正斗車仔麵 灣仔

正斗車仔麵 評價 相片

尋日放飯時間, 師傅忽然間好想食碗車仔麵, 但又唔想行去鵝頸橋咁遠, 咁點算好呢? 忽然間師傅醒起呢度開左間新嘅車仔麵食店, 於是決定去食番碗先!入到去一眼見晒, 環境都幾細, 如果全店真係坐滿, 肯定係背脊對背脊, 一定好逼; 好彩今日唔算多人, 所以坐底後未算好逼; 於是一坐底師傅即刻睇下有咩好食先, 本來想食米粉, 但忽然心癮起所以改左幼麵,而餸當然係要番個豬雜三寶啦, 再加上佢嘅秘制辣汁!等左一陣就有得食, 先試下個湯底, 味道幾濃, 加左秘制辣汁係真係辣d喎, 不過味精都幾重, 一般; 再試下豬雜三寶, 豬紅四四方方, 幾硬身下, 加上唔算好滑, 普通; 而豬皮勁腍冇咬口, 仲有一陣味, 絕對唔得; 而豬腸就炆得唔夠腍, 唔算入味加上幾韌下, 一般; 而幼麵就煮得幾好, 唔會過腍, 冇鹼水味, 收貨!總括黎講車仔麵質素一般, 地方一般, 服務都係普通, 價錢又唔算特別平, 每樣餸六雞一個, 埋單廿四蚊, 可以啦; 師傅仲以為灣仔會有間好味嘅車仔麵店添啦, 皆因佢個名叫正斗, 但真係食唔出有幾正? 所以應該唔會再黎喇, 笑臉當然比唔到啦!

本身同個朋友都未決定食乜既,我地係門口睇緊入唔入去個時,有個伙計好熱誠咁出黎同我地講叫我地入黎試下,咁我見做車仔麵都做到佢咁有禮貌,咪同個朋友入去試下囉.(今時今日咁既服務態度先係架嘛.哈哈~)我友人食車仔麵就鍾意"樣樣有",佢二話不說就叫左個大拼麵,個大拼麵都真係幾唔錯,我就睇到大約有成8,9樣餸.唔知係個大拼麵好味定係我朋友好肚餓呢,佢好快就食晒.食完係咁話幾好幾好!我就散叫左牛腩,冬菇,豬手(豬手係佢地推介)同埋加左咖哩汁.我碗麵未黎到我已經聞到好香既咖哩味.牛腩夠林.又唔失口感.冬菇又多又好味.最正係個豬手,一食上口就知道係好野,同埋真係好入味.一定會再去食,價錢比其他車仔麵平幾蚊,佢地既服務態度值得一讚.仲有就係間鋪既冷氣都幾好,對我地d怕熱既人黎講係好緊要.

車仔麵成日食, 好少食撈車仔麵, 呢間正斗竟然有撈麵, 即管試試, 咖哩汁勁香, 不過唔夠辣, 但朋友食傳統有湯辣汁就話夠晒辣味食物種類選擇多, 價錢算OK, 小鯊魚丸細細粒幾好食, 尤魚一定要食, 本人唔食牛, 但友人話牛筋腩入味, 食牛者必選, 值得一讚係港式奶茶夠水準,

今日同大舊行完山, 我地個body 好大陣汗味, 行到間灣仔見有車仔麵新開, 於是5:00 去食個early dinner 價錢比出面銅記和灣仔等都平 12 蚊 小併盤 有成 5,6個 “食送”, 而大併盤有 8樣野, 不過已經set好左, 真係好抵下喎, 樣樣比你試下,老闆真係用心良苦呢我選擇左散叫: 有冬菇, 籮白, 牛腩, 雞亦+ 麵餅 + 咖哩汁干撈 (+$2)冬菇好入毫油味, 大粒d 就仲好, 牛腩好林, 唔使點咬, 入口溶化, 一d 根都無, 好得 我發覺原來個咖哩汁撈真係好正, 好香咖哩味, 唔係得死辣味, 我忍唔住叫佢再加多d 比我, 好快就撈晒成碗麵食清晒, 好飽 ~大舊叫左大併盤+ 濃味汁, 一大碗上都好係野, 見佢起勢咁食, 好似好好味咁, 我問佢得唔得, 佢都唔啋我 ……我估都唔錯呢, 連大舊呢個暴食者食完都叫飽, 真係幾得喎 呢到開行食冷氣, 食完都唔會週身汗, 好過去榮記迫到阿媽都唔認得!不知不覺 我地個 body 都干晒, very nice! 你地留意下支醋個頭, 老闆自己加上去好攪野 一定有下次!·

正斗車仔麵餐單提供港式, 車仔麵, 雲吞, 餃子等推介美食位於灣仔區，餐廳座位數未知人均消費約$0，結賬可以用現金。

您對於灣仔餐廳「正斗車仔麵」有何 comment？

正斗車仔麵餐廳詳細資料：

• 正斗車仔麵地址:
  灣仔交加里51號保和大廈地下1號舖
  正斗車仔麵,  
• 正斗車仔麵電話:  
• 正斗車仔麵價錢: $0
• 分類: 港式, 車仔麵, 雲吞, 餃子
• 座位: 未知
• 付款: 現金
• FB專頁: 正斗車仔麵 Facebook

更多正斗車仔麵相關資料:

• 正斗車仔麵分店
• Youtube
• Facebook
• Twitter
• Google