U & Me Cafe 灣仔

U & Me Cafe 評價 相片

到港島逛街，想休歇一下，進了這港式茶餐廳。

一坐下，店員對食客挺關注，不一會兒便走近查詢需要。

套餐選擇不少，要了蒜香雞扒拼沙律配凍檸茶。

雞扒即叫即製，送來時熱騰騰的，肉質軟綿，不算油膩，挺香，好味。

沙律用料是一般的馬鈴薯、紅蘿蔔、蘋果等，雖不是十分爽口多汁的，但感覺是新鮮切成而製，勝在簡單健康。

凍檸茶茶味清幽，糖漿份量恰當，解渴舒暢。

14122010是日食了難食又唔飽的「免費午餐」, 只好再「隊」份三文治及奶茶補補飛.人在碼頭一帶又唔想幫襯連鎖店, 呢間幾乎係唯一選擇, 試試吧.熱奶茶 ($10):茶味唔算「複雜」, 不過夠香, 無澀味 (落小半羹糖已好夠了), 茶味 vs 奶味比例約 4:6, 質地唔會稀, 不過飲完有點嚡口嚡脷, 可惜.蛋治烘底 ($11):麵包烘得幾夠, 不過食落外脆內有點韌, 可惜; 煎蛋薄薄一層, 煎得好熱, 唔油, 不過亦較乾又近乎無味, 乜咁「可有可無」小店衛生一般, 地下好跣, 絕對要 "slip carefully" 阿姐們就粗聲粗氣, 不過飲杯茶食份三文治啫, 是但啦.放低 $21 離開, 下次還是幫襯返謝斐道嗰邊的茶記好了.

怪唔之得早餐都冇乜人食。

大家認為熱狗係點整? 咪煎下個飽, 放條腸, 整PET茄汁LOR. 唔難姐。

呢間野攝完條腸落個飽之後, 加生菜加蕃茄, 加茄汁(好精美係咪?), 竟然成個飽放入膠袋然後放入微波爐叮到燙手, 栥飯都冇咁熱 ! OMG! 整個飽毀於一旦, 熔哂。

D生菜變成熟菜。

人生之來最驚嚇嘅熱狗!

時間尚早，亦不是太肚餓，但晚上有個function可能要搞到好夜才結束，都係先提早一點食個晚飯。

不想吃什麼扒類，就簡單要碟餐蛋飯。

忘記了叫佢扣底，結果飯如山墳的大，半碟我都食唔完。

2隻太陽蛋，蛋黃「浪吓浪吓」咁，相當吸引，未吃已經滿足。

將蛋黃弄開，以蛋汁和甜醬油送飯，又點可能唔好食呢！最欣賞是蛋都夠熱，且邊位煎至脆口。

午餐肉比太陽蛋遜色，只是微暖。

若可以煎燶一點，再燙口一點，會是另一個層次。

很濃茶味的奶茶，奶的份量嚴重缺乏。

有太陽蛋助陣，我想也值一個笑面。

老細沒有來港, 有超急事要她拍版. 便自動衝上去深圳, 捉住佢簽野. 上車前, 當然醫在肚才出發. 在灣仔碼頭, 快快趣, 不想找, 一眼便看到, 小小茶記. 輕盈食個Tea.Tea set, 叫碗麵仔算. 下午茶set, 說貴不貴, $22一個餐蛋麵加杯特苦奶茶, 拍完上車最好不過. 其實公仔麵冇乜好評, 只是茶餐最基本的功夫. 餐蛋麵, 蛋是一個用蛋格煎既蛋, 覺得用在湯麵上, 一定要全熟蛋. 太陽蛋上湯, 是此碗麵的唯一敗筆.奶茶, 覺得你太過濃而奶不夠. 平時少糖的我也要落多一羹.灣北平食, 至從灣景大廈地下踢走哂所有地踎之後, 選擇實在少好多. 見到Cafe 仔有兩個staff拿著飯盒回來, 同老闆娘邊食邊作品評, 原來去了當探子回報.....總括唔覺太差既, 笑不能給, 又不至於喊. 又比我的OK準則低少少, 呢個評分真不容易俾.

U & Me Cafe餐單提供港式, 茶餐廳, 冰室等推介美食位於灣仔區，餐廳座位數50人均消費約$50以下，結賬可以用現金。

您對於灣仔餐廳「U & Me Cafe」有何 comment？

U & Me Cafe餐廳詳細資料：

• U & Me Cafe地址:
  灣仔港灣道25號海港中心地下G2舖
  U & Me Cafe, Shop G2, G/ F, Habour Centre,25 Harbour Road, Wan Chai
• U & Me Cafe電話:  
• U & Me Cafe價錢: $50以下
• 分類: 港式, 茶餐廳, 冰室
• 座位: 50
• 付款: 現金
• FB專頁: U & Me Cafe Facebook

更多U & Me Cafe相關資料:

• U & Me Cafe分店
• Youtube
• Facebook
• Twitter
• Google