Jo Jo Indian Cuisine 灣仔

Jo Jo Indian Cuisine 評價 相片

放工約咗喺灣仔同朋友食飯，今次想試啲比較新嘅菜式，所以就決定食印度菜。

呢間餐廳嘅裝修俾人一種復古嘅感覺，有唔少印度Bollywood電影嘅海報，座位都好闊落。

前菜印度薄脆片坐低叫完餐之後，就會每台都送上一客薄脆片。

佢嘅脆片鹹鹹地，而且有少少黑椒嘅味道，配埋三種特製嘅醬汁。

綠色嘅青醬好清新。

梅子醬就真係好酸，酸到你流口水，不過夏天食都幾開胃。

Pani puri $48呢個炸薯波係印度嘅前菜，外面似打邊爐食嘅山根，餡料方面就有薯蓉，仲有啲鷹嘴豆，食落有有層次口感。

最特別係佢嘅醬汁配芒果醬同薄荷醬，兩種截然不同嘅味道，感覺好新穎。

Butter chicken $138泰國咖喱食得多，但印度嘅咖喱就比較少食，估唔到都幾有驚喜。

佢睇落份量唔大但容量都相當深。

味道唔算好辣反而多咗一層印度嘅香料味，而且雞肉同平時食開嘅唔同。

呢隻咖喱配飯或者nann 餅會好開胃，好快就會食完。

Garlic nann $28今次揀咗蒜蓉味，佢都幾厚身，而且一上枱嘅時候熱辣辣，咬落煙煙韌韌，而且加咗蒜蓉味就更加惹味，初初諗住得3塊好少，但食落都幾飽，本身想再試買原味，不過已經太飽食唔落啦。

總括而言，呢間印度餐廳比我想像中更好，而且見到唔少香港人都有幫襯，佢嘅味道迎合到我哋嘅口味，而且環境唔錯，有機會同朋友相約港島聚舊，都會再嚟多次。

今日同朋友嚟咗灣仔呢間好大嘅印度餐廳食印度菜，環境氣氛幾好。

一開始有免費嘅前菜同醬汁。

Chicken Tikka $128Chicken Tikka一直係我嘅最愛，呢度嘅無骨雞肉係以乳酪同埋印度香料，配以傳統古法香燒嘅。

本來睇Menu以為得四件，嚟到原來有七大件，好驚喜。

雞肉食落好嫩滑，鐵板上面燒到熱辣辣，又美味嘅辣味，再加上檸檬汁，酸酸辣辣，又清新，好食。

Boneless pieces of the chicken marinated with yogurt, Indian spices and skewered to perfection in a clay ovenButter Chicken $138朋友唔食辣所以佢叫咗呢個，佢話有蕃茄味。

Cheese Stuffed Naan $38呢個Cheese Stuffed Naan唔係拉絲嗰啲芝士，而係naan中間有好多一粒粒嘅香濃芝士，芝士充滿鹹香，好食。

一大塊嘅圓形naan切開成四份。

口感蓬鬆柔軟，食落充滿麵粉香。

Masala tea $30就好似一杯叫左多奶嘅奶茶咁，奶香好重，我鍾意。

Masala tea獨有嘅香味都令人想一飲再飲。

隱藏喺灣仔呢個舊式唐樓嘅2樓，應該係由印度人主理嘅，大部份侍應都唔係本地人，餐廳嘅裝修風格同埋情調都好有特色！牆身都掛咗好有印度風味嘅poster。

未有主菜先嚟餐前小吃，係印度薄脆。

超鍾意呢款好似薯片咁嘅脆片，鹹鹹地再加上佢地自己整嘅醬汁，會食上癮！🍴 Goan Fish Curry ($155) ⭐️⭐️⭐️⭐️用左薯仔、辣椒、黑椒同埋咖喱葉慢煮嘅咖哩魚。

咖哩唔會好辣，適合香港人嘅口味，魚肉完全冇骨而且幾入味，配上薄餅一齊食就冇得輸！🍴 Cheese Naan (芝士餡餅) + Laccha Parantha (千層酥皮薄餅) ($38 + $28) ⭐️⭐️⭐️⭐️餡餅同薄餅烤到薄脆，唔會整到好燶，調味亦都做得唔錯。

雖然餡餅入面嘅芝士唔係好多，冇拉絲嘅效果，但係都食得出芝士嘅味道。

.............................. Jo Jo Indian Cuisine地址📍: 灣仔駱克道3739號得利樓2樓總評分: 8/10 .............................. 味道😋: ⭐️⭐️⭐️⭐️環境👀: ⭐️⭐️⭐️⭐️服務👨🏻‍🍳: ⭐️⭐️⭐️⭐️衛生🧹: ⭐️⭐️⭐️⭐️抵食💰: ⭐️⭐️⭐️⭐️

終於開返晚市堂食，放左工就同朋友黎到呢間低調既印度菜，由印度老闆去創立，係西貢仲有分店JoJo Indian Cuisine，位置有點隱蔽，係分域街過完馬路會見到餐廳招牌，得利樓入口比較窄，上樓梯2樓就到餐廳環境昏暗幾有情調，牆上掛上印度畫作、銀飾，職員全部都係印度人，餐牌設計幾好，圖文並茂，好多時食印度餐淨係睇名會唔太清楚有咩配菜，要靠想像或者上網再查，值得一讚由於餐廳每天都有自助午餐，可任食街頭小吃、咖哩、naan等等，所以會見到有好多托盤同銀色皿器而晚飯可就冇buffet，可以單點輕食、咖哩、主菜、甜點等胡椒脆餅 Masala paped點完餐後店員就送上三款醬汁同胡椒脆餅作為前菜，有薄荷醬、甜醬同羅望子醬薄荷醬比較辣，同時帶有清新感，完全打開整個味蕾，脆餅大片，幾脆唔油膩，不過胡椒味唔算好重Pani Puri $48Pani Puri非常傳統印度小食，外形有點似山根，中間係空心，不過外皮係又薄又脆口，用小麥粉整成，當地人食法係用手指戳一個洞，之後加上餡料同醬汁一口咁食不過餐廳一早已經幫我地填了餡料，有洋蔥、辣椒、香菜、青豆同薯蓉，中間兩枝係芒果汁同薄荷汁，呢份小點係凍食，一口食相當滿足，味道微酸帶辣，幾惹味，芒果汁帶甜味，薯泥好快吸收醬汁，唔會覺好乾Tandoori chicken $128Tandoori Chicken係印度菜必點之一，但要整得好食同保持到風味係好困難，印度爐烤雞特色就係雞既外表呈橙紅色，去骨雞肉做左印度香料同乳酪去醃漬，時間愈長愈入味同嫩滑上菜時用上熱騰騰既鐵板，用上洋蔥同蔬菜墊底，以免雞肉煎燶，香氣撲鼻，加上檸檬汁增加清爽感，入口完全不覺油膩，由於選左無骨雞，啖啖肉之餘，非常多汁同嫩滑，回味無窮Malai kofta $98外型圓柱狀，一粒素丸子咁，其實係印度芝士球，但份量只得兩粒，相對比較少食材主要係將馬鈴薯和印度芝士搗爛，再混合其他蔬菜製成，配上濃濃咖喱一齊食，看上去好似會很辣，但事實並非，椰汁味相當重，好香滑，不過椰味有點蓋過香料的香氣，適合一些食唔到辣既朋友一切開就見到綿綿薯泥，飽腹感十足，外層仲沾滿了印度咖哩，味道不錯，唯一可改善係份量Cheese naan $38薄餅用布包著保温，相當貼心，拿上手並不是熱騰騰，外表有油光，每塊都烤至微脆金黃，餅身厚而鬆軟，中間夾住厚實有分量的芝士，不過冇拉絲效果，烤餅浸入咖喱當中，越嚼越香的滋味Mineral water $38餐廳既水係需要收費，記得問清楚店員先好叫整體餐廳環境都幾舒適，座位之間闊落，唔會好嘈，衛生情況都不錯，提供消毒酒精給客人，不過店員服務還好，沒有太主動去SERVE客人，相比起其他印籍既客人，老闆確實熱情得多

通常一講起食印度野，大家都係講去重慶大廈。

重慶大廈嘅嘢食確實係幾惹味，但始終冇咁乾淨唷。

既然係咁，今次就等我依個肥JJ，介紹一下依間好好食，座位又乾淨企理嘅印度餐廳喇！果日我哋book咗夜晚食六點半，一坐低嘅時候已經被隔離嗰台個雜錦燒肉拼盤啲香味吸引，佢哋係用鐵板上，一嚟到嘅時候吱吱聲，加上洋蔥同其他香料，非常之香，所以你都忍唔住叫返同一個唷。

佢哋個雜錦燒肉拼盤有魚有羊有雞，各種肉類都已不同的印度香料醃製同配搭，又惹味又出色。

每樣肉類都有兩件，岩晒我同朋友share。

除此之外，我哋仲叫左個Chicken Tikka Masala不過唔知係咪因為個燒肉拼盤太出色的緣故，反而我覺得依個咖哩就普通普通，睇落去幾creamy，但食落去俾啲herbs 味搶咗。

不過整體來講都不錯，金鐘同灣仔都近，一於下次lunch再嚟試埋其他啲咖哩先！

Jo Jo Indian Cuisine餐單提供印度菜, 咖喱, 清真認證食品等推介美食位於灣仔區，餐廳座位數70人均消費約$101-200，結賬可以用Visa,Master,AlipayHK,支付寶,現金,AE,銀聯，Booking訂位可以電話致電 25273776 查詢。

您對於灣仔餐廳「Jo Jo Indian Cuisine」有何 comment？

Jo Jo Indian Cuisine餐廳詳細資料：

• Jo Jo Indian Cuisine地址:
  灣仔駱克道37-39號得利樓2樓
  Jo Jo Indian Cuisine, 2/ F, David House,37-39 Lockhart Road, Wan Chai
• Jo Jo Indian Cuisine電話: 25273776
• Jo Jo Indian Cuisine價錢: $101-200
• 分類: 印度菜, 咖喱, 清真認證食品
• 座位: 70
• 付款: Visa,Master,AlipayHK,支付寶,現金,AE,銀聯
• FB專頁: Jo Jo Indian Cuisine Facebook

更多Jo Jo Indian Cuisine相關資料:

• Jo Jo Indian Cuisine分店
• Youtube
• Facebook
• Twitter
• Google