堂記車仔麵 沙田

堂記車仔麵 評價 相片

今日見到堂記附近間波仔...皮蛋瘦肉粥都係8蚊...但係原本係一碗既份量...竟然變左一隻細杯既份量...即刻覺得好無癮...唔買於是再去堂記食沙爹牛肉公仔麵 + 腸粉...今次回復水準，牛肉塊塊都吞得落肚既，再唔係筋...腸粉又無蒸過龍，夠滑。

算係咁，唔通老闆上過離睇食評?

因為有美食嘉年華既免費飛,就決定左今日去啦去之前就去左近近地既"堂記"食野呢間野都開左幾耐嫁啦,今日先第一次黎食野一入到去得一檯客食緊野,不過招呼我地個個都好好態度,係咁推介d野食俾我地點知一食d野食就知道唔掂啦....我地點左: 江南酸辣麵佢同重慶酸辣麵(即係東門個隻)係唔同湯底,佢有加花生醬同埋少少芝麻但係味道配搭得唔好,更奇怪既係麵既質地個麵既色係蕃薯粉咁灰灰地既,但係口感就唔同,要咬好耐先咬得開,同埋唔係晶瑩剔透既食到最後會覺得好膩,但係唔係滿足既感覺_...蘿蔔糕係叮返熱既,所以梗係夠熱啦但係好薄,唔夠口感再加上d醬唔好食..."x"仔粥我冇食到,不過呀媽話好似溝左水咁,d料又唔多水還水,料還料粉果我都冇食到,但係見到d皮唔係半透明既,好厚咁既款最重要既係其中一個居然係唔熟既,d皮係完全白色好彩呀媽冇食到入面d料姐,唔係咪食埋d未熟既豬肉?!蒸個粉果都可以唔熟就拎俾客人食,客人又唔係多,連d皮白色都留意唔到唉...我平時對食都唔係十分之高要求,但係今次呢間實在差到令我忍唔住要寫食評連平時唔多要求既呀媽食完都話唔好食儘管服務態度唔差,但係食物質素始終都係唔合格...所以唔會再黎第二次啦...好彩都唔係食左好多錢

星期日起身去左堂記食早餐, 叫左個三餸車仔麵餐, 豬紅,午餐肉同蘿蔔 仲有杯肧芽珍珠奶茶, 我見碗麵賣相都ok, 當我食午餐肉時極差, 塊午餐肉好(梅), 好難食, 豬紅同蘿蔔就ok, 而杯肧芽珍珠奶好淡竟然冇味(奶水), d 珍珠又小又硬, 唯一好的是環境比較乾淨, 唔值得再去食, 價錢又唔係便宜, (希望老闆見到依個食評會作改善)

初開時車仔麵有好多餸選, 冇左牛腩, 好味的菜肉餃等好耐, 依家我每星期食一次左右, 因有排麵份量太少不夠飽, 呢掛又大番d :好味的有 : 豬皮, 豬紅, 貢丸(好過明角麵家), 豆卜, 炆冬菇, 蘿蔔, 米線, 伊麵, 烏冬 (湯底好清及好味, 味精不多) 三餸一份粉麵加支汽水$30記住tick蔥花, 莞茜, 炸菜等配菜有日食左一碗米線份量太少, 叫左件藍梅厚多士, 又好食播!

小弟平日很少到新界，所以較少有新界區的食評，今日竟然覓食到沙田圍，自己都想不到。

本來被明角麵家的香味吸引著，最後都是入了這間新店。

這一家小小的車仔麵店人不多，可能是下午茶時間吧。

店子用上很奇怪的顏色配合，店子的顏色又青又黃又黑，不過環境整齊，比一般車仔麵點感覺衛生，還有的是英文歌輕輕播放，幾舒服，但是不是播國語歌對一點呢。

點了一個招牌的豬手米線，加了一杯台式飲品，下午茶用上了二十六元，不算便宜。

第一口就是試湯底，米線湯底用料算好，不是一般的清湯，味道不錯。

碗很大，有兩隻肥大肉厚豬手，豬手炆得很淋很入味，入口質感極為豐厚，但吃下完全不會膩。

飲品點了芋香珍珠，用上了大粒珍珠，數量不少，不過口感不算彈牙，加上飲筒不夠大，很難吸出來。

芋香味道不錯，是飲得過的。

加六元的，便宜與否，見仁見智。

走時見到椅子寫著 "不能說的秘密" ，到底是什麼一回事，可能只有店員才知道了。

堂記車仔麵餐單提供港式, 車仔麵等推介美食位於沙田區，餐廳座位數未知人均消費約$50以下，結賬可以用現金。

您對於沙田餐廳「堂記車仔麵」有何 comment？

堂記車仔麵餐廳詳細資料：

• 堂記車仔麵地址:
  沙田沙角邨沙角商場34號店
  堂記車仔麵,  
• 堂記車仔麵電話:  
• 堂記車仔麵價錢: $50以下
• 分類: 港式, 車仔麵
• 座位: 未知
• 付款: 現金
• FB專頁: 堂記車仔麵 Facebook

更多堂記車仔麵相關資料:

• 堂記車仔麵分店
• Youtube
• Facebook
• Twitter
• Google