笑麵虎車仔麵 灣仔

笑麵虎車仔麵 評價 相片

平日夜晚黎。

完全唔洗等位。

叫左個自製湯底+腩汁+日式叉燒+陳皮魚蛋+蘿蔔幼麵，加杯柚子蜜。

個湯底幾舒服，唔油。

叉燒出奇地好食，有成3塊，唔係燒過嗰隻但肉質好好，完全唔鞋，有肉味。

陳皮魚蛋好細粒但個陳皮味都響度，同埋幾彈。

蘿蔔好入味。

麵ok. 柚子蜜正常。

碗嘢係幾好食，不過要坐高櫈有啲唔舒服。

同埋關8點真係有啲早。

唯一係我係某APP上book，應該有七折，但佢應該係唔記得左。

而我俾錢時都唔記得... 下次吧。

P.S. 良心小店黎。

幾環保。

唔知呢篇食評出唔出得切，一直我都有食開笑面虎車仔麵，因為eatigo有時50%off真係好平，而且佢嘅湯底同埋麵條都好特別！【狼吞虎麵】有十三種餸，而每次我必選佢自家製有營湯底，清甜鮮味像湯水一樣，非常特別的車仔麵湯底。

因為我較多在晚上光顧，所以很多時候有些餸已經賣完，廚師亦會轉其他餸或加多啲份量。

配料我會推薦【自製日式叉燒】、【糖心蛋】、【蘿蔔】和【陳皮魚蛋】。

【醬油雞中翼】大大隻又入味！【香茅炭燒豬頸肉】是必食的，很重香茅味道，炭火烤過有焦香味，而豬頸肉本身口感亦是我喜歡的！【凍奶茶】亦非常好喝，先嚐到奶滑香，再細嚐就喝到茶的濃郁。

香港人撐香港呀！

材料不新鮮 湯底沒有味道 店推介的魚蛋更不好吃 好細粒沒魚味只有味精味 滷水蛋很一般像巳放置很久 這間車間車仔麵不會再去 沒有特式 以前經過一直想試下 原來一點都不值得 沒想到這般差

估唔到我第一次寫食評就貢獻俾呢間野！因為諗唔到食乜，經過佢門口，見到門口啲食物圖片好似幾好，於是入去。

我朋友叫咗腸仔雞翼餐肉飯，而我叫咗白咖哩豬扒飯。

60蚊，跟餐送樽裝可樂。

我朋友食物先上，一睇已經覺得伏。

啲配菜有煮好咗、放咗應該有半日嘅通菜，已經變黑；一睇就唔想食；另有四分一邊粟米，感覺同樣攤放咗好耐。

我叫嘅豬扒飯，亦都係相同配菜。

味道方面，的豬扒酸嘅！明顯已經變壞。

我朋友叫嘅腸仔同樣如此。

冇下次！克店！我而家肚痛，報告完畢！

返工見開左間新店食車仔麵，裝潢不錯個名又幾得意就去試下。

出面等候有D亂，等外賣既又排緊隊，堂食既又一齊排。

之後先發覺堂食直接入去就會有侍應帶位。

坐則邊位D高凳，MENU係可擦的膠片，環保加分。

麪、湯同汁可分開揀。

加左$4試特別湯底，揀埋沙嗲汁。

到揀野食，想試五花腩脆片，冇得賣；手製漢堡，剛剛賣曬；仲有好幾樣特別D既食送都冇……咁唯有揀其他普通既野食。

上菜係快既，車仔麵嘛。

點知上錯左….我要油麪佢上左粗麪…已經唔太開心，都唔使佢換啦，同佢講番，即係哦左一句… 我點左水餃同唐心蛋(因為有虎爪，即係推薦啦)，加埋生菜。

份量少到呢…水餃好細粒，唔係見到有D木耳我以為係雲吞…菜都係少最唔掂係隻唐心蛋!!!!零‧唐‧心!!食到呢度忍唔住要影相。

同食烚蛋係冇分別的！唔講以為食緊茶葉蛋，只係比茶葉蛋軟D都冇咁乾…最好係D湯底，可能加左沙嗲汁，係幾惹味既，不過其他(包括麪)就真係強差人意。

跟住佢d「虎爪」揀都伏，而且價錢又偏貴，食樓下平D既車仔麫仲冇咁嬲，所以應該冇下次了。

笑麵虎車仔麵餐單提供港式, 車仔麵等推介美食位於灣仔區，餐廳座位數未知人均消費約$51-100，結賬可以用現金，Booking訂位可以電話致電 23273993 查詢。

您對於灣仔餐廳「笑麵虎車仔麵」有何 comment？

笑麵虎車仔麵餐廳詳細資料：

• 笑麵虎車仔麵地址:
  灣仔皇后大道東94號地舖
  Tiger Noodles & Bar, G/ F,94 Queen's Road East, Wan Chai
• 笑麵虎車仔麵電話: 23273993
• 笑麵虎車仔麵價錢: $51-100
• 分類: 港式, 車仔麵
• 座位: 未知
• 付款: 現金
• FB專頁: 笑麵虎車仔麵 Facebook

更多笑麵虎車仔麵相關資料:

• 笑麵虎車仔麵分店
• Youtube
• Facebook
• Twitter
• Google