川味屋 油麻地

川味屋 評價 相片

川味屋就係油麻地地鐵站A1出口直行, 過一個街口, 左手邊就係啦我本身愛食辣, 所以好留意食辣的食店平是經常行過川味屋, 但一直未有機會食, 今次終於去食啦店鋪非常細, 店內可坐大約六, 七個人, 店外都有枱可以坐, 要食煙就可以坐門口店鋪地方狹窄, 唔太齊潔, 裝修簡單, 唯木椅做功不錯...我地點左二人套餐, 有四個小食, 兩杯飲品 (包括自家野菊菜, 同豆漿), 配兩碗白飯加五蚊可以白飯轉米線, 涼拌小食係青瓜, 都可以加五蚊轉溏心皮蛋經過一輪Hard sell 後, 我地真係轉左溏心皮蛋所有小食都好似傷心酸辣粉咁, 要選擇辣度我地要左小辣, 米線一個要大辣, 一個要小辣...最終, 四個小食就係溏心皮蛋, 口水雞, 夫妻肺片, 灼唐生菜首先係口水雞, 雞肉好結實, 唔夠嫩滑, 雞皮厚厚, 但冇乜雞油川味屋的小辣好似傷心酸辣粉的大辣, 而且辣味較乾身, 唔太油膩 被Hard sell 的溏心皮蛋, 已經完全熟透的皮蛋, 蛋黃已經完全凝固, 不再溏心!!!皮蛋熟了就加辣, 所以皮蛋唔入味, 完全冇川辣感, 所以川辣味道同皮蛋味道非常分明!好有誠意的夫妻肺片, 好多食店只用牛肚同牛舌(或者牛的其他部位) 做夫妻肺片呢度會加埋牛展同海帶, 誠意十足, 相信香港都好難會再搵倒整碟夫妻肺片配搭討好, 而且乾身爽口, 係推介食品!米線係粗的, 比譚仔的更粗, 好有煙韌, 好有口感, 但唔滑身, 又唔彈牙湯底唔油膩, 但唔算濃郁, 味道偏酸, 唔係麻辣風味! 不是我愛的川辣麻辣湯呢...侍應問我地係咪好辣, 問食物質數如何, 我地的答覆, 佢即刻同廚房講, 相信仲有改善空間下次不會轉米線食, 因為太一般, 唔係我最愛的麻辣口味下次會食小食, 因為比較出色二人套餐只需$86, 最後要$101 埋單, 都好抵食因為份量多, 兩個人食真係好滿足, 好飽肚!

一出油麻地港鐵站,見到有間舖仔細細,食酸辣粉,見未有人幫襯。

決定膽粗粗試下,點知=0= 中左伏...舖內面積不大,大約只可以坐最多最多十個人。

舖內貼滿了餐牌及一些報紙雜誌報導。

order左1個 冬菇酸菜酸辣粉+凍豆漿冬菇一d都唔入味,酸菜唔夠酸反而太咸。

酸辣少唔夠辣唔夠酸。

到喉唔到肺,未有辣到盡興。

凍豆漿係我唯一安慰,飲左先可以下左啖氣...雖然價錢係平平平,但係完全無美味可言。

其實只要用心去煮,一定會有好既出品。

之後仲陸續有客入黎,令到店內十分擠擁,夏天天氣熱,完全唔夠冷氣。

唉,當真趕客

放工要先去餵飽我五臟腑, 因為之後要係油麻地上堂, 搵地方落腳食野, 無意間見到呢間小店, 而且我一直都鍾意食米線薯粉,就入去試下。

店內地方細小, 最多只可以坐到6個人, 要面壁食野, 裝潢簡單但有特色, 叫左碗鮮雜菌薯粉微辣加豬腸, 另加3蚊飲竹蔗水。

餸菜比較多, 薯粉唔會太腍或太韌, 麻辣湯底好有四川風味, 唔係淨係得個辣, 最欣賞佢地係冬菇上面介花, 而且係鮮冬菇, 豬腸唔會韌到咬唔開唔吞得落肚,竹蔗水唔太甜。

進食期間不斷有外賣電話來電及食客進出,舖內只有一個大嬸招呼, 同食客有講有笑, 隱約見到廚房有兩個男人正在煮食中, 不過店舖位置比較偏僻, 唔容易搵到, 有機會再去食其他野!

川味屋餐單提供川菜, 四川, 粉麵, 米線等推介美食位於油麻地區，餐廳座位數12人均消費約$50以下，結賬可以用現金。

您對於油麻地餐廳「川味屋」有何 comment？

川味屋餐廳詳細資料：

• 川味屋地址:
  油麻地碧街38號地下
  Yau Ma Tei, G/ F,38 Pitt Street, Yau Ma Tei
• 川味屋電話:  
• 川味屋價錢: $50以下
• 分類: 川菜, 四川, 粉麵, 米線
• 座位: 12
• 付款: 現金
• FB專頁: 川味屋 Facebook

更多川味屋相關資料:

• 川味屋分店
• Youtube
• Facebook
• Twitter
• Google