貊炙 灣仔

貊炙 評價 相片

{😍全港首家韓式扒房🥩性價比高Steak Omakase套餐‼️}食肉獸有福啦！話說灣仔最新開左間韓式燒烤餐廳「貊炙𝐌𝐀𝐄𝐊 𝐉𝐄𝐎𝐊」🔥有別於一般韓燒餐廳 呢度融合左西式扒房特色 有inhouse既dryageing fridge 所以除左一般肉類 仲有提供自家熟成牛扒😍_今次黎試左【𝗦𝘁𝗲𝗮𝗸 𝗢𝗺𝗮𝗸𝗮𝘀𝗲 𝗦𝗲𝗹𝗲𝗰𝘁𝗲𝗱 𝗖𝘂𝘁𝘀】套餐每人$380就已經包左各類韓式前菜、韓式蒸蛋、生菜包、大蔥沙律、白切肉、4款牛肉、主糧同甜品！超級豐富！_前菜水準都非常唔錯 佢地既泡菜係自家醃製 味道清新 酸甜鹹辣平衡得宜 仲可以無限添加添😍 另外辣醬小螃蟹非常香口惹味 真係會忍唔住係咁食🤪_肉類最鍾意【熟成醬油牛肋骨】😍 肉質軟嫩且入味 醬汁味道偏甜 但配上生菜同自家製包飯醬就冇得頂！另外當然唔少得【熟成25日USDA PRIME西冷】雖然油脂香唔特別重 但勝在肉質鬆化軟稔 而且食落帶淡淡matured cheese既味道 不錯吃😋_主食方面小編們揀左【大醬湯飯】估唔到有驚喜呢！湯頭味道香濃但唔會過鹹 而且配料份量唔少 有牛肉、豆腐、洋蔥、蜆等！食完咁多肉再食呢碗湯飯零舍舒服😚_最後既甜品都係誠意之作！呢度既甜品係會每日替換 而當日既【牛乳軟雪糕】食落香濃幼滑 再配上原粒蜂巢同菠蘿乾片真係超級滿足啊🥳_整體黎講 呢度食物質素確實不俗 加上環境闊落 裝潢有格調 服務又好 (啲肉基本上無需要自己燒😝) 呢個價錢黎講冇得輸！

扒房就食得多，但韓式扒房你又食過未？香港首間韓式扒房最近進駐灣仔區，餐廳糅合西韓飲食文化，將韓式燒肉與西式嘅乾式熟成肉類處理方法結合，為食客帶嚟與別不同嘅韓食體驗👍🏻.餐廳環境以酒紅色為主調，感覺型格奢華！除咗有多款特色韓式料理及燒肉供應外，餐廳仲自設熟成櫃，主打「28日自家乾式熟成肉」，肉類經過熟成後，口感會更為軟嫩，肉味更濃郁👍🏻🇰🇷Steak Omakase Selected Cuts（$380/位）.《韓式前菜》可refill嘅開胃前菜有五小碟，包括醃漬雜菜、醬辣小螃蟹、韓式泡菜、涼拌芽菜及韓式小魚乾，另外仲有大蔥沙律！當中最鍾意醬辣小螃蟹，味道甜甜辣辣，連殼食好香脆，係幾有特色嘅前菜😋韓式泡菜係自家製，味道調配得幾好，唔會死鹹或好辣，幾啱口味😋.《生菜包及自家包飯醬》生菜包有生菜、沙律菜、紫蘇葉、青瓜條、甘筍條、車厘茄、蒜片及青椒，不論賣相或味道都好新鮮👍🏻自家包飯醬味道有啲似味噌，配燒肉幾好食😋《白切肉》以紫蘇葉包住經過烹調嘅五花肉，配以辣椒、泡菜、蔥粒及醬汁等，食落有少少辣之餘仲有好香紫蘇葉味，另五花肉口感彈牙，唔會覺得油膩，真係幾好食😋《韓式蒸蛋》蒸蛋以石碗蒸煮，就算擺耐咗都仲溫熱👍🏻另份量都幾多，口感軟滑，而蟹籽及冬菇令香氣及口感都提升咗不少😋《Steak Omakase》🥩熟成醬油牛肋骨牛肋骨經過熟成及醬油醃製，味道帶甜，而且醃得好入味，重口味愛好者應該會喜歡🥰🥩和牛羽下肉取自牛肩胛中軟嫩嘅部位，油花豐富且均勻，肉質幾嫩又帶些少嚼勁，確係唔錯，推薦👍🏻🥩是日熟成牛肉是日牛肉係美國最高級別USDA Prime西冷，正常只有最頂端2%嘅肉品先可獲得此品質認證👍🏻西冷經過熟成後，口感的確好軟嫩，牛味更濃郁，正💯🥩韓國五花肉燒過嘅五花肉賣相好吸引，油香四溢又帶點爽口，伴隨生菜及自家包飯醬同食，不但可解膩，口感亦會較豐富👍🏻《平壤冷麵》主食有三款可揀，最終揀咗冷麵，打算平衡返食咗咁多燒肉嘅膩感😆冷麵冰涼彈牙，加咗白醋及芥末後，味道酸酸辣辣，解膩之餘仲好啱呢個天氣食👍🏻《甜品》是日甜品係奶味極度濃郁嘅雲呢拿軟雪糕，雪糕不但軟滑，配埋蜂巢蜜糖及菠蘿乾，真係勁好食🤩超想食多杯！🇰🇷和牛三角（$280）三角肉取於牛腹肉與腰脊肉嘅中間部分，油脂較多，屬稀有部位！呢款和牛係A4級，有好靚嘅霜降紋，賣相好吸引😍食落口感軟腍，油香及肉味香濃，係眾多肉當中最豐富出衆，所以亦係最膩，但我鍾意😆🇰🇷提子梳打（$48）🇰🇷1664白啤酒（$68）啤酒配燒肉一定係perfect match啦😆反而提子梳打味道比較普通，味道稍為甜咗少少🤏🏻但配燒肉同樣又夾又解渴嘅！呢款Steak Omakase套餐既食到餐廳主打嘅乾式熟成牛，又食到多款不同韓食及燒肉，仲有店員為我哋燒肉，全程只需繑埋對手等食就可以，性價比真係超高🤩非常推薦👍🏻

香港第一間香港第一間🇰🇷韓式扒房正式係灣仔開業了主打ᴜsᴅᴀ ᴘʀɪᴍᴇ級自家熟成牛肉🥩綜合高質指數值得推薦Bookmark‼️環境、服務、餐具、食材、菜式選擇💯✨大推 ♡ 𝕊𝕥𝕖𝕒𝕜 𝕆𝕞𝕒𝕜𝕒𝕤𝕖 𝕊𝕖𝕝𝕖𝕔𝕥𝕖𝕕 ℂ𝕦𝕥𝕤 ♡只需 $380/位 （兩位起）超級豐富包括韓式小碟、多款燒肉、蒸蛋、主食、甜品、飲品...無論係想食餐好既～又或者想同姊妹、情人、家人慶祝重要紀念日夠哂體面 🥰 睇埋下面食評就知點解CP值爆燈💡.❤︎ 韓式前菜 + 大蔥沙律 ❤︎精緻有心思既六小碟打響頭炮醬油蝦、魚乾、泡菜、醃漬、芽菜各有特色味道唔單調我最愛入哂味既醬油蝦🦐以及餐廳自行醃製既泡菜後者仲可以添加🤤.❤︎ 生菜包及自家包飯醬 ❤︎生菜包超級豐富唔欺場有齊嫩綠既生菜、沙律菜、紫蘇葉、蒜片、青椒粒配搭埋爽甜既紅蘿蔔條、青瓜條、蕃茄仔夾入味噌製作而成既自家包飯醬無論係就咁食😋又或者之後包住燒肉食都咁正.❤︎ 白切肉 ❤︎白切肉呈上時已經烹調好👩‍🍳放置既餐架仲好特別一客四件😎紫蘇葉包住調味燒香後既白切肉配上適量辣椒蔥花為陪襯咬落啖啖肉之餘仲覺得好滿足因為紫蘇葉既關係更平衡油膩度😈食完一件又一件.❤︎ 韓式蒸蛋 ❤︎蒸蛋永遠無得輸 🙌🏼 熱騰騰冒哂煙蛋香十足石鍋令到蒸蛋可以保持熱度♨️最正係加上勁多蟹柳絲、蟹籽令味道層次更多仲有香菇片增加鮮甜味🍄小提示：快快趣趁佢脹卜卜時影相📸啵～.❤︎ 𝕊𝕥𝕖𝕒𝕜 𝕆𝕞𝕒𝕜𝕒𝕤𝕖 ❤︎⭑ 和牛羽下肉 ⭑ 熟成牛肉 ⭑ 醬油牛肋骨 ⭑ 五花肉四款最期待既𝕊𝕥𝕖𝕒𝕜 𝕆𝕞𝕒𝕜𝕒𝕤𝕖出場了了了了擺盤靚靚🤩好明顯係知道打卡既重要性🤣感謝店員詳細介紹又貼心幫忙燒肉教我們由淡至濃味咁食😋真係好有𝕆𝕞𝕒𝕜𝕒𝕤𝕖既氛圍和牛羽下肉既雪花紋理平均～入口油脂溶化是日熟成牛肉係ᴜsᴅᴀ ʀɪʙᴇʏᴇ🥩牛味濃郁熟成醬油牛肋骨既醃汁好惹味亦令牛肋骨更腍邪惡既韓國五花肉燒至焦香脆嫩後比想像中無咁油膩.❤︎ 主食 ❤︎餐廳好細心🙇🏻‍♀️ 因為三款主食菜式照顧唔同食客嘅需要如果你中意食啖白米飯～可以揀大醬湯配飯又或者想飲熱辣辣既濃湯～可以揀熟成雪濃湯我地就想爽爽喉嚨食個冰凍冷麵❄️就選擇左平壤冷麵非常正宗地配埋白醋、黃芥末以供調味加入醋既冷麵本身又有青瓜絲、香梨絲非常冰凍可口又夠酸夠清爽冷麵剪開後方便易食🧊食完更平衡味蕾既感覺.❤︎ 甜品 ❤︎甜品每日都有機會隨機係唔同款式今晚好幸運有蜂蜜配雲呢拿雪糕🍨食超級軟滑香甜牛奶味濃郁仲好有誠意放上真正既蜂巢蜜～甜度由你控制之餘最正係賣相更出色為整頓晚餐畫上最完美既句號💋.❤︎ 飲品 ❤︎ 選擇包括紅酒、白酒、特式梳打等等🥂高級韓國菜餐廳真係唔同啲.環境裝潢以西式ғᴜsɪᴏɴ為主調最中意佢地韓式前菜既小碟器皿用上獨特既酒紅色之餘仲可以由矮而高排列門口仲有自家熟成牛肉櫃🧱同埋可愛機械貓為你送上食物新開張之後應該好快成為人氣餐廳之一🔥

📍 貊炙 灣仔港灣道30號新鴻基中心1樓104, 104A, 105A 及 106108號舖嗰日去灣仔上堂 順便同friend食個lunch 👍🏻 因為大把時間同埋我地就黎試哂灣仔所有餐廳 所以專登喺ig搵左呢間新野黎試😂黎到發現呢間餐廳真係新到啱啱開 門口仲有花籃😂 Anyway我地都決定左試試佢! 侍應哥哥好friendly咁黎介紹 全程亦夠哂attentive 所服務係加哂分嘅🥇 食物方面 佢話呢間韓式扒房主打熟成牛 所以極力推介我地食呢個成1.5kg嘅熟成美國prime肉眼扒 大到贏左😂😂 另加一個極多野食嘅二人餐 食到捧住個肚走🤤熟成牛食落特別嫩滑 亦好香肉味 每片都份量十足 係睇得又食得！呢個拼盤中我較中意佢地嘅醃製牛肋骨 醃得好惹味 燒到5成食就夠哂正！除左必試熟成牛之外 亦想推介下佢嘅羽下肉同熟成雪濃湯 或者貪方便叫個set都得 整體物有所值 值得一試👌🏻

日本Omakase就見得多，韓國燒肉omakase就真係第一次食🥩今次咁啱行完動漫係附近fing住搵餐廳醫肚，係新鴻基中心發現一間新開的韓式燒肉扒房，omakase的價錢都唔算貴，可以一試。

Steak Omakase ($380/人)韓式前菜包括水泡菜，辣泡菜，芽菜，小魚，醬油蝦同大蔥沙律，每樣都開胃好味，泡茶類仲可以refill。

燒肉少不了生菜包同自家包飯醬，調味碟就有芥末，海鹽，洋蔥豉油白切肉其實是已調味同煮好的豬五花，加上辣椒，芝麻，蔥等材料，用紫蘇葉包好，一口食落去，鮮甜又惹味。

韓式蒸蛋整個窩新鮮滾熱辣盛載住滿滿的蒸蛋，加入蟹柳蟹籽等，軟綿綿充滿牛油香的蒸蛋即時增加了口感，質感非常滑溜鬆軟。

是日熟成牛肉通常熟成肉類就係為左將水份從牛肉的肌肉組織內蒸發出來，令牛肉的風味更加集中。

所以今次的牛，肉味會比較豐厚，而且肉質厚實，味道香濃。

熟成醬油牛肋骨連骨上，已經切好薄片的一大塊牛肋骨肉，因為醃好的關係，燒完的肉可以唔需要再調味都好夠味，肉質偏唸。

和牛羽下肉即是牛背側靠近脖子附近，肩胛下方接近肋骨的部位，又叫翼板肉。

肉質比較瘦，脂肪分布均衡，鮮味十足。

韓國五花肉豬五花，相信大家都不陌生，燒到油份都逼曬出來之後，再用鉸剪剪開一片片，加蒜片包飯醬同生菜，就是perfect match。

熟成雪濃湯配有一碗紫菜白飯，冬天必吃的雪濃湯，多種牛肉牛骨，加上白蘿蔔同海帶一齊燉，煮成奶白色，內有胡椒的關係，會有種越食越暖的感覺。

甜品蜂巢蜜雲呢拿雪糕好大碗，大大舊蜂蜜放在雪糕上面，營養豐富帶有黏性，咬落到會食到六角形的蜂巢，口感好特別，值得一試。

和牛三角 ($280)肋骨周邊的三角型肉，有充足的油脂同時有瘦肉的肉香，質地有少少韌但口感恰到好處。

柑橘梳打 ($48)店員推薦的飲品，底部充滿果肉，清甜帶點微酸，果然好好飲。

青檸檬梳打 ($42)又係店員推薦的，切滿青檸的梳打水，配上燒肉，油膩感一下就消失，無介紹錯。

除左食物質素，店員服務都好好，會介紹菜式同幫手燒肉，仲有可愛的送菜機械人，有機會會再來食過🍖

貊炙餐單提供韓國菜,韓燒,扒房等推介美食位於灣仔區，餐廳座位數未知人均消費約$201-400，結賬可以用Visa,Master,AlipayHK,支付寶,現金,八達通,微信支付，Booking訂位可以電話致電26090599查詢。

您對於灣仔餐廳「貊炙」有何comment？

貊炙餐廳詳細資料：

• 貊炙地址:
  灣仔港灣道30號新鴻基中心1樓104,104A,105A及106-108號舖
  MAEK JEOK, Shop104,104 A,105 A&106-108,1/ F, Sun Hung Kai Center,30 Harbour Road, Wan Chai
• 貊炙電話: 26090599
• 貊炙價錢: $201-400
• 分類: 韓國菜,韓燒,扒房,
• 座位: 未知
• 付款: Visa,Master,AlipayHK,支付寶,現金,八達通,微信支付
• FB專頁: 貊炙 Facebook

更多貊炙相關資料:

• 貊炙分店
• Youtube
• Facebook
• Twitter
• Google

香港餐廳2023推介04月