上海一品香菜館 灣仔
地址: 灣仔譚臣道102號
最後更新:
上海一品香菜館推介
堂食外賣同價，營業至凌晨四時，半夜三更都可叫外賣食。各式上海飽點煨麵小菜客飯齊全，睇波睇得夜都唔怕無好東西吃！
灣仔上海一品香菜館
| 餐廳分店 | 上海一品香菜館 |
|---|---|
| 地區 | 灣仔 |
| 電話訂位 | 沒有電話提供 |
| 餐單 Menu | 滬菜, 上海, 中菜館 |
| 人氣指數 | 926 |
| 價錢幾錢 | $51-100 |
上海一品香菜館訂位位於灣仔區，詳細地址是灣仔譚臣道102號，餐廳寬敞座位數目共有未知幾多個。上海一品香菜館幾錢？價錢優惠後人均消費大約$51-100埋單，早餐午餐晚餐上海一品香菜館餐單包括有滬菜, 上海, 中菜館等美食，付款方式有現金付款。
上海一品香菜館優惠
上海一品香菜館 評價 相片
第三十回——上海菜舊式菜館殘殘爛爛老式煮法多調味料可能連我自己都估唔到﹐我的完結篇會是一家殘舊、古老﹐味道麻麻的上海菜館。
話說早前週日去做腳底按摩加Body Massage﹐剛剛坐低﹐我最要好的朋友打電話比我﹐話要去買些電腦設備﹐問我而家響邊。
我話我最快都要成兩個鐘頭先至搞惦﹐朋友又話冇問題﹐仲話過來銅鑼灣join我。
我地結果響灣仔行了一陣街﹐之後我話想食上海菜﹐就去了譚臣道﹐經過貴過一品香好多同貴妃雞好出名的悅香﹐我都有點猶疑﹐但考慮到朋友其實係預祝我生日﹐加上佢返新工冇耐﹐唔想佢破費﹐就去了呢間霉霉爛爛的上海菜館了。
我首先叫了我最喜愛的煨麵﹐我通常叫三鮮煨麵﹐有時是雞、火煨麵(即係雞肉和火腿)﹐其實是什麼材料不重要﹐重要是個麵底。
煨麵要非常淋身﹐而呢個麵完全符合要求﹐個湯亦係杰撻撻(不過先旨聲明﹐咁唔代表我鍾意食杰撻撻既野) ﹐好似羹咁就最Good喇﹐仲有些切到好碎同煮到好淋的菜﹔我同朋友講﹐上海菜飯就食得多﹐呢個都可以叫做菜麵喇﹗至於份量是用個大碗裝﹐仲要裝到滿滿的﹐好似好豐富咁。
其實朋友三點鐘至食完午飯﹐所以唔餓﹐於是只係叫多一個糟溜魚片。
糟溜魚片呢個上海菜﹐我覺得一般好少人叫﹐可能D 人唔受得酒味﹐又後者根本就唔識得叫。
我響中環的北京樓、川淮居就成日叫﹐永冇甩拖。
上檯時碟魚多得很﹐鋪滿成隻碟﹐不過一睇個茨汁就知唔惦﹐食落魚味可以﹐但魚骨多到可以用來砌積木﹐酒味亦太淡﹐作伴菜的木耳就大大塊﹐但咬極都咬唔開總之係我食過最差的糟溜魚片。
菜館亦做緊時令的大閘蟹﹐每隻只係16元﹐叫了一隻當玩下﹐完全冇要求下覺得都可以窩。
蟹是小得只有手掌大(是我隻手﹐不包括手指) ﹐裡面的膏尚算多﹐這樣的蟹應該冇肉食架喇﹐但朋友竟然都可以逐隻爪叨﹐厲害﹗呢餐飯埋單一共80元﹐平均每人40元﹐點算是豪食篇呢﹐當然價錢唔係重點﹐重點是——友情無價——同時亦正如Ray所講﹐我地要學習感恩﹐感謝朋友/家人﹐以至身邊所有的人﹐對我們的支持和鼓勵。
錢﹐不重要﹐友情﹐最重要﹗智慧分享﹕「Work like you don't need the money. Love like you've never been hurt. Dance like nobody's watching. 」
今日2點左右先至食lunch,呢排好似上左担担麵癮咁,食極都吾厭;入左黎呢間舊式上海舖一試,依經驗睇,舊式上海舖既担担麵水準應有反咁上下,$24碗吾系平,但食完你就會覺得物有所值!size 吾算大,賣相亦吾錯!紅紅既湯底,面頭舖上榨菜蝦米粒,花生醬系碗底,麵條方面系用幼麵,有口感!佢有"詠黎園"既8成功力!環境方面則較差,裝修殘舊兼且吾太乾淨.服務方面,老粗既伙記都系麻麻地架啦!
同兩個同事來吃午飯，十二點半，客人不算很多。
叫了三人個客飯，鱔糊、回鍋肉同獅子頭，還有小籠包同鍋貼各一客。
鱔糊、回鍋肉同獅子頭都是多油的菜色，反而少油就不對路，這裡的水準已不錯，已跟湯和飯，如果不是一定叫鱔糊的好朋友~銀絲卷。
鍋貼煎得底脆，好食，但似乎煎定一段時間，所以不及熱辣辣的小籠包咁好食，包內有肉汁，卻不是新派上海菜館般一咬就嘖射而出咁誇張，是有水準的。
埋單一百四十蚊有找，一人唔使五十蚊已經食得好飽。
全部客飯都只是around 30幾蚊我要轉菜飯都無收多我，抵!不過個菜飯真係麻麻地...建議各位都係食番白飯會好d 其他野食呢...大部份都幾油下，不過賣相都ok，有d仲幾好。
個湯仲幾清又唔多覺好重味精tim，食滯既時候飲番兩啖啦，胃口都會好番d。
個鍋貼俾左我少少驚喜，$15有成5隻咁多，個底夠脆之餘個皮又唔算厚唔硬，係最衰油左d。
service好好，個個都態度友善。
都算幾多人黎食ga不過d位一d都唔逼，唔會要你搭檯。
總括黎講都算食得過~
其實除o左太多油之外, 買相都唔係好吸引, 服務都ok..不過佢都幾平, 幾扺食!叫o左上海粗炒, 鱔餬, 小籠飽, 炒四季豆, 仲有銀絲卷...$200/ 4 人餐
上海一品香菜館餐單提供滬菜, 上海, 中菜館等推介美食位於灣仔區，餐廳座位數未知人均消費約$51-100，結賬可以用現金。
您對於灣仔餐廳「上海一品香菜館」有何 comment？
上海一品香菜館餐廳詳細資料：
- 上海一品香菜館地址: 灣仔譚臣道102號 Shanghai Yat Pang Heung Restaurant, 102 Thomson Rd,, Wan Chai
- 上海一品香菜館電話:
- 上海一品香菜館價錢: $51-100
- 分類: 滬菜, 上海, 中菜館
- 座位: 未知
- 付款: 現金
- FB專頁: 上海一品香菜館 Facebook
更多上海一品香菜館相關資料:
香港餐廳2026推介9月