印尼餐廳1968 沙田

印尼餐廳1968 評價 相片

打返２個月前食過既野=.=.......剩係記得佢呢個軟殼蟹米紙卷~好難食=.=........米紙好似食緊返膠咁.......入面仲要有好多芫茜...好臭.".......佢配個碟汁好似肥皂味."......最後只係食左D軟殼蟹.....其實仲有叫其他野食......可能我地香港人食唔慣印尼野.....總是覺得D野味道怪怪的..........感覺很差~

琴晚同左女友去左呢度食晚飯,呢間店都有d名,但竟然唔滿,心諗應該唔會ga,成個市中心d食店好少會咁,除非.....入到去個環境都算坐得幾舒服,但我地坐得水都冇杯law,跟住d小二叫極都唔會理你,睇到都唔蘇你law,係後尾叫到個類似係部長o既人先落到單,但個部長d態度都唔係好!!叫左個木瓜沙律,巴東牛肉同海南雞飯加一杯蘋果啤梨汁,老實講,佢d水準只係一般,尤其係巴東牛肉,好韌,有d硬,唔入味,正頭係唔得,海南雞飯,d雞唔算好滑,亦都冇乜味........埋單$280幾,咁o既質素都算貴啦個部長收錢果時多謝都冇句,唔怪得d小二咁o既質素啦,唉~~~唔會再入去食law!!

今次和媽媽又決定光顧了這間1968..因為上次印象不錯但門口上次位四眼侍應不見了..換了另一個女侍應接待我們,態度亦可以的,入去坐了卡位,竟然看見上次門口的那位四眼侍應拎水來我亦特意等他走近才叫他落order態度仍然很親切我們合共叫了三碟菜:珈厘海鮮,好多蝦,熱辣辣!!但珈厘太稀了,炒貴刃,好香,雞肉都好多,夠獲氣,good!!!沙爹串燒,雞肉最好味,但醬汁太少總括有進步的,特別係炒貴刃好食但餐具就有d污糟侍應生9分!食物7分!

決定到呢度黎一個下午茶再去SHOPPING,入到餐廳好冷清,好少人,不過勝在夠靜睇完餐牌點左一個印尼雞絲河粉+凍檸茶可能人唔多既關係,餐好快都送到黎河粉熱辣辣,熱度係食物第一種比人既感覺,係非常重要的賣相似係沙爹湯底,不過食落完全無沙爹味,就好似清湯底一樣雞絲恐怕不是絲呢....可能我對絲既定義同一般唔同啦但係就好有雞味,浸左落湯入面都無影響雞味,雖然唔係新鮮雞,但都可以咁有雞味,抵讚的凍檸茶不用評了,同外面一樣P.S.侍應姐姐帶位到我去一個面向類似員工休息地方既位坐(係開放的,無窗簾之類遮住)感覺已經唔係幾好,因為望到D落左場既員工係入面有講有笑,都唔係問題,問題係佢地既聲浪絕對唔係細,再加上佢地對話時有粗口,完全破壞整個環境,一間餐廳不應這樣的吧..減晒分

同意JJcaptain所講...新城市好多食肆，但其實好食的真係唔多。

是夜因為買野買耐左，返屋企煮飯的話已經太夜，所以決定留係新城市度食。

叫老頭揀西餐定係印尼野，佢話印尼，於是就入左依間印尼餐廳1968喇...其實我地未決定之前都有人係門口派coupon畀我地...都算幾賣力去兜客。

豪氣的小雞話今餐佢請...咁就唔客氣啦。

起初諗住散叫，但左諗右諗都未決定到...個侍應（似係經理）就走埋來話話其實個四人餐好抵食...我地本來諗住叫咖哩牛腩，佢就話咖哩好多地方都有，反而個巴東牛肉就特別D，建議我地試下...咁又啱既，於是就聽佢話要四人餐，仲特價$38加個串燒!頭盤係木瓜絲沙律...好大碟! 火瓜絲爽，幾辣但只係得個辣字，冇咩特別，係唯一食淨既野。

之後來左個酸辣海鮮湯，味道好似一個辣的羅宋湯。

雖然都幾辣下，但都飲到海鮮的鮮甜味，又醒胃，好飲! 入面有蝦（連殼..所以食個時有D麻煩...）同幾舊魚。

之後D主菜就BANG BANG聲咁一次過來晒...搞到張枱冇晒位...廚房D timing如果好D會更好...都係講返D野食先。

沙嗲串燒有六枝，豬牛雞各兩枝。

平時食串燒，通常雞係最安全的，而牛因為最易韌所以通常都危險少少。

但依度的串燒就唔同了，豬牛都非常之出色! 豬肥瘦適中，夠林燒得夠香，超好食! 牛肉亦都燒得啱啱好，一D都唔韌。

雞肉唔係差，只係因為太「安全」，只係屬普普通通，三者中並不算突出。

沙嗲汁偏甜，但都幾好的。

串燒應該係全餐最滿意的一樣野。

巴東牛肉用的係牛腩牛筋，唔驚D肉咬極都咬唔開。

但係牛腩仍然乾左少少，牛筋則不錯。

個汁一D都唔辣，有香料味算係唔錯，只係油左少少。

爪哇醬龍脷柳個醬又係唔辣而且好甜，唔錯。

個魚係炸的，但炸得唔脆亦唔香，稍為失色左少少。

咖哩海鮮入面有蝦（又係有殼..._）、魚同魷魚。

咖哩好重椰汁味，唔辣，唔係我最喜歡的咖哩，不過都撈左成碗飯! 海鮮都算幾新鮮。

最後的蝦醬炒通菜係一個意外的驚喜。

不但有鍋氣，蝦醬味香，好食! 四個主菜唔係話超級出色，但每樣都算係咁，而且食到好飽，好滿意了! 飲品方面，大家都叫左青檸梳打或荔枝梳打...不過兩者都太過甜...認真麻麻!埋左單出左門口之後先發覺個甜品冇上過...!! 返去問佢...不過其實我地四個人都超級之飽就算啦...不過連D侍應都唔記得就有點兒那個...再問佢地，佢地話個甜品係雪糕涼粉...咁都好D，起碼自己屋企都食到哈哈。

雖然係咁，但其實服務整體來講係不錯的，可能咁啱serve我地既係個個經理，幾識做的。

反而其他的侍應就好似其他食友咁講木口木面，唔係好識做咁樣喇...所以都要睇你運氣。

最後用左佢畀我地的coupon...有八折（條件係一定要叫二人或以上的餐，同埋任何人的身份証號碼要有4或0...因為係佢地40週年_）! 我個晚返到屋企上OR先知道依度咁多喊面...如果之前知道的話就可能唔會來...實在不明點解會咁...可能係我好彩?我都係食過一次，唔敢話佢地質素成日都係咁好，不過睇返好多食友的評語，好多畀喊面的原因係因為服務差...希望大家畀個機會佢，可能佢D食物會有意外驚喜

印尼餐廳1968餐單提供印尼菜, 西餐廳等推介美食位於沙田區，餐廳座位數未知人均消費約$101-200，結賬可以用Visa,Master,現金,AE。

您對於沙田餐廳「印尼餐廳1968」有何 comment？

印尼餐廳1968餐廳詳細資料：

• 印尼餐廳1968地址:
  沙田沙田正街18號新城市廣場一期7樓701號舖
  Indonesian Restaurant 1968, Shop701,7/ F, New Town Plaza Phase1,18 Sha Tin Centre Street, Sha Tin
• 印尼餐廳1968電話:  
• 印尼餐廳1968價錢: $101-200
• 分類: 印尼菜, 西餐廳
• 座位: 未知
• 付款: Visa,Master,現金,AE
• FB專頁: 印尼餐廳1968 Facebook

更多印尼餐廳1968相關資料:

• 印尼餐廳1968分店
• Youtube
• Facebook
• Twitter
• Google