O-ASIS 灣仔

O-ASIS 評價 相片

遇上如此頹食，都怪自己一直想試呢間樓上Cafe😩。

以前裝修前餐牌款式多而且菜式名好似話俾你知係有心調味的，可惜未試就裝修，依家轉了餐牌，驚覺餐牌好頹，好啦都俾次機會，都行到三樓，但食落仲頹🤦‍♀️🤦‍♀️ 似最好食既C餐賣完，而且cafe竟然無咖啡☕️做餐飲，真係第一次見。

橙片已經係最好食的配菜。

怪膠甜橙汁醬，配上乾炸魚塊，白烚椰菜(完全白烚)(三舊)，中式碟頭飯男人既浪漫之類都好過佢，最少人家正常調味俾夠鑊氣。

2019.1.24拍既餐牌想整新菜式都唔好搵啲客人做白老鼠丫🥴，試好先開門得唔得？如果唔想搞西餐就正經啲搞茶餐廳，再唔想搞就轉手俾人吧，留番個靚地段俾人🤦‍♀️🤦‍♀️

以前在這裏食過好味西餐重遊舊地，環境依舊，但食物已變成中餐打電話 book位時，餐廳細心提醒已變中餐食物質素一般，但店員亦親切有禮在灣仔人多的地方，有一處可以坐得舒服食lunch，亦是不錯的選擇😊

同朋友2條友約食飯，大家最近都喪做運動，就話不如揀返間健康啲既，最後揀左呢度，啲菜色好似幾fresh，又有沙律。

無影到餐廳，呢度樓下係零售部，要上去最上層先係餐廳，成間都係日式木系風格，都幾舒服。

我地午餐時間上到去，人唔多 即刻就有位。

話明要健康，即刻揀左個沙律先，然後揀主食，再加個小食同咖啡，好完滿我覺得個沙律係最正既，有橙肉同車厘咖，好fresh，再加埋個醋汁，勁開胃，忍唔住係咁食到左個牛油果既餅，味道淡左啲，但係真係好健康，因為無另外加醬汁，只係用牛油果平衡返個餅既乾感，但係如果個餅本身可以再脆啲，同埋多多塊肉就更好喇。

因為驚唔夠先點多個小食，事實真係唔夠既。

但呢個雞棒個人認為好普通，係唔油既，但比較柴，味道就還可以。

最後點左杯cappuccino，ok la比較欣賞係每樣菜都有少少沙律伴碟，食到好多菜

呢一間餐廳位於灣仔，餐廳環境幾好，坐得比較舒服，食物質素亦唔錯，所以間唔中lunch都會過嚟食。

呢間餐廳係一樓，隔離仲有買好多日本嘅零食，地下有買生果飲料，上面2樓就有買一啲日本嘅家具用品裝飾等等，包羅萬有。

講返嘢食，佢嘅lunch Menu經常會轉，呢一日就食咗吉列魚柳包配薯條。

佢嘅吉列魚樓非常之大塊，我鍾意佢嘅炸皮夠薄，魚肉夠厚，加埋番茄，沙律菜，沙律醬，好好味，個麵包亦都係我鍾意個一類，唔會太乾身，有啲咬口咁。

粗薯條加咗一啲調味粉，幾好食。

草莓班戟/鬆餅同相片完全兩回事，相片係一個梳乎厘班戟，送到嚟係一坨嘢咁樣，望得出係失敗嘅作品，其實佢係唔係應該再做一個先至送畀客人呢，成陣生麵粉味，外面有啲小店都做得有誠意過佢，所以都唔會再過到嚟試佢啲鹹食，應該都係好一般過一般

O-ASIS餐單提供多國菜, 三文治, 果汁, 沙律, 咖啡店, 日式西餐等推介美食位於灣仔區，餐廳座位數未知人均消費約$51-100，結賬可以用現金，Booking訂位可以電話致電 22392512 查詢。

您對於灣仔餐廳「O-ASIS」有何 comment？

O-ASIS餐廳詳細資料：

• O-ASIS地址:
  灣仔莊士敦道141-147號地下D號舖
  O-ASIS, Shop D, G/ F,141-147 Johnston Road, Wan Chai
• O-ASIS電話: 22392512
• O-ASIS價錢: $51-100
• 分類: 多國菜, 三文治, 果汁, 沙律, 咖啡店, 日式西餐
• 座位: 未知
• 付款: 現金
• FB專頁: O-ASIS Facebook

更多O-ASIS相關資料:

• O-ASIS分店
• Youtube
• Facebook
• Twitter
• Google