貝亞咖啡店 油麻地
最後更新:
貝亞咖啡店推介
之前喺朋友嘅介紹下認識咗「貝亞咖啡店」，因為同佢訂咗甜品請同事食，所以中午出去拎，順便喺佢度食埋午餐🍴。小店位於九龍行嘅一樓，行街未必經過，但到訪呢幢大廈嘅話就一定會發現佢。小店細細，做外賣為多🥡，我見唔少上班族會嚟買咖啡，但堂食嘅客人就相對較少，可能因為得兩張餐枱嘅關係。儘管如此，小店嘅裝修精緻，牆畫以花花樂園為主題🌸。呢度嘅餐牌主要列出飲品款式，至於食物就要睇吓佢個陳列雪櫃有啲乜，或者直接問店主😉，因為每日嘅午餐都唔同。雖然冇套餐，但只要嗌飲品，就可以用加購價買食物，叫做平少少啦。不過留意返，食物係以輕食類為主。三文魚牛角包(單價$36 / 加配價$24)，牛角包係用上法國AOP牛油製成🥐。牛角包可以揀原味，或者夾上配料，如帕馬火腿、車打芝士吞拿魚等，而我哋就要咗煙三文魚。牛角包最面層掃上蛋汁先拎去烤焗，所以比較脆身，而中間除咗夾三文魚外，仲有附上沙律菜🥗同忌廉芝士。後者軟身嘅口感，用佢代替為醬汁，非常搭調。香草蜆肉蝦球螺絲粉($68)，呢份係其中一款是日午餐，開初我有諗過佢係咪凍食嚟🤔。但落單後無耐就傳來炒嘢食嘅聲音，原來佢係熱食，咁仲啱我心意！螺絲粉大大兜🔥，用上香草醬同黑椒熱辣辣炒起，又香又惹味🌿。用料方面亦唔馬虎，🍤蝦肉新鮮爽口，蜆肉就有好多粒。同時，也不乏蔬菜嘅蹤影，包括洋蔥、椰菜同三色椒等，後者更有裝飾點綴嘅作用。凍杭州桂花x京都綠茶鮮奶($38)，由於上次飲過呢款，我好鍾意，所以就Encore咗😘。店主推介呢款嗌凍飲會正啲！綠茶鮮奶口感細滑，綠茶味濃而不澀🍵，仲滲出微微桂花香，整體又唔會太甜，幾正。BEL’s Latte with Hazelnut ($36)，朋友呢杯熱飲上面有朵細細嘅拉花🌹。我飲咗一啖仔試下，已經感受到榛子果仁香，而且難得有咖啡成份嘅飲品都不至於太苦☕️，言談間知道應該係關選用嘅咖啡豆品種事。作為提拉米蘇專員嘅我，當然唔會放過任何一個食Tiramisu嘅機會😝。呢度有正庄咖啡味同綠茶味，每款各售$48。價錢唔平，不過勝在大大杯。兩款口味各有特色，我自己就鍾意傳統嗰種多啲，因為帶有酒香，又同咖啡味協調得好好，相映成趣。綠茶味都OK，但可能因為無落到咖啡或酒，口感相對無咁濕。不過兩者嘅共通點係同樣用上正宗Mascarpone Cheese，所以口感綿綿的😋。未必個個鍾意食Tiramisu， 所以我亦都訂咗小店嘅自家製手工撻🥧($32)請同事食。我要咗三款口味，包括檸檬、朱古力同合桃蜂蜜，幾款都好吸引😍。不過我淨係試咗檸檬味🍋，酸度拿捏得好好，好醒神。總括嚟講，小店真係充滿驚喜，例如午餐款式百變，嚟到先知有乜食哈。另外，甜品水準出眾，並適合作為散水餅👍。店主非常友善，就好似當客人係朋友一樣，如果唔係咁，我都未必會預先訂定甜品。小店用心經營，值得支持啊💪！
油麻地貝亞咖啡店
| 餐廳分店 | 貝亞咖啡店 |
|---|---|
| 地區 | 油麻地 |
| 電話訂位 | 沒有電話號提供 |
| 餐單 Menu | 西式,西式糕點,咖啡店, |
| 人氣指數 | 448 |
| 價錢幾錢 | $51-100 |
貝亞咖啡店訂位
貝亞咖啡店位於油麻地區，詳細地址是油麻地彌敦道555號九龍行1樓3號舖，餐廳寬敞座位數目共有未知幾多個。貝亞咖啡店幾錢？價錢優惠後人均消費大約$51-100埋單，早餐午餐晚餐貝亞咖啡店餐單包括有西式,西式糕點,咖啡店等美食，付款方式有現金付款。貝亞咖啡店優惠
貝亞咖啡店 評價 相片
之前喺朋友嘅介紹下認識咗「貝亞咖啡店」，因為同佢訂咗甜品請同事食，所以中午出去拎，順便喺佢度食埋午餐🍴。
小店位於九龍行嘅一樓，行街未必經過，但到訪呢幢大廈嘅話就一定會發現佢。
小店細細，做外賣為多🥡，我見唔少上班族會嚟買咖啡，但堂食嘅客人就相對較少，可能因為得兩張餐枱嘅關係。
儘管如此，小店嘅裝修精緻，牆畫以花花樂園為主題🌸。
呢度嘅餐牌主要列出飲品款式，至於食物就要睇吓佢個陳列雪櫃有啲乜，或者直接問店主😉，因為每日嘅午餐都唔同。
雖然冇套餐，但只要嗌飲品，就可以用加購價買食物，叫做平少少啦。
不過留意返，食物係以輕食類為主。
三文魚牛角包(單價$36 / 加配價$24)，牛角包係用上法國AOP牛油製成🥐。
牛角包可以揀原味，或者夾上配料，如帕馬火腿、車打芝士吞拿魚等，而我哋就要咗煙三文魚。
牛角包最面層掃上蛋汁先拎去烤焗，所以比較脆身，而中間除咗夾三文魚外，仲有附上沙律菜🥗同忌廉芝士。
後者軟身嘅口感，用佢代替為醬汁，非常搭調。
香草蜆肉蝦球螺絲粉($68)，呢份係其中一款是日午餐，開初我有諗過佢係咪凍食嚟🤔。
但落單後無耐就傳來炒嘢食嘅聲音，原來佢係熱食，咁仲啱我心意！螺絲粉大大兜🔥，用上香草醬同黑椒熱辣辣炒起，又香又惹味🌿。
用料方面亦唔馬虎，🍤蝦肉新鮮爽口，蜆肉就有好多粒。
同時，也不乏蔬菜嘅蹤影，包括洋蔥、椰菜同三色椒等，後者更有裝飾點綴嘅作用。
凍杭州桂花x京都綠茶鮮奶($38)，由於上次飲過呢款，我好鍾意，所以就Encore咗😘。
店主推介呢款嗌凍飲會正啲！綠茶鮮奶口感細滑，綠茶味濃而不澀🍵，仲滲出微微桂花香，整體又唔會太甜，幾正。
BEL’s Latte with Hazelnut ($36)，朋友呢杯熱飲上面有朵細細嘅拉花🌹。
我飲咗一啖仔試下，已經感受到榛子果仁香，而且難得有咖啡成份嘅飲品都不至於太苦☕️，言談間知道應該係關選用嘅咖啡豆品種事。
作為提拉米蘇專員嘅我，當然唔會放過任何一個食Tiramisu嘅機會😝。
呢度有正庄咖啡味同綠茶味，每款各售$48。
價錢唔平，不過勝在大大杯。
兩款口味各有特色，我自己就鍾意傳統嗰種多啲，因為帶有酒香，又同咖啡味協調得好好，相映成趣。
綠茶味都OK，但可能因為無落到咖啡或酒，口感相對無咁濕。
不過兩者嘅共通點係同樣用上正宗Mascarpone Cheese，所以口感綿綿的😋。
未必個個鍾意食Tiramisu， 所以我亦都訂咗小店嘅自家製手工撻🥧($32)請同事食。
我要咗三款口味，包括檸檬、朱古力同合桃蜂蜜，幾款都好吸引😍。
不過我淨係試咗檸檬味🍋，酸度拿捏得好好，好醒神。
總括嚟講，小店真係充滿驚喜，例如午餐款式百變，嚟到先知有乜食哈。
另外，甜品水準出眾，並適合作為散水餅👍。
店主非常友善，就好似當客人係朋友一樣，如果唔係咁，我都未必會預先訂定甜品。
小店用心經營，值得支持啊💪！
之前朋友請我食甜品，我覺得好好味，於是佢今日就帶我嚟到呢一間Cafe見識下。
我最近愛上飲咖啡，呢度有好多唔同款嘅咖啡，而且佢沖調咖啡嘅儀器都非常專業，所以我對好多咖啡款式都好有興趣。
除咗有咖啡仲有一啲輕食可供選擇，啱晒附近上班一族買個早餐或者light lunch。
法式花園鮮奶咖啡嘅奶泡帶點點鹹味，但飲到落底又會回復應有嘅甜味，係一款非常新穎嘅咖啡味道，而咖啡內亦有幾塊玫瑰花瓣，令咖啡充滿玫瑰香味。
而呢杯抹茶鮮奶嘅奶泡非常細滑，亦同時帶點桂花香味，感覺就好似坐喺花園內感受大自然嘅氣息咁，非常寫意怡人。
全日早餐嘅蔬菜非常新鮮，另外仲有小蕃茄、藍莓、流心蛋、薯餅、意式麵包配牛油果醬，而我就揀咗配煙三文魚，非常豐富！佢嘅意式麵包帶有好香嘅蕃茄同南瓜味，材料非常天然，而佢嘅牛油果醬帶微微酸味，減去平時比較厚身油膩嘅感覺，原來店員係加咗少少檸檬汁，所以味道同平時嘅牛油果唔同。
另外仲試咗店員最新試做嘅漢堡，其中一份係大啡菇素漢堡，入面除咗有大啡菇做主角外，仲有牛油果、紫洋蔥、芝士、生菜等材料，食完都唔覺得好油膩又夠飽肚。
而另一款就係手打牛肉漢堡，牛肉係店員自家製作，再配合煙肉、芝士、洋蔥、生菜等，牛肉漢堡做得好Juicy，非常欣賞！另外今日嚟嘅目的就係要試吓呢度嘅甜品，是日甜品係檸檬撻，撻皮厚實好有質感，但仍保持鬆化口感，檸檬撻酸酸甜甜咁幾好味！店員仲話呢度每日只售12款口味嘅甜品，可以給食客有新鮮感，又或者可以預早2日預訂自己所需口味，果然服務夠貼心！
其實好多年前，已經有人提出要反壟斷停止幫趁一啲連鎖集團，但由於人嘅習慣同惰性，好多時都會貪方便選擇繼續故有嘅生活模式。
反而係近年因為社會運動，先真係見多左身邊朋友話因為顏色問題想罷食某啲連鎖餐廳，但知易行難，真係做得到嘅人唔算多。
其實只要放眼留意多啲身邊嘅野，都會搵倒好多大財團以外值得支持嘅小店。
貝亞咖啡店係一個年輕女生自己一手一腳經營同打理嘅咖啡小店，小店主要賣咖啡同輕食，機緣巧合發現哩間小店，正想搵個地方坐低食少少野就試下。
貝亞主要做外賣生意，小店旁邊只有幾個座位。
野食方面有All Day Breakfast同多款三文治。
另外仲有homemade蛋糕同曲奇。
喺玻璃櫃上面有多款自家曲奇可以免費試食，我每款試左啲，曲奇鬆脆得黎牛油味唔會太重，個人覺得朱古力曲奇最好食，朱味幾濃。
哩度嘅咖啡有兩個size，分別係右同中，凍咖啡就只有左邊一個size。
凍比利時雙重朱古力($40) 平時飲凍朱古力因為加左冰都會比較淡，但哩杯朱古力見倒杯邊真係落左好多朱古力漿，朱味飲到最後都仲係好濃，朱迷一定唔會失望。
凍Nutella朱古力咖啡($42) 咖啡奶泡綿密，咖啡唔會太苦澀，飲得出Nutella味之餘又唔會搶左咖啡味。
All Day Breakfast(配飲品加$42) 哩個All Day Breakfast雖然用外賣盒裝住，但份量一啲都冇欺場，有煙三文魚、炸薯餅、半熟蛋、帕馬火腿、牛油果意式包、車厘茄同藍莓。
炸薯餅比平時食倒嘅薄少少，不過就冇咁油同埋一樣咁脆，半熟蛋生熟蛋啱啱好，仲有蛋汁流出，煙三文魚都幾大塊。
牛油果蛋沙律意式包($28) 意式包有烘過上枱時仲係暖暖地，因為加左牛油果同蛋沙律，令本身偏乾嘅意式包濕潤啲唔會好乾好鞋咁，牛油果份量都唔少，每一啖都食倒牛油果。
帕馬火腿意式包(配飲品加$24) 帕馬火腿唔會太鹹，口感油潤，因為火腿本身好薄，所以為左增加麵包口感店主仲加左生菜同水牛芝士喺入面，食落冇咁齋之餘仲令麵包冇咁乾比較易入口。
車打芝士吞拿魚三文治($20) 三文治烘到脆脆地，麵包唔會太厚，中間有半融芝士、吞拿魚同粟米，味道唔錯。
總結，因為小店嘅食物全部係即叫即製，所以出菜時間可能會耐少少，但價錢合理用料都好足，絕對係連鎖店以外嘅好選擇。
這次去到油麻地九龍行，看到有家新開的咖啡店，名為貝亞咖啡店。
店舖環境雖然不大，只有數個坐位，但坐得很舒服，而且不太嘈吵。
店家以外賣為主，有輕食和特色咖啡供應🙈。
💥冰滴咖啡 HKD$48，需要幾小時才能製造的咖啡，分別有酒味和果味選擇，選擇了酒味版本。
咖啡味道甘香，酒香味在口腔散發出來感覺特別😆，但味道美式/黑咖啡更好🤩。
💥法式奶泡花香鮮奶咖啡 HKD$42，這個有兩款口味選擇，這次選擇了玫瑰口味 ，咖啡味道很香😍。
味道濃郁不酸，玫瑰味比例適中💕。
💥特色牛角包 HKD$24，這個有跟咖啡加購價，共有兩款口味選擇：煙三文魚和帕馬火腿。
這兩款牛角包賣相不錯🤩，酥脆的牛角包口感鬆軟，配上咸咸的食材挻惹味的☺。
💥藍莓酥條 HKD$3，這個是跟咖啡加購價，這個用來配咖啡抵不錯。
藍莓醬是夾心層中間。
味道酸酸甜甜，口感酥脆但不油膩。
食物質素不錯，咖啡味道濃郁幼滑😋。
另有新鮮果汁供應，來吃個輕食飲杯咖啡，跟朋友休息一下挻好😆。
同朋友出街食個靚早餐再做嘢，見到呢間新開無耐嘅cafe好似唔錯，一於試下～☕️ 冰滴咖啡（酒味）$48有酒味同果味，問返老闆，原來用唔同嘅豆就有唔同嘅味～ 聞落芳香，飲落濃而不澀、醇而不苦，個樽又靚，係高質嘅ice drip💯🍵 京都抹茶 x ☕️ 濃縮咖啡 Fusion（冰）$46漸變層次好靚😍 面頭有厚奶泡，撈勻後咖啡味濃郁，朋友話先甜後苦～🍳 全日早餐 +$42/份我地嗌咗兩個，有意式包/牛角包、帕馬火腿/煙三文魚、蕃茄仔、蛋、薯餅、藍莓、牛油果醬。
意式包好健康；牛角包暖暖地，牛油味幾香，但唔會太油膩；帕馬火腿鹹香；煙三文魚份量多，帶煙燻味，肥美鮮甜；薯餅有兩大塊，足料好食；蕃茄仔同藍莓都新鮮好甜；蛋係流心蛋，口感Q彈；牛油果醬帶黑椒味～🫐 法式燕麥藍莓香酥卷 $5/件都係嗌咗兩件，外脆內軟，真係食到粒粒燕麥，藍莓醬味道香濃，咁平真係好抵食！後生老闆好nice，會主動問我地覺得啲嘢食點，食物同咖啡選擇多，味道正，有下次☺️
您對於油麻地餐廳「貝亞咖啡店」有何comment？
貝亞咖啡店餐廳詳細資料：
- 貝亞咖啡店地址: 油麻地彌敦道555號九龍行1樓3號舖 BEL Coffee, Shop3,1/ F, Kowloon Building,555 Nathan Road, Yau Ma Tei
- 貝亞咖啡店電話:
- 貝亞咖啡店價錢: $51-100
- 分類: 西式,西式糕點,咖啡店,
- 座位: 未知
- 付款: 現金
- FB專頁: 貝亞咖啡店 Facebook
更多貝亞咖啡店相關資料:
香港餐廳2023推介04月
為減低冠狀病毒病在金發茶餐廳內有任何傳播的風險，金發茶餐廳在餐廳內會盡力保持高水平的清潔及衞生標準。餐廳金發茶餐廳除了遵守預防及控制疾病的相關規例，金發茶餐廳同時建議採取以下措施*金發茶餐廳 黃, 金發茶餐廳 藍, (金發茶餐廳 黃藍 等意思黃店或藍店簡稱
常見問題 FAQ:
貝亞咖啡店在餐廳內應如何確保環境衞生？
- 食物業經營者應加強對食物業處所包括廚房、食物房、洗滌間、廁所（包括水龍頭與廁所把手）和食肆座位間的清潔，定時及在有需要時應用1：99（即把1份漂白水與99 份水混和）的稀釋家用漂白水消毒，以經常保持清潔和適當維護。
- 在處理被呼吸道分泌物、嘔吐物或排泄物污染的地方，應使用 1：49（即把 1 份漂白水與 49 份水混和）的稀釋家用漂白水。
- 經常清潔消毒食物接觸面及設備，例如餐具。
- 經常清潔消毒員工或顧客的頻密接觸點，例如門柄、桌面、餐盤。
- 確保用作送遞食物的工具不可用於收集餐桌上已使用的餐具及食物殘渣，可考慮以不同顏色或標示來識別工具的不同用途。所有工具都要保持清潔和定時消毒。
餐廳廚房內貝亞咖啡店應如何確保食物衞生？
- 採用「食物安全五要點」，以正確處理食物：
- 精明選擇：選擇安全的原材料
- 保持清潔：保持雙手及用具清潔
- 生熟分開：分開生熟食物
- 煮熟食物：徹底煮熟食物
- 安全溫度：把食物存放於安全溫度
- 有需要時，提供公筷公羹。
- 避免公開展示沒有包裝的即食食物（例如烘焙食品）。
- 如使用即棄手套處理即食食物，要注意手套不能代替清洗雙手，並要正確使用。手套如有損壞、弄污或食物處理人員因暫停工作而把手套除下，便應把手套丟掉；要經常更換手套，更換時和除手套後都要清洗雙手。
對於工的個人衞生餐廳貝亞咖啡店建議是什麼？
- 工作人員須謹記：定期檢查體溫
- 工作期間，戴上口罩
- 咳嗽或打噴嚏時，要用紙巾掩蓋口鼻，並立即將已弄髒的紙巾丟入垃圾桶。然後，以梘液和清水清潔雙手
- 保持良好的個人衞生習慣（例如在處理食物前後、進行清潔之後、處理廚餘或垃圾後以及上廁所後要洗手）
- 如患有或懷疑受到傳染病感染或出現病徵，例如感冒、腹瀉、嘔吐、黃疸病、發燒、咽喉痛和腹痛，應停止處理食物。如出現呼吸道感染病徵時，應戴上外科口罩及盡早求醫
- 洗手時應以梘液和清水清潔雙手，搓手最少 20 秒，用水過清並用抹手紙弄乾。雙手洗乾淨後，不要再直接觸摸水龍頭 （例如先用抹手紙包裹著水龍頭，才把水龍頭關上）
貝亞咖啡店餐廳內大家應如何減少社交接觸？
- 為採取以下措施保持員工之間、員工與顧客之間以及顧 客之間的社交距離：
- 為顧客提供外賣選擇
- 避免搭枱或改動座位安排以減少直接面對面接觸
- 在食肆張貼告示或作廣播、或於地面加上標記、提醒顧客在排隊或等候期間保持距離
- 在服務櫃枱加設屏障，減少顧客與員工直接面對面接觸
- 鼓勵顧客使用非觸式的付款方法（例如：信用卡、手機應用程式等）
- 安排員工分批工作、休息及用膳