英記 沙田

英記 評價 相片

食過N次，次次都係豉油雞/豬扒，雖然有其他好多款式，但係已形成了慣性收視。

飯多，雞/豬扒質素不俗，件頭很大，很抵食。

同學鐘意食咖哩雞/豬扒飯，他們認為咖哩汁非常夠味。

但千萬不要弄亂「咖哩雞飯」和「咖哩雞扒飯」，因「咖哩雞飯」是用雞翼，雞翼的質素遠不及雞扒。

次次去都係食紫白(黑糯米+ 豆腐花) 再撈埋ｄ花奶，好好味又抵食～１０蚊碗！推介～但其他糖水好似西米露／涼粉．．就落得太多糖水，生果亦唔新鮮，希望有改善啦。

至於炸野～首選係炸蕃薯，即叫即炸～超級好味！佢ｄ車仔麵都唔錯，個湯底好濃味。

兩樣送再加杯豆漿都係２０蚊～ｄ送就普通啦，冇乜特色。

服務算過得去囉～差唔多全部都係嬸嬸。

佢地講野好鬼大聲，但總算有禮貌ｏ既。

有件事真係不吐不快,今日我去沙田第一城銀城商場英記糖水, 上幾期睇飲食男女"的士佬推介"專欄介紹一間所謂食糖水mango西米露同炸鯪魚球好食果間, 完全不知所謂呀, 人稱英姐, 我諗係老板娘果位, 對顧客之態度完全係好囂張, 鄰枱有一男一女之客人向果位英姐order炸鯪魚球, 阿英姐大聲同人喝道, 頭先咪話左賣晒囉, 該2 人包括坐在鄰枱的我們都感到大惑不解, 人家明明剛進來坐下, 她跟客人說"我已經把最後一客賣左俾隔離啦, 頭先咪講左囉!!" 女的便感到不值說," 我點知你幾時賣過d咩俾人呀???" 阿英姐還要聲大大同人講: 咁你咪再睇下食咩啦!" 女的感到氣頂便與男友人走人! 之後阿英姐就大大聲同其他店員講: 邊個黎先咪賣俾邊個囉, 你話係咪先?" 我和朋友都覺得佢係咪因為間舖俾什麼雜誌寫過下就以為上左神枱??? 講番食物, 糖水一d都唔正, 薑汁撞奶似奶水, 楊技甘露淡而無味........食野期間只係聽到個英姐把聲不停訓示d員工, 其中一句係"下次唔好俾咁多蛋白人呀!"???? 唔知又諗咩縮數! 我們都認為此地不宜久留, 匆匆閃啦, 埋單去到櫃面, 原來係要阿英姐親自收錢既, 果頭俾左張單佢, 佢居然立即問我枱頭上邊張單係我既? 我話我點知呀, 你自己咪攞左囉?" 我心諗, 你都short short地架? 於是佢走番埋去我坐張枱計番我地食過d咩囉! total $47, 佢找$52, 我出到門口先發現, 1蚊都要呃! 我諗番轉頭佢當時問我枱頭果幾張單邊張係我既都有蠱惑呀, 佢以為我會猶豫不決真係去睇邊張係, 咁佢就會攞張多d既黎計, 但佢又估唔到我一口答佢:我點知呀, 明明果頭先俾左你!" 佢先詐帝, 但都蝕左1蚊比個人! 我諗我以後有人請都唔會再去食囉!!!

聖誕節都要開工，食堂又冇開，又冇乜好建議，於是又再去英記食午餐。

今次叫了梅菜肉餅飯，盛載的是一隻鐵杯仔，比較細，大食的人可能會唔夠食。

不過都有一碗飯o既！總括而言，飯及菜都頗新鮮。

所以食完飽飽，加埋杯豆漿，算唔錯啦！

有糖水有粥,但最好味的是炸釀豆腐,好好好好味,有八爪魚,又即叫即炸,又抵,又大件,一定要試.

英記餐單提供港式, 粉麵, 米線, 粥品等推介美食位於沙田區，餐廳座位數未知人均消費約$50以下，結賬可以用現金。

您對於沙田餐廳「英記」有何 comment？

英記餐廳詳細資料：

• 英記地址:
  沙田沙田第一城銀城商場地下
  英記, G/ F., Ngan Shing Coml Complex, City One Shatin,, Sha Tin
• 英記電話:  
• 英記價錢: $50以下
• 分類: 港式, 粉麵, 米線, 粥品
• 座位: 未知
• 付款: 現金
• FB專頁: 英記 Facebook

更多英記相關資料:

• 英記分店
• Youtube
• Facebook
• Twitter
• Google