辣妹子 沙田

辣妹子 評價 相片

今晚兔女同auntie撐檯腳, 選擇沙田因為距離 auntie 屋企比較近, 選擇辣妹子因為我地都鍾意食辣野水煮黑豚肉 原本想叫水煮牛肉, 不過牛肉未返貨, 店員介紹食黑豚肉, 佢話係靚貨, 仲要比牛肉貴多$30, 一於就試下啦! 叫左小辣, 辣度輕微, 下次可以叫中辣! 豚肉入口唔會硬, 少少肥, 幾好食, 而且份量都唔少, 店員無介紹錯~ 可惜無薯粉做配料, 只有芽菜~辣雞煲(小) 同樣叫左小辣, 叫度既雞煲同出面食開既有D唔同, 比較乾身D, 無咩汁, 但味道就好野味, 有少少用花生醬/麻醬炒過既感覺~

熱力十足的辣妹子話說今晚沙田得十度，我卻滿頭大汗久久未能釋懷，皆因來了這間辣妹子。

唔係朋友推介都唔會來到這處，偏僻到不能形容，沙田翠麗花園自成一角，200呎丁方的小店竟有人等位，就知有料到。

價錢不便宜，原諗住吃辣子雞卻動輒$138﹐第一次來試唔知頭唔知路梗係嫌貴唔敢試，於是點了個二人套餐一試。

皇牌椒麻雞，雞滑辣又香，啖啖肉，相當惹味；辣妹粉如坊間酸辣粉，膽粗粗點了中辣，辣到無朋友，要讚是這兒的紅薯粉，即叫即灼火喉岩岩好，煙韌有嚼勁又爽滑，超好食，是我倆吃過最好的薯粉，由於又辣又麻，吃每口都要無比勇氣，汗流浹背下還是一條不剩的KO了。

小食配菜是青口爽脆，肚絲煙韌，一樣美味。

細問老闆話開業已10個月，但最近食環不準擺街捉得緊令生意大跌，睇黎我地要來多幾次支持吓！p.s. 實在好味，比傷心酸辣粉好好多！

今次叫左中辣既辣妹粉 感受到久違的麻辣感覺 但麻痺感唔會維持好耐 因為之前食完酸辣粉個嘴唇係之後既兩三個鐘都僧麻麻痺痺禁 食完辣妹粉之後十分鐘 麻痺既感覺消失左 紅薯粉依舊地好滑而且煙韌 正! 中辣既湯底比小辣香 而且酸辣既比例岩岩好椒麻口水雞都係好香 蒸泥白肉既中辣同小辣其實分別不大 醬汁帶點甜味 而且分量較坊間多醬拍青瓜 香得尼好入味 有花生碎 口感一流 辣辣地好入味 細細碟好快會食曬 同出面既好唔同 好食好多 侍應好熱情 服務態度好好 同d客有傾有講

第一次嚟呢頭搵食，心諗天時暑熱食辣嘢開胃啲，所以入去試下，結果不負所望椒麻雞煲 (小辣)話晒第一次幫襯，當然穩陣啲叫小辣啦，師傅用左好多新鮮啲麻籽同辣椒做底，雞肉細嫩加上蔥頭，蒜頭，洋蔥，芫茜等配菜食起上嚟口感可以話既麻且辣，味道好豐富，誰也搶不到誰的味道。

蒜泥白肉係另一值得推介嘅食物。

白肉片數夠多，而且每件薄切的白肉片肥瘦比例均等，肉質夠爽口，蒜泥汁好惹味，越食越想食，食唔返轉頭酸菜龍舌魚係老闆特別推介，啱晒追求健康嘅女士們或者怕辣嘅朋友，一上枱見到奶白色嘅湯，入口出奇哋鮮甜唔會被酸菜搶走龍舌嘅鮮味，魚肉嫩滑，酸酸哋真係好開胃。

豬骨湯粉湯底豬骨味濃，但唔似有味精，粉入口好煙韌爽口彈口下次一定再來

得悉沙田河畔開左間新既雞煲四川菜，作為四川菜愛好者的我，當然要去一探究竟店面面積唔算大，不過都坐得幾舒服！叫左個雞軟骨，鹵水拼盤，酸辣粉同雞煲雞軟骨新鮮炸，上枱熱辣辣，攞黎送酒一流鹵水拼盤幾好食，鹵得好入味，平時唔食雞腳既我，都忍唔住試左酸辣粉不得不讚，比起其他酸辣粉，呢間既酸辣粉比較煙韌，酸度同辣度個比例剛剛好雞煲一上枱已經比個香味吸引，叫左半隻，份量ok,入面既配料有好多，食落唔會只食到麻香味，d雞肉亦炒得好入味，食完可以拎黎打邊爐，但今次實在太飽啦，無打到，留待下次！總括黎講，價錢相宜，份量足，係沙田我又多個四川菜飯堂了，下次一定要試埋個水煮魚，見旁邊食緊，一樣係好香！可惜胃些容易有限呀，只好留待下次

辣妹子餐單提供川菜, 四川, 火鍋, 水煮菜式, 中菜館等推介美食位於沙田區，餐廳座位數30人均消費約$50以下，結賬可以用現金。

您對於沙田餐廳「辣妹子」有何 comment？

辣妹子餐廳詳細資料：

• 辣妹子地址:
  沙田圓洲角路15-17號翠麗花園B座地下
  辣妹子, G/ F, Block B, Green Leaves Garden,15-17 Yuen Chau Kok Road, Sha Tin
• 辣妹子電話:  
• 辣妹子價錢: $50以下
• 分類: 川菜, 四川, 火鍋, 水煮菜式, 中菜館
• 座位: 30
• 付款: 現金
• FB專頁: 辣妹子 Facebook

更多辣妹子相關資料:

• 辣妹子分店
• Youtube
• Facebook
• Twitter
• Google