黃金美食 深水埗

黃金美食 評價 相片

無意中上網見到篇報道講油柑汁嘅好處多得很抗衰老促進心臟健康抗癌…剩剩等而香港並不是很多地方有得賣上網搵吓搵吓就搵到呢間小店其實佢個位置都唔算隱世喺大馬路一間糖水舖隔離佢嘅裝修簡陋得很我見佢有堂食，亦都可以叫外賣佢個雪櫃有好多飲品同糖水嘅種類價錢唔係好貴我嗰個油柑都係10幾蚊飲落去甜甜地….有啲回甘嘅感覺個味道幾得意另外買咗支西瓜汁俾友人飲好明顯係加咗糖水不過見佢啲糖水真係唔係好貴有時懶得自己煲嘅經過買支飲都唔錯

呢間小店似係新開張，咁啱經過見佢都幾土炮下，不過又有啲人買下買下，就入去睇下。

佢寫到明全部都係$10一支，共有20幾款，好吸引。

我就買左一支美顏桃膠三寶同一支消炎降火黑豆飲品。

桃膠入面有皂角、雪燕絲、桃膠、紅棗，非常足料，味道清甜，甜道剛剛好，桃膠煙韌，雪燕絲一條條，紅棗又夠甜，真係好滋潤養顏。

黑豆消炎降火飲品唔記得左入面有啲咩，不過黑色嘅食材降火解毒係有一定功效，雖然味道就不及桃膠飲，不過飲完好舒服，當涼茶一飲都不錯👍

有次無意之中發現呢間糖水舖，裝潢真係好簡單，行過都未必為意，裡面有兩三個座位但基本上都係以外賣🥡為主，價錢真係好平好平，平到你唔信！熱糖水例如腐竹雞蛋糖水、紅豆沙、仲有茶葉蛋等等就會喺門口用碗裝，而凍糖水同涼茶就會放喺雪櫃，全部都係支裝，可以一路行一路飲🥰屋企人個個唔同口味，有啲要桃膠有啲阻要椰汁西米露，所以次次過嚟一買就至少買半打糖水返屋企😙我自己通常食陳皮紅豆沙🫘，呢支係凍嘅$10 ，雖然平但足料，見到有紅豆、陳皮、薏米、蓮子，唔甜亦唔杰身，呢個價錢性價比無得輸😂

鋪頭簡陋但超值今日去深水埗阿明買下午茶，經過幾間糖水鋪，一碗綠豆沙都差不多30蚊，有無搞錯，本來放棄，上網搵下，話哩間新開好抵，咁眯去睇下門面同鋪內裝修都好簡陋，餐牌都系手寫，大部分都系傳統糖水，鋪內系無檯無堂食，吾重要啊！最重要價錢都系15蚊。

最後買左兩個糖水加茶葉蛋。

優點 性價比高 糖水吾會太甜核桃露（$15）3分 女服務員話系自己磨，味道吾錯，系”傑”左D.綠豆沙（$15）4.5分 綠豆都算有起沙，又有落足夠海帶，味道好茶葉蛋（$10蚊三隻）3分 好耐無見過咁抵價錢，蛋都算大蛋，外殼都是碎開等佢入味，系茶葉味吾夠香同比較鹹。

今晚同老婆去完深水埗食晚飯，行去新高登商場隔離個停車場攞車啦！見到有間糖水舖，主打中式糖水，就行過去望下啦！見到佢個餐牌全部手寫，重要寫到好鬼潦，本身都覺得無咩heart，隱約見到杏仁露，陳皮紅豆沙，綠豆沙同埋核桃露咁啦！於是我地就叫左碗杏仁露同埋核桃露外賣啦！價錢超值，都只係15蚊一碗，呀姐就重要不到滿一滿咁，俾錢果時見到有茶葉蛋賣，竟然係10蚊3隻，唔洗諗啦！買埋啦！40蚊攪掂。

返到屋企開箱，杏仁露真係食得出自己磨，唔係開粉，食落去重有d杏仁沙，糖水好香，好濃，但係又唔會死甜，絕對超出15蚊嘅預期。

跟住就到核桃露啦！因為頭先碗杏仁露令到我地好高期望，一開，滿滿嘅糖水再加上香味，試啖先，糖水都係好濃，唔會水汪汪，而且都食得出係自己磨，食落去有d渣，而且好香核桃味，絕對推介。

最後就到茶葉蛋啦！好入味，同埋食得出係媽媽嘅味道，隻蛋好大隻，應該係湖北蛋，蛋白同蛋黃都好入味，又係唔會死咸，好香，10蚊3隻絕對係超值。

而家e個時勢開店好艱難，姐姐真材實料，絕對推介，重要咁平嘅價錢，完全係性價比超高，之後一定再幫襯，咁有媽媽味道嘅小店真係買少見少。

黃金美食餐單提供港式, 中式糖水等推介美食位於深水埗區，餐廳座位數未知人均消費約$50以下，結賬可以用現金。

您對於深水埗餐廳「黃金美食」有何 comment？

黃金美食餐廳詳細資料：

• 黃金美食地址:
  深水埗元州街77-81號置安閣地下D號舖
  黃金美食, Shop D, G/ F, Chi On Court,77-81 Un Chau Street, Sham Shui Po
• 黃金美食電話:  
• 黃金美食價錢: $50以下
• 分類: 港式, 中式糖水
• 座位: 未知
• 付款: 現金
• FB專頁: 黃金美食 Facebook

更多黃金美食相關資料:

• 黃金美食分店
• Youtube
• Facebook
• Twitter
• Google