香港餐室 深水埗

香港餐室 評價 相片

今日同男朋友約左係深水埗等，肚餓但又唔知去邊食，要食咩既時候，行行下見到爭鮮，原本想去食，但條龍尾超級長。

望到隔離呢間香港餐室。

我地最近食左好多間鐵板燒，但都未搵到平靚正既餐廳，所以見呢間有得食，就入去坐低試下！個餐牌好多選擇，全部都好好食咁！最後叫左個西冷同焗白汁魚柳，佢地既上菜速度都算快！鐵板燒黎到既時候真係好驚喜，陣香氣飄出黎，件排好易切，食落口又嫩又入味！價錢又抵食，性價比好高！個魚柳焗飯都唔差！面頭既芝士真係會起絲！不過我都係鐘情鐵板燒！下次會再黎食！

長沙灣一區好多野食, 香港餐室既位置距離餐廳林立既街道有段距離, 街道人比較少, 裝修地道。

貫設支持小店既宗旨, 今次去試試香港餐室。

呢度既店員好親切, 有家既味道~  叫左葡國雞飯同牛扒餐, 預計係一般茶餐廳貨色。

保唔到黎到都整得幾靚。

沙律好新鮮, 牛扒厚度唔太厚,好正常。

反而要注意佢既味道, 以牛味取勝。

又一間估佢唔到性價比高睇佢唔出既小店~ 支持! 

食物質素：去到叫左個意粉同焗飯個意粉好冧，好似學校飯堂既級數個飯烚的焗到出黎一舊舊係個湯係最好，羅宋湯入面真係有菜。

裝修：一般佈局，牆上面既紙甩左又唔補，d膠水會痴住客人的衣服服務：好似去左債主屋企食飯咁

其實呢度就食過好多次㗎喇因為住喺附近，一直都冇諗過寫咩食評因為就好似你平時日日食開lunch嗰間嘢你都唔會特別寫食評但係我覺得佢都有點值得介紹所以早兩日去食晚飯就特登影相但入到open rice 先睇到竟然有負評，奇怪奇怪因為我係一個性價比嘅人 幾十蚊食個飯，有呢間餐廳係質素， 好正常我同我老婆同我阿爸阿媽一行四人 叫左一個雙拼餐兩個單人扒餐 同一個蕃茄牛脷飯雙拼餐 HKD 88就係雞扒拼豬肋骨，另外有個喺度未試過墨西哥餅，餐湯飲品，豬肋骨有點硬，雞扒正常單人西餐大約HKD 68老婆食牛扒，我食極黑豬牛扒叫五成，黎到係七成，較薄身不過用醃肉粉淹過，都係淋極黑豬做得唔錯， 因為我出街大部分時間都係食豬扒 ，因為我有位前輩教過我，試餐廳手勢唔係食牛，而係食豬，因為豬難整其實我幾欣賞呢個配菜係搵沙律菜拌麻醬， 美觀好食， 而且伴呢度嘅天使麵份量十足番茄牛脷飯，正常好食四個人埋單三舊水我話點解奇怪有劣評唔係因爲話呢度好好食而有劣評而我係覺得正常價錢，正常質素，正常座位，正常環境，地鐵站隔離，其實你仲想點？本身諗住普普通通介紹下呢間餐廳 咁而家呢個食評都叫做為佢平反一下P.S. 重點我點解會成日黎？因為呢度餐牌係好無敵，有焗飯，有普通碟頭西飯，有咖哩，有喇沙，有常餐，有西餐，有中餐，基本上你諗得出嘅嘢食佢都有，咁方便嘅餐廳，絕對可以當飯堂

4點幾又未到晚餐時間，想搵啲野食下填下肚，周街逛睇下有咩茶餐廳之際，第一間就見到呢間「香港餐室」，諗住呢啲都唔會難食得去邊就入左去。

睇睇餐牌都有幾多選擇，心思思最後揀左下午茶餐嘅「一口西多士」，貪佢個名好似幾吸引幾得意咁，心諗都係切開一粒粒咁姐，點知一上台......碟就大喇，中間放著朱古力醬、煉奶同蜜糖水3款醬汁，一睇 心諗 伏已中。

28蚊得6粒西多士？食完好似無食過咁惟有怪自己點餐之前無問清楚囉🤷🏿‍♀️

香港餐室餐單提供港式, 茶餐廳, 冰室等推介美食位於深水埗區，餐廳座位數未知人均消費約$50以下，結賬可以用現金。

您對於深水埗餐廳「香港餐室」有何 comment？

香港餐室餐廳詳細資料：

• 香港餐室地址:
  深水埗長沙灣道233號惠康大廈地下
  Hong Kong Cafe, G/ F, Wellcome Mansion,233 Cheung Sha Wan Road, Sham Shui Po
• 香港餐室電話:  
• 香港餐室價錢: $50以下
• 分類: 港式, 茶餐廳, 冰室
• 座位: 未知
• 付款: 現金
• FB專頁: 香港餐室 Facebook

更多香港餐室相關資料:

• 香港餐室分店
• Youtube
• Facebook
• Twitter
• Google