蜂味燒 沙田

蜂味燒 評價 相片

都唔知點解可以咁難食，燒鮑魚竟然用急凍磯燒鮑魚真係一絶，燒墨魚咀可以用魷魚鬚真係第二絕，大量味精同奄肉粉，佢一定知道我平時小飲水所以落咁多，連個蒜蓉包都難食到一個點個蒜蓉冇香味仲要苦到好似食中藥咁，各位如果想食垃圾🤮可以去試一下。

不過可能真係因為沙田區咩串燒😅。

呢間餐廳坐門口上咗年紀嘅收銀女員工態度十分之惡劣，對消費者來說，簡直可以話係俾錢買難受、而且經常問非所答、以及語帶諷刺，挑引等方式來回答顧客的正常問題。

本人實在唔明白點解呢間餐廳唔可以請返一個識得基本禮貌嘅員工？食物方面，普通至中下水平。

總括而言，服務態度有待改進，食物質素有待提升。

劣評😰😰😰😰😰😰😰😰😰😰😰😰😰😰😰😰😰😰😰😰😰😰😰😰😰😰😰😰

因為想食串燒, 再加上店員在門外"熱情"地向我們招手示意有位可以即時入座, 所以入左去食野。

叫完野食都好地地, 都知道燒烤通常即叫即整, 需要等待都好正常, 不過等左45分鐘先有一串韭菜和雞泡魚乾食, 之後再問店員到底仲有幾耐, 個店員態度不耐煩又囂張表示: 燒野食係要咁耐架喇! 另外點完餐之後個店員向我們說飲品有半價, 所以我地叫左三杯飲品, 過左一陣佢同我地講: 因為我地只係叫左$2XX野食, 所以只有兩杯飲品係半價。

但事前沒有講, 後來搬哂龍門, 同店員溝通左一陣之後佢就話第三杯都俾半價你地(態度好似係我地無理乞討咁), 想同店員講清楚她誤導客人其實有問題, 點知個店員無故好嬲, 突然將杯野飲拎走左, 話: 得啦, 而家第三杯唔俾半價啦, 幫你取消啦。

態度令人無言, 之後我睇到個店員問個同事飲唔飲, 個同事話唔洗, 佢自己飲左杯野飲......講返等食物實在太耐, 突然有一個疑似老闆娘的人過來叫我地去隔離果間小蜜蜂茶餐廳食,  疑似老闆娘的人強調串燒是一種手工, 需要很長的製作時間。

但疑似老闆娘的人十分氣燄, 我也不想繼續受氣, 決定結帳離場, 疑似老闆娘的人聽畢即黑面, 戴住口罩都見到佢嘴藐藐。

結帳時疑似老闆娘的人表示飲品唔可以做半價, 要俾返正價, 正價一罐汽水索價$15, 我地叫左兩罐, 俾$30買兩罐汽水,  食物又等得耐, 貴得沒有道理。

結帳時疑似老闆娘的人可能不服氣, 又再強調串燒是手工野, 要時間去燒, 熟客會知(咁都有熟客)。

我亦嘗試表達:我明白, 但真係好耐, 成45分鐘都未有野食。

疑似老闆娘的人十分晦氣: 咁得啦, 拜拜。

這種態度真是令人氣結, 適逢今天盂蘭節, 果然真撞鬼。

總結用左$101食左一串韭菜, 一碟雞泡魚乾, 兩罐汽水+受很多氣

唔會中伏，中規中矩。

^ ^總體偏鹹，食物新鮮。

服務態度好好，同隔離小蜜蜂茶餐廳係一個老闆而且餐廳員工已經打左針，可以遲d買單環境都唔錯，同朋友聚餐一個唔錯嘅選擇。

沙田圍唯一串燒，想試好耐吓，終於訂枱了。

餐牌上是一般食物沒有特別海鮮或真店名菜。

連多春魚又冇，無骨雞翼冇，咁就唯有試吓其他。

叫了雞腎、豬腩肉、韭菜、蘆筍、秋刀魚、原條蒜蓉茄子、雞泡魚干等。

小吃青瓜云耳！本來滿有希望，全消應該好易冇得輸，但竟然出乎意料之外，所有嘢都好乾，冇味重點係：所有嘢都會放入微波爐叮，然後再燒，咁就鎖死水份所以好乾。

全程一路聽到叮叮聲，嗱嗱嗱又來叮了。

再望下廚房師傅，老人家一路燒一路食煙唉，點解偏偏選中佢來吃。

唯一好少少就係檸檬茶，全是正常。

一定冇下次。

蜂味燒餐單提供港式, 燒烤, 咪嘥嘢食店等推介美食位於沙田區，餐廳座位數未知人均消費約$51-100，結賬可以用AlipayHK,支付寶,現金。

您對於沙田餐廳「蜂味燒」有何 comment？

蜂味燒餐廳詳細資料：

• 蜂味燒地址:
  沙田沙角街7-11號翠華花園地下7號舖
  蜂味燒, Shop7, G/ F, Greenwood Garden,7-11 Sha Kok Street, Sha Tin
• 蜂味燒電話:  
• 蜂味燒價錢: $51-100
• 分類: 港式, 燒烤, 咪嘥嘢食店
• 座位: 未知
• 付款: AlipayHK,支付寶,現金
• FB專頁: 蜂味燒 Facebook

更多蜂味燒相關資料:

• 蜂味燒分店
• Youtube
• Facebook
• Twitter
• Google