Dignity Cafe 灣仔

Dignity Cafe 評價 相片

5/9(二) 12:15nn一大清早(7時多)與一班學員上太平山頂,學員們精神爽利,我就魂魄未齊!午飯時間決定覓間舒適的餐廳來一杯回魄咖啡!路過此店,見客人不多,環境驟眼看來挺舒適,身心疲倦,不作他選便入了店內.店內大多是五顏六色的梳化座位,舒服的梳化確實令人鬆弛了不少;小店格局,氣氛輕鬆.點了午餐$36蕃茄海鮮螺絲粉套餐$36,跟餐湯及餐飲.餐湯煙肉薯仔湯,味道普普通通,個人不太喜歡薯仔放湯口感粉粉的感覺!蕃茄海鮮螺絲粉食味比賣相優勝,份量足,蕃茄醬舖滿螺絲粉面,味道夠天然;加入蒜頭洋蔥令食味提升,螺絲粉口感一般!海鮮亦是意料之內的小雪蝦仔,蜆,魷魚,蟹柳等,幸好沒甚雪味.餐飲凍咖啡,也有一定水準!濃郁咖啡起了一月回魂作用,略嫌冰塊多了點.服務方面年青侍應沒精打采,欠缺衝勁.連加一$38,是食得過的!P.S.用東亞信用卡正價食品可享9折優惠

破紀錄了收工的時間一次又一次的打破紀錄十一點才食飯食完飯再埋頭工作多一大輪第朝八點又回來賣身也不如每日看著藍藍的天疏疏落落的雲卻無福消受便想著寶礦力的沙灘和外灘的景致便想起盧巧音第一隻碟的《沮喪》「當天氣那樣地晴朗當工作照例十分忙事後我討厭自己經濟狀況」如果係咁早知讀account啦又係咁夜收工但係好搵好多喎可惜這頓飯卻不能令人enjoy第一轉叫既野食野飲都叫乜無乜當然十一點才食飯還能求甚麼?唯一好處就是有大大張幾好坐的梳化和好同事呻個飽需知道一個人做野好辛苦既時候總會想飲個熱湯問了待應姐姐三次意粉跟唔跟湯都得到堅定的答案「有」結果上檯又無喎姐姐唔知係因為「佢係朋友黎幫手既」噢..咁補錢要一個得唔得?可原諒既就係最終都無收我地湯錢可惜原來菜湯乃係忌廉菜湯兩樣撞埋味道一般耽誤左一大輪先有得食兩杯多多都無咩益力多味意粉方面份量一般都係夠食就算啦配料就一定係偏少既格局咁既服務同食物五十蚊都幾貴喎不過都係一句十一點喇想點丫快快食完快快做野啦

搬左黎灣仔幾日!!晚晚12點幾返屋企都會經過間有sofa既餐廳，今經終於入去見識過，搵左張單人sofa坐，d位好大，好舒服，睇下餐牌叫左個$3x既芝士海鮮餐，有餐湯同飲品，個餐湯ok多料，幾正，不過佢地得一款湯，問個侍應點解無creamy soup!!佢話每日得一款湯，可惜!!等左十分鐘到芝士海鮮意粉出黎lo!!個汁好好食!好大碟食到有d滯!!之後order埋個飲品，問侍應有乜好推介，佢推介左香檳泡泡，見都係加$5叫左杯，杯野藍藍地色，鍾意甜既人會幾岩飲，我就唔太好甜，ok啦!!果度有個書櫃!!隨手攞左本書睇!!睇睇下有d想訓!!佢d位真係好舒服，不過好多女仔，成班係度玩層層疊成日失驚無神好大聲笑，訓著都俾佢地嚇醒。

不過整體都ok既!!要搵d無咁多人既時候去會好d!!

3 June 2006 (Sat) 晩飯約咗友人傾保險，佢話呢度幾好坐，入去見到啲sofa都幾舒服，但係我一坐低就有冷氣機水滴入我背脊，因為已經成九點，所以大把位，就搬咗去第二個位度坐！友人只係飲嘢，我因未食晚飯，所以叫咗個茄汁海鮮意粉加杯熱朱古力，個餐仲有個餐湯，咦？？幤，我啱啱至記得明明仲有甜品，但係佢又冇上我又冇問佢，唉，蝕啦蝕啦．．．．講返個意粉，真係好難食，啲海鮮啲味怪怪的，好似臭臭地咁，我唔識形容，但係一啲都唔好食！然後食完個意粉之後再挨住個sofa想話舒舒服服坐一陣，點知又有冷氣機水滴落我度，都唔知係我唔好彩定係間嘢個個位都係咁，激死我！由於趕住去飲嘢，所以好快走咗，連個甜品都唔記得咗，但係乜間嘢咁衰，都唔自己送上個甜品．．．唉，我自己就唔會再黎啦，咪搞我！

食物一般, 環境可以,作為一個休息的地方都不錯.

Dignity Cafe餐單提供西式, 西餐廳等推介美食位於灣仔區，餐廳座位數未知人均消費約$51-100，結賬可以用現金。

您對於灣仔餐廳「Dignity Cafe」有何 comment？

Dignity Cafe餐廳詳細資料：

• Dignity Cafe地址:
  灣仔莊士敦道211號地下A舖
  Dignity Cafe, Shop A, G/ F,211 Johnston Road,, Wan Chai
• Dignity Cafe電話:  
• Dignity Cafe價錢: $51-100
• 分類: 西式, 西餐廳
• 座位: 未知
• 付款: 現金
• FB專頁: Dignity Cafe Facebook

更多Dignity Cafe相關資料:

• Dignity Cafe分店
• Youtube
• Facebook
• Twitter
• Google