麗姐一家打理,麗姐由一間唔顯眼既小店做起,到後來成為素食店顧問總廚,再自立門戶開設呢間麗姐廚房,靠呢份努力同堅持,做出與眾不同既素菜。

餐廳午市主打抵食的$50三餸飯,配無限任添糙米飯同例湯套餐,晚市主打特色素菜小菜。

食齋最怕就係油淋淋同好多味精,但呢度食絕對可以放心,因為老闆娘麗姐嘅宗旨係佢自己都食先可以比到人哋食,所以素菜主要係用鹽、冰糖同埋純天然菇粉去做調味,係挑選食材方面都嚴格,首選本地種植嘅蔬菜,保證低碳同高質。

麗姐廚房喺灣仔開業近十年,係前年面對年月虧損,本身麗姐想結業,對店舖將來唔再有希望,但佢又同時唔捨得,一來已經付出左10幾年心血,二來擔心入邊嘅員工會面臨失業,唔捨得呢一班同事,經過一班同行者支持之後,生意近日有好轉,令佢繼續堅持落去。

我雖然係灣仔讀左九年書,但完全唔知道呢一間餐廳,我會知呢一間餐廳,係因為梁祖堯曾經買過呢一間嘅糕點,喺節目上同主持一齊食,佢當然係好推介,主持食過之後都讚非常足料,個集之後詢問度極高,梁祖堯最尾喺社交平台公開呢一間餐廳,免費宣傳叫大家大力支持呢一間小店,我不嬲都係梁祖堯嘅擁躉,覺得佢煮嘢食好叻之餘都好識食,唔好食嘅餐廳佢唔會推介。

原來梁祖堯由舊舖開始已經幫襯,幫襯左10幾年,第一次幫襯,即使食咗三碗飯都覺得唔夠,麗姐話唔使擔心會裝飯俾佢,至此佢就成日嚟呢度幫襯,每次麗姐有新菜式都會俾佢試,所有嘢食都係麗姐佢自己煮,日日都可以見到麗姐係鋪冇放過假,當佢知道麗姐因為蝕錢蝕超過百萬,就號召大家一齊幫襯,因為佢覺得嘢食好食,帶過去食過既朋友都冇失望,當中佢覺得最好食係素雞髀、咕嚕肉、素叉燒、流沙餃等等。

除咗大讚嘢食好食、夠平、白飯任裝之外,仲大讚老闆娘非常好客,所以我未食之前都好有信心,學佢一齊做有心人。

因為一直想約一班人食飯,最適合既應該係叫餸食飯,比左幾間選擇大家,第一間中菜打電話過去點知FULL,所以就選擇左呢間,但事後發覺大家原來唔知呢間係素食,因為相中係咕嚕肉,大家真係以為係真咕嚕肉、真既叫餸食飯。

麗姐廚房係譚臣道,係一條平時唔會經過既小街,就連我係灣仔返左9年學都好小行,因為個度餐廳唔多,但其實離灣仔地鐵站好近,地鐵站行過去麗姐廚房大概係3分鐘,可能佢係私房菜,係一個商業大廈既二樓,唔枱頭望上去根本唔會留意度,樓下無明顯既大招牌,真係非常低調。

搭LIFT或者行樓梯,上到二樓,一出電梯大堂就見到。

當日去餐廳係星期日,BOOK左夜晚7點半,去到餐廳發覺鋪面幾大,座位數量幾多,但其實坐唔夠一半人,晚市都坐唔滿既情況,難怪之前報導話蝕成百萬。

不過麗姐廚房嘅晏晝係人山人海,因為佢哋午市飯餐實在太平太吸引。

可能因為人唔多,枱距離夠闊,環境清靜,基本上聽唔到其他枱食客講緊D咩。

擺設裝修上都有心機,有一個好特別既鐘,窗邊會有好多唔同種類既盆栽,除左令人心曠神怡,仲別具禪味。

好適合同朋友坐低慢慢食飯,正常傾偈聲亮都唔會影響到人,不過環境再好都要睇食物質數。

周圍又貼咗好多字句,見到係黎自佛教慈濟基金會香港分會既某法師提字,好似「家庭的幸福從孝開始」,睇完覺得個人格外平靜。

午市同晚市嘅食法會唔同,午市係冇人帶你坐邊度,係自己搵位坐,入到去就喺櫃檯點餐俾錢先,之後會有號碼,攞住張單去排隊,左邊係排堂食,右邊就係排外賣,買完之後去廚房出餐嘅地方交張紙仔攞餸,再搵位坐。

打開Menu,圖文並茂,餐牌定係菜色既名字,好似店鋪裝潢一樣,傳統同平凡,第一頁係呢度茗茶同飲品,之後野食分為冷盤、湯羹、餃子、小食、焗類、蒸燉、煎炸、煲類、小菜、飯麵類同甜品,雖然係素食,但食物種類非常之多,另外菜色可以選擇加唔加蛋,啱晒唔同人嘅口味,呢本Menu主要係晚市單點,價格適中。

午市方面價錢會更加親民,每日周一至周五午市會有六選三餸嘅飯,$50就有交易,日日都唔同餸,小菜唔會份量小,非常適合唔想食太貴,但又想食得飽嘅打工仔,除咗三送飯仲會送埋例湯,例湯係足料老火湯,如果食量唔係好驚人一定會食得飽,抵食好食又健康,而且老闆娘話過白飯同湯係任添,另外仲有水飲,感覺就好似喺屋企食飯咁。

茗茶 💰 12/位(👅: 7.5/10)由餐牌嘅第一頁已經見到佢哋有好多唔同嘅茗茶,係出面都見到佢地有賣茶葉,除咗有常見嘅普洱、香片、壽眉、水仙、菊花、鐵觀音,仲有少見嘅南非國寶茶,黎食素食就唔會想飲汽水,所以叫左水仙,飲落茶味甘香,唔會有好重苦澀味,浸左幾次水,茶味都依然不減。

🥗 前菜 💰15*2(👅: 7/10)前菜係雲耳青瓜,份量正常,食落比較清淡,嫌口感唔夠清爽、味道唔夠重,不過作為開胃算可以。

1️⃣ 燒汁脆鱔 💰88(👅: 8.5/10)外觀上睇落去真係好似炸鱔,實際佢係沾上蛋漿嘅炸冬菇,咬落質感好似,咬落係比較硬身同埋外層脆,但味道當然唔會似鱔,不過食落同想像中有啲唔同 ,唔係想像中會有啲紫菜包住咁,雖然係炸冬菇不過食落唔會好油。

燒汁食落會偏重味啲,食落係酸酸地所以非常開胃,如果撈飯係啱啱好。

2️⃣ 糖醋咕嚕 💰88(👅: 9/10)呢度嘅咕嚕肉有分糖醋咕嚕同埋黑醋咕嚕,見網上評價,前者評價比較好,再加上黑醋咕嚕味道上可能同燒汁脆鱔好相似,所以就嗌左糖醋咕嚕。

咕嚕肉喺平時嘅打冷,當然係好常見幾多道菜式,但係素食餐廳見到就會係好新奇。

上枱時外觀上,真係同平時嘅咕嚕肉完全冇分別,一食落去就知,咕嚕肉其實係猴頭菇黎,但佢口咁真係做到好似,因為舊菇可以做到有一絲絲嘅口感,食落去係爽軟滑溜,所以有啲似食緊半肥瘦豬肉,外層炸到香脆,炸衣夠薄,食落完全唔油,每一舊咕嚕肉都可以掛到好多醬汁,原來猴頭菇可以做到咁好食,比起平時攞嚟煲湯實在好食得多。

而醬汁調味方面做得非常之好,雖然佢質地係偏稀,但食落夠味,酸甜嘅味道攞到平衡,非常之開胃,撈飯食黎講好適合。

而伴碟嘅菠蘿都唔係罐頭菠蘿,有誠意,食落同樣係夠開胃。

見到枱枱食客都有叫到呢個咕嚕肉,就知呢一個係招牌菜式,我食完嘅感覺,都係覺得係必點菜式。

3️⃣ 蜜汁叉燒 💰88(👅: 8/10)呢個蜜汁叉燒當然都唔係真叉燒,外觀上比起真叉燒係比較暗淡既紅色,食落就知其實係麵筋黎,麵筋可以模仿到肉拉扯既感覺,入面質地偏腍,味道上食落其實唔似叉燒,不過外皮有炸過,加上蜜汁同邊位既焦,口咬係焦脆,口感上好似平時外層燒焦既叉燒咁。

叉燒食落好香口,甜甜地,略嫌蜜汁唔夠多,唔似平時叉燒咁入味,不過送飯一流。

 4️⃣ 黑松露牛油果炒飯 💰128(👅: 8/10)上枱時飯嘅香味撲鼻,飯炒得夠乾身,食落粒粒分明,好爽口,唔會話炒到好燶,但會有小小鑊氣。

配料有紅蘿蔔、雞蛋、肉瓜、黑松露醬、牛油果,配搭唔錯。

牛油果食落幾清新,味道唔算好重,同炒飯幾夾,第一次見佢攞嚟炒飯,黑松露味雖然唔重,但配搭其他配菜,有令到個飯提升到層次,係素菜加黑松露絕對係增強味道既好選擇,令到每一粒飯粒都充滿香味,個飯整體夠味。

如果要叫一碟飽肚嘅嘢食,咁呢個係好適合,質素都唔錯。

5️⃣ 香煎蓮藕餅 💰78(👅: 8.5/10)蓮藕餅夠脹卜卜,咬落去外脆內軟,食到有冬菇、蘿蔔同埋粒粒蓮藕,食完覺得完全唔夠喉,不過如果入邊嘅配料再豐富啲更好,會食到入邊嘅麵粉或者麵筋都唔少。

6️⃣ 台溝炒米 💰78(👅: 8/10)呢個炒米粉入面會有素叉燒、素餐肉、銀牙、冬菇、椰菜、蛋,上面仲會有浸到芝麻。

米粉係幼米粉,炒得夠乾爽,食落好香口,唔會話太鹹,叉燒同火腿都好似真嘅肉咁,口感豐富,成碟食落唔油膩。

7️⃣ 雙併餃 💰68/8(👅: 8.5/10)雙併餃分別係梅菜餃同流沙餃,餃子大細幾大隻,數量唔少有八隻,每隻口味有四隻,餃皮煙韌,皮唔算好厚,係皮薄餡靚,從外觀上好明顯分到呢兩種餃,因為一個係深色一個係紅黃色。

流沙餃入面其實係係蕃茄蛋,食落甜甜地帶少少酸味,入邊好似蕃茄炒蛋咁,係做到流心嘅效果,好似飲緊好濃嘅湯汁咁,但又唔會爆出來,除咗有薯仔,仲會有少少薑味,所以係非常開胃,鍾意食蕃茄蛋嘅我完全抗拒唔到。

而梅菜餃既梅菜高質夠新鮮,梅菜切到大大粒,咬落係爽口,食落係完全唔會過鹹,因為已經經過多番浸泡,袪鹽既功夫做得好好,味道會比較清淡,無過多既咸味,但保留左梅菜獨有嘅香味,而且加入咗冬菇絲,雖然感覺比較單調但餡料夠多,食落口感豐富,可能佢嘅用料比較似傳統餃子,個人覺得比較出色。

餃子個湯就好清,飲落有啲似昆布湯,會有幾條菜,一啲油都冇,以一間唔係餃子專門店黎講,質素算唔錯。

8️⃣ 班蘭包 💰68(👅: 9/10)呢個班蘭包雖然係包,但其實係甜點黎,係用斑蘭葉汁做既甜品,外表非常吸引,係綠綠地色,一籠有八件。

外表係一個好似饅頭嘅包,外層做得非常好,攞上手係好軟熟,㩒落去仲會有回彈,所以佢唔係用發粉,而係自己發酵,咬落係鬆軟輕盈,而且包皮用上粗麥粉,令人食完都覺得特別健康,食落係班蘭嘅香味非常出,唔知係咪鮮窄出來既班蘭汁,特別既香甜,入邊嘅蓮蓉餡係濃厚而且香軟,蓮蓉嘅味道會比班蘭味更加重,甜度適中,加上個包唔係好大,所以食落一啲都唔會好飽滯。

咁特別既斑蘭葉包,真係唔係度度都有得食。

9️⃣ 芝麻糕 💰30(👅: 9/10)芝麻糕上枱時會登下登下,咬落輕盈,唔會好韌,又唔會好漿口,反而係好軟滑,芝麻糕唔係乾身嘅芝麻糕,而係偏濕潤,好似食緊啫喱咁。

食落啖啖都係芝麻,芝麻多到係呈起沙狀態,芝麻味好重好濃,但完全唔甜,食哂成舊都唔覺膩,未食過咁多芝麻既芝麻糕,而且係第一次食黑芝蔴糕入面有白芝蔴,加上黑芝蔴,絕對係最足料既芝麻糕,係我食過最好食既芝麻糕。

30蚊有4大件,但咁足料咁好食既芝麻糕係從來未食過,絕對係值得,係今晚最好食既菜色(其實係甜品)。

🔟 紅豆糕 💰30(👅: 9/10)紅豆糕同樣咁足料,以花奶做基調,糕底同馬豆糕好似,食落係粒粒紅豆,紅豆落得夠多,味道又甜又香,會食到香甜既椰汁味,因為係用十勝紅豆,所以味道唔會太甜,不過整體會比芝蔴糕甜,好似食緊紅豆雪糕咁。

1️⃣1️⃣ 馬豆糕 💰30(👅: 9/10)呢度既糕點除左可以堂食,可以外賣羅走,可以存放一星期,不過要擺係雪櫃保存。

以為馬豆糕會比其他兩款遜色,點知唔係,馬豆糕唔係白色,不過食得出有加到椰汁,而馬豆唔係一粒一粒可以睇得到,而係已經磨成蓉混左入粟粉入面,所以唔係黃色而係白色,馬豆食落係非常綿軟,可以食得出馬豆係由細軟變成好似粉狀咁,唔係只有軟滑感,而係無比豐富既口感,整體甜度都係比芝麻糕甜,同紅豆糕差唔多甜。

🌟食物質素來講,絕對係我食過最好食嘅素食,就算唔當佢係素食,佢都係一個有質素嘅叫餸食飯,可以將素食做到化腐朽為神奇既境界,喺傳統齋菜同創新齋菜中攞到一個平衡,比起我呢啲饕餮之徒,真正嘅素食者先係最大嘅受惠者,因為呢一間絕對係可以多次光顧嘅一間餐廳,夜晚價錢正常,好似同出邊食打冷、大排檔差唔多,啲餸嘅大細正常,平時可以嗌人頭數既餸、或者嗌多一兩碟,至於佢午市價錢就非常之平民,$50有三餸飯,加上例湯同任添既白飯同湯,夫復何求。

呢度嘅炸嘢都幾出色,食落唔會太油,而餸菜方面,有幾道都比較多醬汁、比較重味一啲,好適合撈飯嚟食。

今次黎食試唔到人氣既椒鹽炸雞脾,代表我會黎第二次,餐廳營業到10點,比起市面嘅素食餐廳營業時間更加長,呢間絕對係我灣仔諗唔到食咩嗰時嘅其中一個選擇。

素食唔一定係大家想像中咁多油咁多汁,都唔一定係得老人家先會食嘅嘢,而家甚至有年輕化嘅趨勢,當晚去到都唔會剩係得比較年長嘅食客,所以如果想嘗試素食既,建議可以黎一試,一個上嚟食真係試唔到太多,如果想試多啲佢哋嘅招牌菜式,可以搵多幾個一齊嚟食。

呢度嘅員工都好有禮貌,好好笑容,不過佢哋有一啲員工身體有缺陷,例如有聽障人士,所以大家嚟到見到如果員工聽唔到,唔好怪佢哋,就算就黎收鋪,店員都係笑臉相迎,唔會催人走,叫大家慢慢食,呢種親切既態度,唔係間間餐廳都有。

另外呢度嘅老闆娘非常好客,有時會出嚟同啲食客傾偈,又會好衷心咁問食客意見,絕對感覺到佢係好想搞好間餐廳,所有嘢佢都係親力親為,就連一啲好簡單嘅洗梅菜嘅功夫都係佢負責,為嘅只係好想將美食分享比大家,淨係呢一點,已經足以令我值得支持佢,喺生意唔好嘅時期,甚至再加上疫情影響,老闆娘都堅持做好去嘅菜式,甚至好感謝幫襯嘅每一枱食客,係一間好值得香港人支持嘅小店,夜晚見到餐廳無坐滿,甚至有時午市食客嘅數量係寥寥可數,實在唔想一間咁有心機既餐廳會從此消失。

有一次我去麗姐廚房唔係食嘢,而係買糕點,當日其實係父親節,諗住去女朋友老竇屋企嗰時買一啲見面禮,就諗到可以買一啲糕點上嚟一齊食,當日係星期日,因為喺網上見到佢係收三點,有落場時間,但我去到灣仔最快都要三點半,所以特登打電話問如果過咗三點仲可唔可以買,店員覆我話可以,於是我就上去。

去到餐廳見到熄晒燈,行到入去同店員講話想買糕點,佢哋就即刻準備俾我,糕點都係落order個時先即刻切,所以我喺餐廳邊行邊等一陣,喺收銀處就見到梁祖堯出嘅食譜,果然呢度嘅老闆娘同梁祖堯好fd,應該係梁祖堯親自送出有親筆簽名嘅食譜,之後喺等緊店員切糕點嘅時候見到麗姐,麗姐入廚房幫員工一齊切糕點,親力親為,而且好細心問我唔同糕點使唔使分開裝。

之後我就問佢係唔係麗姐,話係睇完梁祖堯介紹過嚟幫襯,之前已經嚟過呢度食過一次,佢好多謝我嚟幫襯,仲叫我介紹俾朋友嚟食,我絕對好樂意,雖然嗰日係父親節,但佢話其實夜晚唔算好多人。

當攞完糕點臨走時,佢話今日父親節,仲送咗兩包烏龍茶茶葉俾我,佢話依啲茶葉係諗住送俾今晚嘅食客,非常有心,我多番多謝,承諾會將佢依間咁好嘅餐廳介紹俾大家,過嚟買幾件糕點,但反而得到兩包咁大包嘅烏龍茶葉。

見到食物質素咁好、嘢食咁有心機去整,但反而晚市唔係高朋滿座,覺得有啲可惜,唔知係地理環境唔算好好,定係大家對素食仲係好抗拒,但本來對素食冇乜好大興趣既我,都覺得一間係值得再食嘅餐廳。

雖然依度嘅菜式無大魚大肉,但看似平凡、以假亂真嘅素食,一樣做到色香味俱全,滿足度絕對唔比鮑參翅肚差,食到嘅除咗係好食嘅美食,仲係一份老闆娘嘅熱誠、熱情同埋人情味。

如果傳統既素食菜唔乎合你口味,咁呢一間應該會令你大開眼界。

👅味道: 8.5/10🍴環境: 7.5/10💰消費: $140pp (服務費: 10%)

有時候自己想食清啲,都會過嚟呢一度買個三送飯。

撞岩今日家中長輩想食清少少,但又要平衡下啲後生想食煎炸野,最後我哋揀咗嚟呢一度食素🤣糖醋咕嚕味道超似真嘅肉,而且外型都似到十足,但應該係菇做嘅。

因為我超級鍾意食菇,所以忍唔住食咗超過三件🤣🤣另一味係脆鱔,雖然外貌唔吸引,但又係好香,配埋芝麻,簡直一絕😋睇返啲相都流口水😂另外我哋仲嗌咗豆腐,香脆內軟。

仲有粉絲煲,味道亦都唔會太鹹,相對冇咁油膩,屋企人都大讚!

麗姐廚房,灣仔之友並不陌生,特別是素食人仕,經過譚臣道抬頭一看,都會見到麗姐廚房的招牌,梁祖堯介紹的素食店,黃店,當然要支持下呢。

餐廳面積頗大,裝潢是中式的設計,佈置了不中式盆栽,魚缸,牆上的書法作品,勵志的句子,濃厚的書香氛圍,位子多坐位寬敞,感覺舒適。

下午茶時段去到,仲有午餐,太好了,套餐6選3,清熱降火,三餸一湯 白飯任裝,每位$55。

付款後到取餐處。

套餐三餸一湯,$55。

蓮藕湯,好足料的湯水,清熱降火,不俗呢。

南乳齋,材料豐富,味道濃郁,撈飯一流酥炸素蠔仔,外層脆,香口惹味。

欖菜蒸豆腐,口感軟滑。

食物正常水準,態度親切,據聞小菜先係王道,下次有機約埋班FD一齊來試,抵食夾大件,支持良心小店。

今日做野真係太忙都無時間食lunch,收工緊係要食返多啲補數,一直都想試麗姐廚房,好評好多,價錢又唔貴,但成日都夾唔到時間,今日終於有機會啦!星期五夜晚黎到,職員好忙,但都好殷勤,安排左位比我地之後仲專登拎兩張櫈仔比我地擺野,好抵讚,有時係其他餐廳無位擺野真係要抱住個袋食好辛苦最後我地嗌左台灣炒米,糖醋咕嚕,南乳齋煲同埋蟲草花燉湯蟲草花燉湯清得黎但唔會淡,好正台灣炒米好多料,味道岩岩好,又夠乾身糖醋咕嚕酸甜開胃,炸衣薄,咕嚕汁充滿每一件咕嚕南乳齋煲味道都唔錯,不過咸左少少不過食完個晚都無口乾,無味精雖然我淨係黎過呢度一次,但呢度嘅食物同服務質素都好高,成日上網見到麗姐廚房生意差左好多,希望麗姐廚房可以支持住,繼續提供優質素食

約友人食飯約左去試一試麗姐 順便都素一下清一清個人午市係6個餸揀3連湯連飯 $55係灣仔區呢講真係算係咁嫁喇由於友人係常客 所以麗姐俾既餸特別多益我地 但我望見其他普通食客既份量都唔少!我欣賞佢既地方係味道好真實好居家 唔似出面其他素餐廳咁化學用好多假肉 又唔油膩 所以食落好舒服 當中我推薦佢地既炸物!炸得極脆極香口!好好味個老火湯係飲得出自己煲 應該都冇落味精 好清!仲要俾足湯渣環境好大又乾淨企理!超級推薦!

麗姐廚房餐單提供港式,素食,私房菜等推介美食位於灣仔區,餐廳座位數130人均消費約$101-200,結賬可以用現金,Booking訂位可以電話致電25756060查詢。





您對於灣仔餐廳「麗姐廚房」有何comment?

麗姐廚房餐廳詳細資料:

更多麗姐廚房相關資料:


最後更新:

香港餐廳2023推介03月


為減低冠狀病毒病在Rhino內有任何傳播的風險,Rhino在餐廳內會盡力保持高水平的清潔及衞生標準。餐廳Rhino除了遵守預防及控制疾病的相關規例,Rhino同時建議採取以下措施*Rhino 黃, Rhino 藍, (Rhino 黃藍 等意思黃店或藍店簡稱

常見問題 FAQ:

麗姐廚房在餐廳內應如何確保環境衞生?

  • 食物業經營者應加強對食物業處所包括廚房、食物房、洗滌間、廁所(包括水龍頭與廁所把手)和食肆座位間的清潔,定時及在有需要時應用1:99(即把1份漂白水與99 份水混和)的稀釋家用漂白水消毒,以經常保持清潔和適當維護。
  • 在處理被呼吸道分泌物、嘔吐物或排泄物污染的地方,應使用 1:49(即把 1 份漂白水與 49 份水混和)的稀釋家用漂白水。
  • 經常清潔消毒食物接觸面及設備,例如餐具。
  • 經常清潔消毒員工或顧客的頻密接觸點,例如門柄、桌面、餐盤。
  • 確保用作送遞食物的工具不可用於收集餐桌上已使用的餐具及食物殘渣,可考慮以不同顏色或標示來識別工具的不同用途。所有工具都要保持清潔和定時消毒。

餐廳廚房內麗姐廚房應如何確保食物衞生?

  • 採用「食物安全五要點」,以正確處理食物:
    1. 精明選擇:選擇安全的原材料
    2. 保持清潔:保持雙手及用具清潔
    3. 生熟分開:分開生熟食物
    4. 煮熟食物:徹底煮熟食物
    5. 安全溫度:把食物存放於安全溫度
    6. 有需要時,提供公筷公羹。
  • 避免公開展示沒有包裝的即食食物(例如烘焙食品)。
  • 如使用即棄手套處理即食食物,要注意手套不能代替清洗雙手,並要正確使用。手套如有損壞、弄污或食物處理人員因暫停工作而把手套除下,便應把手套丟掉;要經常更換手套,更換時和除手套後都要清洗雙手。

對於工的個人衞生餐廳麗姐廚房建議是什麼?

  1. 工作人員須謹記:定期檢查體溫
  2. 工作期間,戴上口罩
  3. 咳嗽或打噴嚏時,要用紙巾掩蓋口鼻,並立即將已弄髒的紙巾丟入垃圾桶。然後,以梘液和清水清潔雙手
  4. 保持良好的個人衞生習慣(例如在處理食物前後、進行清潔之後、處理廚餘或垃圾後以及上廁所後要洗手)
  5. 如患有或懷疑受到傳染病感染或出現病徵,例如感冒、腹瀉、嘔吐、黃疸病、發燒、咽喉痛和腹痛,應停止處理食物。如出現呼吸道感染病徵時,應戴上外科口罩及盡早求醫
  6. 洗手時應以梘液和清水清潔雙手,搓手最少 20 秒,用水過清並用抹手紙弄乾。雙手洗乾淨後,不要再直接觸摸水龍頭
  7. (例如先用抹手紙包裹著水龍頭,才把水龍頭關上)

麗姐廚房餐廳內大家應如何減少社交接觸?

  1. 為採取以下措施保持員工之間、員工與顧客之間以及顧 客之間的社交距離:
  2. 為顧客提供外賣選擇
  3. 避免搭枱或改動座位安排以減少直接面對面接觸
  4. 在食肆張貼告示或作廣播、或於地面加上標記、提醒顧客在排隊或等候期間保持距離
  5. 在服務櫃枱加設屏障,減少顧客與員工直接面對面接觸
  6. 鼓勵顧客使用非觸式的付款方法(例如:信用卡、手機應用程式等)
  7. 安排員工分批工作、休息及用膳

我可不可以評論一下這間餐廳麗姐廚房的好與壞?

你可以這餐廳發表麗姐廚房意見及討論,可以用上面的facebook留這功能與其他食家交流。

為什麼麗姐廚房不能電話訂位?

個別餐廳假日及繁忙時間會可能需於餐廳到現場排隊攞位,建議早一兩星期期打電話詢問麗姐廚房訂位方法。

我可以刪除麗姐廚房在feehk.com香港餐廳推介嗎?

我們絕少會刪除已刊登的餐廳,惟當我們證實已刊出的餐廳麗姐廚房違規時,將可能會刪除餐廳。

為什麼要確認麗姐廚房餐廳內容全為屬實?

作為一個讓公眾自由發表言論的平台,有責任及義務向用戶提醒一些有可能被忽略的事宜,以保障各方面的利益。如會員提交的餐廳因當中內容含有嚴重指控,在審批的過程中被評估為有潛在法律風險*,故我們會要求會員確認有關餐廳的內容完全屬實。

如果我懷疑餐廳麗姐廚房是虛假陳述的可以怎樣做?

如果你想發表對麗姐廚房的意見,可以Email檢舉,我們收到檢討會跟進調查。請詳細列明檢舉理由,如有相關證據亦可一併提交,以加快調查進度。檢舉制度採用匿名方式進行,檢舉者的身份將會完全保密。

為甚麼之前已刊登了的餐廳會被突然被刪除?

有時候,一些虛假或有問題的餐廳偶爾會經過編輯的審批後刊登,但我們設有餐廳檢舉制度,訪客有權向我們檢舉有問題的餐廳,如經跟進後證實餐廳犯規,管理員將會刪除餐廳。我們絕少會刪除已刊登的餐廳,不過在一些特別情況下可能會刪除餐廳。

為什麼看不到麗姐廚房黃藍立場,麗姐廚房黃定藍是黃店還是藍店呢?

如果沒有看到麗姐廚房藍黃相關資料代表暫時沒有人評論,你可以於上面留言告訴大家討論。

網站平台feehk跟麗姐廚房 openrice裡的差異是什麼?

有別於openrice複雜多功能,本網站主要目的讓用戶可以最方便地得到想要的資訊如電話和地址搜尋,更快和省時得到重點資料。