老上海餛飩舖 灣仔

老上海餛飩舖 評價 相片

話說Fatbrown 好鍾意食面，真係食極都唔厭個個國家都有唔同嘅拿手麵類，好似日本到要食拉麵，韓國就要食炸醬麵，越南就要食Pho 咁天氣熱辣辣真係唔知食乜好，今日經過一間老上海雲吞麵，見到有得食中國大陸牌炸醬麵，見冇乜胃口唔算特別肚餓就入去整返碗先<炸醬麵$28>一碗炸醬麵先$28，真係平到爛見到店員操呢個普通話口音，心諗應該好正宗啦掛結果又真係幾好食嘅麵條好煙un，雖然唔知係咪手打嘅，不過係好食嘅炸醬有啲似台灣嘅肉燥，個汁都幾好食店員姐姐都幾熱情，食到平嘢，味道又唔錯，心情都幾好

今日收工約左班朋友去灣仔修頓睇波，咁睇之前就各自各醫左個肚先。

我去完太原街望下d玩具之後，睇玩具睇耐左，發覺時間唔係好夠，咁就食個快啦，見到有間餛飩麵店，好啦，入去啦！睇完個menu, 叫左個金牌雜醬麵再加5隻大餛飩，再加多杯凍檸檬茶。

麵好快就黎啦！麵同埋大餛飩係分開上呀！麵幾彈牙，係幼嘅上海麵，最欣赏佢嘅雜醬，幾香口，開胃。

到餛飩啦，餛飩係用上紫菜湯，好正，另外餛飩都好足料，皮薄多餡，好快就食完了，下次睇波都會再黎幫襯。

今日晏晝路經灣仔，見到呢間食上海雲吞嘅麵舖就走咗入去試。

叫咗一個原味鮮肉小雲吞麵，仲加咗杯熱奶茶，一共$39，非常之抵食。

雲吞細細隻，皮薄餡靚，肉質鮮嫩多汁，幾好食。

至於個麵就係我鍾意嘅口感，軟硬適中，唔錯，會再嚟。

每日晏晝都要諗食乜，今日諗起巴士途經見到有間新開既上海雲吞鋪，於是就去試試話就話新開，但我記得都見到間鋪頭好耐，冇諗過去到見到仲有個「試業中」既牌喺門口叫咗︰原味鮮肉大餛飩 (10隻) $45 (+$1 外賣盒)點知叫完找完錢後，聽到樓面喺度講個電腦好似突然壞咗，出唔到單，諗住應該冇事...啩跟住就係漫長既等待時間，眼見堂食既食客好多都等咗好耐，有啲遲嚟先上岸(應該係因為後尾個電腦好返，後面啲單出先既關係)，我個心都怯一怯，究竟我張單有冇出現過喺廚房...其實樓面既哥哥姐姐都好唔好意思咁幫我追既，但追極都要等左成25分鐘先見到我個外賣出現見到佢地咁，同埋知佢地電腦壞咗，係明白佢地既困難，但最令我失望既係返到去公司，打開個盒蓋發現裡面得8！隻！雲！吞！(仰天長嘯)明明個menu寫明10隻，都冇8隻既option，做乜呃咗我兩隻....anyways，唔知今日夠唔夠飽呢....? 講埋味道，不過不失，沒有驚喜，沒大失望。

但因為等待時間加少咗兩隻，我應該暫時唔會返去幫襯依間住架啦....

跟太太撑枱腳，繼續灣仔尋美食，在灣仔道街角這間中式的餛飩舖。

先試小餛飩，芹菜鮮肉小餛飩 $45/ 20隻，芹菜口味很重，太太喜歡，而我就不，小餛飩皮薄。

再試大餛飩，套餐，花生醬拌麵，原味大餛飩8隻，共$55。

大餛飩皮厚，肉可以。

花生醬拌麵，份量很多，很飽肚。

凍豆漿 $7跟太太撑枱腳，不需要高級美食，平淡的餛飩便可以。

老上海餛飩舖餐單提供滬菜, 上海, 粉麵, 米線, 雲吞, 餃子等推介美食位於灣仔區，餐廳座位數未知人均消費約$50以下，結賬可以用現金。

您對於灣仔餐廳「老上海餛飩舖」有何 comment？

老上海餛飩舖餐廳詳細資料：

• 老上海餛飩舖地址:
  灣仔灣仔道148號地舖
  老上海餛飩舖, G/ F,148 Wan Chai Road, Wan Chai
• 老上海餛飩舖電話:  
• 老上海餛飩舖價錢: $50以下
• 分類: 滬菜, 上海, 粉麵, 米線, 雲吞, 餃子
• 座位: 未知
• 付款: 現金
• FB專頁: 老上海餛飩舖 Facebook

更多老上海餛飩舖相關資料:

• 老上海餛飩舖分店
• Youtube
• Facebook
• Twitter
• Google