松菱日本料理 灣仔
地址: 灣仔港灣道1號會展商場3樓
最後更新:
松菱日本料理推介
松菱日本料理位於萬麗海景酒店，提供傳統的日本烹調技術和貼心的服務態度。出名有質素的壽司，刺身，鐵板燒等。一系列的材料都直接由日本運到，保證食物新鮮‧
灣仔松菱日本料理
| 餐廳分店 | 松菱日本料理 |
|---|---|
| 地區 | 灣仔 |
| 電話訂位 | 28241298 |
| 餐單 Menu | 日本菜, 鐵板燒, 壽司, 刺身 |
| 人氣指數 | 1013 |
| 價錢幾錢 | $401-800 |
松菱日本料理訂位位於灣仔區，詳細地址是灣仔港灣道1號會展商場3樓，餐廳寬敞座位數目共有100個。松菱日本料理幾錢？價錢優惠後人均消費大約$401-800埋單，早餐午餐晚餐松菱日本料理餐單包括有日本菜, 鐵板燒, 壽司, 刺身等美食，付款方式有Visa,Master,現金,AE,銀聯,Diners付款，Booking網上訂位可以電話致電 28241298 查詢訂座。
松菱日本料理優惠
松菱日本料理 評價 相片
松菱鐵板燒已經開咗好多年，細細個第一次食鐵板燒就係呢間😆 今次機緣巧合下朋友請食飯再訪呢間餐廳，啲回憶即刻返哂嚟呀！我哋因為某啲原因由食omakase 突然轉場食鐵板燒，所以就book 唔到鐵板燒枱，坐卡位💁🏻♀️ 不過靜靜地傾吓計都唔錯！佢除咗有鐵板燒套餐外，仲有得散叫刺身壽司其他燒物等好多選擇，我哋唔想煩所以就直接揀咗套餐！😎❤️ 前菜+沙律沙律加上櫻花蝦同天婦羅碎碎，清新得嚟又增加一啲口感。
前菜蟹肉蒸蛋就正正常常。
好食度：⭐️⭐️⭐️ (3/5)❤️ 海鮮 (四揀一，分別有蝦，帶子，鰻魚同埋魷魚)我同朋友一人揀咗一款然後share食，蝦同帶子雖然唔係游水🦐 但蝦食落口都彈牙，帶子亦都唔會有雪味，火候都恰到好處唔會過老非常可口。
好食度：⭐️⭐️⭐️✨ (3.5/5)❤️ 主菜薄燒同厚燒各揀咗一款，薄燒牛分量多得驚人！🤩 層層疊咁搭咗三層，最少都有十件！牛肉鮮嫩，包上葱花加上油香，真係一件接一件咁食呀！相比之下厚燒就冇咁驚喜，正常水準。
好食度：⭐️⭐️⭐️⭐️✨ (4.5/5)❤️ 飯/麵我哋都係每人揀一款兩樣都試哂！share一半個分量超多，佢比嗰碗飯係足足一整碗🤭 飯炒得好香粒粒分明，咬到啲牛肉粒都幾多！相信好少人會揀炒麵，個人覺得一啲都唔油，麵身好彈牙，都值得一試！😋 最後仲有麵豉湯炒菜同水果就唔一一介紹喇！好食度：⭐️⭐️⭐️✨ (3.5/5)餐廳推薦度：⭐️⭐️⭐️✨ (3.5/5)女士嚟食嘅話佢個份量真係非常之多，淨係個薄燒牛肉俾咁多片都值回票價！個人覺得上菜略快🤔 可能我哋唔係坐喺師傅面前，佢唔知我哋食嘢速度，不過整體服務幾好！
今日放假特登出嚟灣仔食鐵板燒晚餐位於萬麗酒店松菱鐵板燒好耐之前同朋友食過今次來水準依然，多年老字號個人比較喜歡食薄牛肉朋友鍾意食厚牛兩樣都嗌旋片配上A5和牛，簡直無得輸燒帶子燒三文魚三文魚燒到香脆，卜卜完全冇腥味，帶子大大粒雜菜炒飯，雜菜再配上日本珍珠米，飯粒一粒粒好有口感
松菱日本料理 (灣仔)記得前年的5月20日，很驚喜地被帶到這間日式鐵板料理餐廳食晚餐，坐在bar 枱，欣賞廚師一邊即席在鐵板上烹調食材❤️還記得這是一個2人dinner set, 價錢大約$1000/位（因為是對方安排確實的價錢不太記得了🤣）不過好記得廚師在鐵板上烹製新鮮的帶子、飛驒牛肉和日本黑豚肉煎好後放在方包上，旁邊是脆炸蒜片，麵包用作吸油，牛肉和豚肉配蒜片，肉質嫩滑多汁，不用加上醬汁已有濃郁的肉香味🥰😋最後還有鐵板炒雜菜和炒飯，這餐飯很滿足，雖然食完後要陪對方番公司開視像會議，不過食了餐豐富鐵板料理就無所謂啦😝*需加一服務費地址：灣仔港灣道1號會展商場3樓
松菱鐵板燒開左好多年，今次適逢午市機緣巧合下同事話到訪呢間餐廳🍴一試其風采。
終於訂到位，但不是鐵板燒位置，但可以坐卡位雅座，傾吓計都唔錯。
整體餐廳🍴走偏暗路線，窗簾下垂因出面對正地盤工地，景觀麻麻。
抽風系統做得好，即便是鐵板燒都沒有油煙味。
日式商務午餐包一客主菜、另附前菜、茶碗蒸、漬物、白飯、味增湯、甜品🍮（海鹽雪糕🍦、奶凍）一落單不久就上左前菜：凍伴洋蔥🧅絲青瓜絲螺肉，正常貨色。
沙律🥗：胡麻醬配新鮮生菜🥬爽脆清新開胃。
茶碗蒸蛋超級嫩滑，入面有各種蟹柳海鮮，調味適中吾會過咸。
刺身（ HKD 370):厚切三文魚腩，肉質緊緻，有彈性，油份不多夠肥美。
吞拿魚蓉配搭青瓜絲，減低吞拿魚豐腴油滋的油膩感。
吞拿魚腩散發獨特香氣，肉質充滿油脂，口感較實淨，呈粉嫩顏色。
正所謂不時不食，整體新鮮！牛肉照燒（HKD 270):牛肉味濃，比較嫩口，沒有筋，灑上適量白芝麻增加香氣，燒汁調味比較甜，蘸上醬汁，非常下飯。
A5 日本飛驒和牛：被譽為國保級和牛，深受港人追捧、所費不菲，只係得幾片已達千元，識落油脂豐腴，幾乎似食緊牛油🧈入口即溶，牛鮮嫩美味，七成熟做到外蕉內脆，不錯。
總結：價位有點貴 但小資女一試無妨服務用心 食材新鮮
某股評人在其節目中提到自己喜歡食鐵板燒，問聽眾邊間好食。
熱心的fans介紹咗傳説中的香港三大鐵板燒。
之前已介紹過一間，「松菱」是傳說中三大的另一間。
這天未到六時二人己到達灣仔會展中心商場，致電餐廳問詳細位置。
熱心的職員話如果找不到可以落商場為我們引路。
最後用電話導航，到達餐廳時還有半小時才營業。
店外沒設等候座位，職員主動安排一間包廂給二人入內等候，服務態度誠懇又貼心。
六時可入席。
依從訂座要求，被引進鐵板燒枱前。
數分鐘內己有侍應端來熱茶及三款醬汁，分別有蘋果酸汁、橙蕃茄汁同芝麻汁。
二人在餐牌中揀選「日本 A5佐賀和牛」Sirloin steak （西冷扒）同Sliced sirloin（薄切）, 每款$1250加$300變套餐。
第一道西洋化的前菜（沙律）瞬間送上.....三種新鮮沙律菜配上香味濃郁櫻花蝦同脆口炸蝦碎，既清新食落又有層次感。
微酸醬汁輕易地打開味蕾。
好一道開胃菜！廚師在客人完成沙律後出塲。
同客人先打個招呼，隨即撻着鐵板，倒上煮食油，熟練又敏捷的雙手開始做「熱身」。
此時第二道前菜「牛舌薯仔」亦端上。
用蕃茄紅蘿蔔炆的牛舌勁「林」，而且無腥味。
薯仔只輕嚐，留肚.....享用第二道前菜的同時，廚師將火喉十足，香脆而不油膩的炸蒜片放在各人碟上。
並為燒海鮮作準備......蝦頭切出任由鐡板慢燒，在帆立貝蓋中倒入醬汁燒熱。
蝦身在將燒好其他才放上板燒，保持嫩口。
蝦並非活蝦但燒得恰到好處，肉質厚實爽彈，有蝦味。
個人認為燒蝦點「橙茄汁」好夾。
蝦頭蝦鬚脆卜卜的口感非常討好，全部放入口吧，大快朵頤😋帆立貝一分為四，每人兩件。
肉質咬落一絲絲，鮮甜柔軟。
以為望落有色水的醬汁會偏鹹，其實味道調教到剛好提升帆立貝的鮮。
主角出塲⋯⋯A5日本佐賀和牛。
薄切油花分佈尚算平均。
廚師建議七成熟。
薄切和牛都有好幾片，分量ok！薄切牛內會放炸蒜片及大量蔥花卷起一齊燒，提升香氣及風味。
唔喜歡食蔥的朋友要預先提廚師減蔥。
肉質方面是嫩滑滋味的，但略嫌口感油膩。
西冷和牛扒Sirlon steak目測大約0.75公分厚。
大大件分三次燒。
燒時廚師將牛扒邊脂肪部分切出用來炒飯，物盡其用。
牛扒燒好再切成一口大小。
七成熟令豐腴油脂有時間溶解成牛油而燒出外層焦香，內層柔潤，入口即化的口感。
簡直人間美食😋相對下牛扒勝薄切。
隨後侍應換上一杯熱茶，端上簡單漬物及味道得宜的麵豉湯，配合炒飯部份。
炒飯用上日本雞蛋，橙紅色蛋黃。
需則吃日本米飯是要用筷子夾住來吃，但這碗用牛羔及靚蛋炒出來的飯鐵板風味十足，既香噴噴又乾身爽口，令人忍不住想失儀地扒著飯來吃。
正當筷子功大受考驗之際，驚見飯中一粒粒細小但像蝦膏似的配料，食落有蝦味。
但席間未見加入蝦之類的食材🧐廚師解開謎團....粒粒其實係雞蛋！原來雞蛋來至食混入蝦殼作飼料的雞，所以雞蛋有蝦味。
一顆不平凡的雞蛋巧妙地為炒飯畫龍點睛😋野菜主要係豆芽，少許鮮冬菇及青椒絲點綴顏色。
熱騰騰的鐵板加上廚師的摩打手，迅速將豆芽水份蒸發，頓時煙霧彌漫，將板燒氣氛推到巔峰，亦為鐵板部份畫上完美句號。
甜品部份可以揀水果或雪糕。
雪糕吸引力大多了！芝麻味雪糕芝麻味濃，輕易地將沒驚喜的綠茶味比下去。
此時己食到非常滿足！餐廳內燈光柔和，裝修低調中顯貴氣。
座位舒適，抽空系統良好，離席後身上都沒沾上半點油煙味。
服務態度亦很積極不怠慢，有親切感之餘令人放下侷促。
當比較傳説中的三大鐵板燒時，我只能説：一分錢一分貨。
松菱日本料理餐單提供日本菜, 鐵板燒, 壽司, 刺身等推介美食位於灣仔區，餐廳座位數100人均消費約$401-800，結賬可以用Visa,Master,現金,AE,銀聯,Diners，Booking訂位可以電話致電 28241298 查詢。
您對於灣仔餐廳「松菱日本料理」有何 comment？
松菱日本料理餐廳詳細資料：
- 松菱日本料理地址: 灣仔港灣道1號會展商場3樓 Matsubishi Japanese Restaurant, 3/ F, Shoppingarcade, Convention Plaza,1 Harbour Road, Wan Chai
- 松菱日本料理電話: 28241298
- 松菱日本料理價錢: $401-800
- 分類: 日本菜, 鐵板燒, 壽司, 刺身
- 座位: 100
- 付款: Visa,Master,現金,AE,銀聯,Diners
- FB專頁: 松菱日本料理 Facebook
更多松菱日本料理相關資料:
香港餐廳2026推介8月