德興酒家 深水埗
地址: 深水埗欽洲街94號黄金中心1樓
最後更新:
德興酒家推介
晚飯時間，因為就腳，所以去咗打邊爐。9點前每位$134(已連加一，茶芥)，另加醬油每位$9。食物種類選擇不多，叫咗芫荽皮旦湯底，冇乜驚喜，尚算正常。兩大中伏食物: 潮洲魚旦，魚腐，兩樣嘢都係冇乜味道的，正所謂，食之無味，棄之可惜~ 就係呢d!總括來講，唔會再有下次。
深水埗德興酒家
| 餐廳分店 | 德興酒家 |
|---|---|
| 地區 | 深水埗 |
| 電話訂位 | 沒有電話提供 |
| 餐單 Menu | 港式, 火鍋, 點心, 酒樓 |
| 人氣指數 | 828 |
| 價錢幾錢 | $101-200 |
德興酒家訂位位於深水埗區，詳細地址是深水埗欽洲街94號黄金中心1樓，餐廳寬敞座位數目共有未知幾多個。德興酒家幾錢？價錢優惠後人均消費大約$101-200埋單，早餐午餐晚餐德興酒家餐單包括有港式, 火鍋, 點心, 酒樓等美食，付款方式有Visa,Master,現金,AE,銀聯付款。
德興酒家優惠
德興酒家 評價 相片
晚飯時間，因為就腳，所以去咗打邊爐。
9點前每位$134(已連加一，茶芥)，另加醬油每位$9。
食物種類選擇不多，叫咗芫荽皮旦湯底，冇乜驚喜，尚算正常。
兩大中伏食物: 潮洲魚旦，魚腐，兩樣嘢都係冇乜味道的，正所謂，食之無味，棄之可惜~ 就係呢d!總括來講，唔會再有下次。
晌中國人社會中，一年裡面有幾個日子都做做節食番餐，冬至、團年就唔在講，仲有端午、中秋，又或老人家搞壽宴……等等，都會相約圍內親友一聚。
因為大部份親友都家住深水埗區，食邊間佢哋就最無乜意見，就腳、經濟實惠就可以，故此好多時都會嚟黃金中心嘅德興，無要求、只想平，就喺咁簡單。
向來都甚少傷腦筋諗食乜，都喺例點全包宴，每圍全包價$1,660（星期五、六、日、假期及其前夕），包茶芥、加一、啤酒兩樽、果汁兩渣，我哋一圍多過12人，都無額外多收茶錢。
如果星期一至四仲抵，每圍都喺全包價$1,330。
順帶一提，每逢過節嚟食飯，啲枱櫈照例拍到逼一逼，只可以講相熟嘅部長晌服務上搭夠。
金豬全體賀喜慶首先出場有全體乳豬，外皮燒得卜卜脆，不過，相信隻豬仔都幾懶郁，皮下脂肪勁厚勁肥，咬落一口油。
荷塘帶子珊瑚蚌以帶子、珊瑚蚌跟翠玉瓜、蓮藕同炒，碟頭幾夠份量，帶子都算大粒，珊瑚蚌入口爽爽脆脆，而翠玉瓜、蓮藕亦都帶脆口感，味道不俗。
鮮雜果桂林蝦丸做得好hea嘅一道熱葷，啲炸蝦丸做好「求其」放上碟，而鮮雜果沙律又喺hea做放晌一旁。
還好嘅喺蝦丸唔太差，幾爽彈，只喺細粒無睇頭，有啲炸得稍為燶添。
羅宋西式一字骨成晚賣相最唔得嘅一道菜，查實佢味道唔錯，酸酸辣辣，辣得嚟唔霸道，唔似麻辣嗰啲咁重口味，不過，外觀就算未至於似廚餘，都甚似湯渣囉。
紅燒竹笙雞絲翅個雞絲翅稀杰度差唔多，不過料少，竹笙少，雞絲又少，啲翅就梗加唔在講，有啲將貨就價嘅感覺。
翡翠玉環瑤柱脯繼個炸蝦丸，另一道hea做得緊要嘅菜式。
玉環瑤柱脯，大細不一都算，瑤柱跟啲節瓜內籠唔啱呎吋又有，瑤柱凸出晒過節瓜亦有，而啲小棠菜都已經有心裁好晒啦，點知擺盤都「求其」成咁。
味道，只可講無咩差池，不過，茨汁有點漿。
清蒸游水海石斑成晚做得有番少少水準就喺條魚同隻雞，石斑幾夠斤兩，清蒸就最好，食番到魚嘅鮮味，蒸得啱啱好，肉質細嫩，近骨位都無唔熟。
德興一品報喜雞其實即喺炸子雞，雖然斬出嚟個樣排得未夠工整，但做得皮脆肉滑，脂肪又少，夠甘香。
蟹籽海皇炒飯所謂「海皇炒飯」都只喺楊州炒飯海鮮版，加咗少少蝦仁、帶子粒、蟹柳咁，海鮮餡料唔算高質，都喺好普通貨色；至於「蟹籽」，認真欠奉，幸好飯粒分明，無糊爛嘅問題，算叫食得落口。
蓮蓉壽桃估唔到個「壽桃」蓮蓉包做得有一手，無論賣相、味道都絕對稱得上上好。
包身好鬆軟，入口熱辣，蓮蓉清甜軟綿，有親友唔嗜甜，小弟絕唔介意食多一個。
鮮果拼盆如果用得「拼盆」二字，就麻煩唔該俾多款生果嚟啦，全碟只有西瓜，雖然啲西瓜清甜少少起沙，不過，都仲喺覺得佢哋慳皮。
一班親戚志在應節聚一聚，佢哋一向對食無要求，平平哋慳番啲就仲好！德興嘅質素有目共睹，賣相欠奉，概括嚟講，味道平平，中規中矩，一啲集團式酒樓最平一席都要二、三千之時，佢仲喺兩千唔使，要明白一分錢一分貨嘅道理。
一餐完結，又喺散場之時，又要等下個大節，不過，幾個月嘅時間，眨吓眼就過啦。
e間垃圾真你係冇得頂! 咩都冇得食既 同d後冷有咩分別 咩都冇叫10樣 一樣都冇,, 又冇人服務 服務態度又差 仲要收120$ 打邊爐wo 得出前一丁炸...仲要有限提供 叼 垃圾一句講晒 唔好去就得
話說4月果陣同朋友聚會...冇乜地方好去就是是旦旦要左呢間點知出事啦= =座低先知係冇野飲...今時今日仲有任食唔包野飲仲要唔係特別平...都算叫左d大路野甘啦不過每一件野都係冰格拎出黎肥牛...我只係見到白色見唔到紅色牛肉丸...黑色的仲要係冇彈性仲要呢樣又話冇果樣又話冇仲有佢有個奶王包....心諗呢樣應該正常d啦...點知佢係拎左一個生的奶王水晶包比我地我地就係拎去個火鍋到...大家諗下又咸又甜係咩感覺係得個墨魚滑係正常d.....其他請恕我用好難食黎形容環境好...因為根本冇人會去每位多謝132
奶奶收到別人送的蘿蔔糕質地很特別, 呈奶白色透明狀, 糕身彈性好尤如布甸, 糕裏的蘿蔔並不是刨出來, 因為可以清澈見到切開條條粗蘿蔔條。
調味料有鹽、糖、油和麻油, 味道正常, 不過不失。
因為質地的特殊, 煎的較蒸為好因為蒸了它便更覺得它是一件布甸。
從未試過的新品種蘿蔔糕！
德興酒家餐單提供港式, 火鍋, 點心, 酒樓等推介美食位於深水埗區，餐廳座位數未知人均消費約$101-200，結賬可以用Visa,Master,現金,AE,銀聯。
您對於深水埗餐廳「德興酒家」有何 comment？
德興酒家餐廳詳細資料：
- 德興酒家地址: 深水埗欽洲街94號黄金中心1樓 Tack Hsin Restaurant, 1/ F, Golden Centre,94 Yen Chow Street, Sham Shui Po
- 德興酒家電話:
- 德興酒家價錢: $101-200
- 分類: 港式, 火鍋, 點心, 酒樓
- 座位: 未知
- 付款: Visa,Master,現金,AE,銀聯
- FB專頁: 德興酒家 Facebook
更多德興酒家相關資料:
香港餐廳2026推介8月