無極手工麵.燒烤.私房料理 灣仔

無極手工麵.燒烤.私房料理 評價 相片

下晝午飯同朋友選擇左呢間店，因為地方比較寬敞。

睇到餐牌有一個比較特別嘅花膠滑雞煲仔麵，好奇之下就點左。

面黎到之後大為失望，基本上无咩花膠都算，个湯底鹹到不得了，味精非常多。

很少食到咁鹹嘅湯底，實在非常難食。

基本上呢間店可以拉入黑名單。

朝早經過謝斐道，見到裝修幾靚，就入去食個早餐，坐喺卡位都幾闊，坐得幾舒服，點左個早餐A，鮑魚火腿絲通粉，配炒蛋，都唔錯嘅，裏面最值得讚賞就係有個男仔服務員，睇佢好細個應該讀緊書，btw佢幾靚仔🤣但係就招呼好好，仲好有禮貌！於是lunch time就諗住去試多次，點知已經見到嗰個男仔服務員喺門口拉我入嚟，都依然係好有禮貌咁樣，仲有簡短而快咁樣介紹，入到去點左個午餐2號咖喱牛腩飯，咖喱汁幾香，加埋凍飲先55，都抵食嘅！但我哋比較麻煩係咁問佢攞水，佢不但冇嫌我地麻煩，而且落單嘅時候佢都係好有禮貌，因為我哋揀的比較慢，然而係我哋食緊嘅同時，因為晏晝好多人，佢叫我幫幫手掉位，又唔會好似出面嗰啲樓面咁樣好串，而且見到佢招呼其他人都係非常之有禮貌同埋快手，仲見到有一段時間比較忙佢入咗去廚房幫手！真係非常之欣賞佢！👍🏼而家食嘢唔好講食物好唔好食先，我覺得首先係要良好嘅服務，好多時候問樓面拎多杯水，都俾人嫌麻煩，又或者落單耐啲都態度差，而呢度食物係OK嘅，環境唔錯，招呼又好，除咗嗰個男仔特別好，其他服務員都唔錯都係有禮貌嘅，所以值得一試👍🏼

午餐時段黎到唔洗等位，一行2人叫左一碗武林大會，一碗午餐既麻辣手撕鷄撈烏冬。

講碗正常d既先，烏冬分量大概係平時屋企自己煮一包既分量，男士係無可能會覺得飽。

然後手撕鷄有3舊，注意係舊，唔係一絲絲，即係基本上無撕過的，佢應該叫雞件而唔係手撕鷄第二碗就出事，一黎到我用筷子撩兩撩，浮左隻黑色有翼既野出黎，我忍唔住講左句粗口，到呢度其實我已經無咩胃口。

叫侍應換個碗，第二碗黎到真係唔係好敢食，撩完一輪好似無奇怪野先開始食，點知食到一半又見到有條黑色長條形線狀既野，研究過之後疑似係鋼絲。

我地換都費x事，拿拿臨埋單走人。

碗野個湯係談而無味既，然後雞翼尖又好咸。

認真係香港已經好耐無食過d咁伏既野，衛生唔得，味道又唔得，呢個時勢呢個質素既餐廳仲屹立不倒，哈哈

一個普通既平日lunch, 諗住快d食完快d走餐廳座位坐得舒服，但張枱抹得唔係咁乾淨，唔係好敢放野上去見到有一個叫「無極公司飯」，即係豬扒腸仔雞翼加白飯，因為好肚餓就叫嗰個野食好快嚟到，賣相ok，但個size就唔ok唔係碟頭飯嚟，而係長碟裝住左邊係餸，右邊係一碗白飯個豉油汁味道ok什至可以撈住食既飯唔止佢本身嗰個size...豬扒可能就咁煎無點生粉會仲好食...係我唔好，自己喺度幻想會食到一碟好似以前返學喺canteen食到既頹飯，但原來係好難其實最唔開心係食呢個飯加一杯野飲total係$64，翠華雖然都係非一般茶餐廳，但起碼食物既味道同份量都足先

服務一般，欠缺耐性，趕時間收野，我未埋單，就係枱到拎我張單同錢話幫你埋埋單， 重點，屋企人話見到有人廁所內食煙，食物就一般，但如果想慢慢享受食物既就避免，因為感覺一路食d侍應就一路望住，好似好心急想收野咁，連一開頭想等杯水都要催。

。

失望

無極手工麵.燒烤.私房料理餐單提供港式, 粉麵, 米線, 湯品, 中菜館等推介美食位於灣仔區，餐廳座位數98人均消費約$51-100，結賬可以用AlipayHK,支付寶,現金，Booking訂位可以電話致電 36197563 查詢。

您對於灣仔餐廳「無極手工麵.燒烤.私房料理」有何 comment？

無極手工麵.燒烤.私房料理餐廳詳細資料：

• 無極手工麵.燒烤.私房料理地址:
  灣仔謝斐道118號樂居樓地下DEF號舖
  WYJI, Shop D E F, G/ F, Lok Ku House,118 Jaffe Road, Wan Chai
• 無極手工麵.燒烤.私房料理電話: 36197563
• 無極手工麵.燒烤.私房料理價錢: $51-100
• 分類: 港式, 粉麵, 米線, 湯品, 中菜館
• 座位: 98
• 付款: AlipayHK,支付寶,現金
• FB專頁: 無極手工麵.燒烤.私房料理 Facebook

更多無極手工麵.燒烤.私房料理相關資料:

• 無極手工麵.燒烤.私房料理分店
• Youtube
• Facebook
• Twitter
• Google