一粥麵 沙田

一粥麵 評價 相片

科學園入面冇咩食，悶悶哋又冇咩特別想食就平平哋試吓一粥麵喺度叫咗個牛腩麵，估唔到幾好食😋牛腩有三大嚿，雖然睇落好實咁，但係食落又幾腍幾入味；蘿蔔咬落都夠腍但係就比較淡味；麵就平通粉麵檔水準冇咩特別，食完都算滿足

一粥麵其實是間非常普通嘅連鎖快餐店，但都想寫寫嘅原因係佢位於科學園區。

我諗好多係科學園區返工嘅人都同我一樣，看似好多選擇，但因為午餐時間超級多人，所以久而久之，你會食嚟食去都係嗰幾間。

今日中午想食啲濕濕地清淡啲嘅野，所以就走嚟呢度，唔知點解，呢度人比起其他餐廳少，可能佢只有弼麵吧。

我點了碗牛丸雲吞麵、凍檸茶走甜。

店員提供送餐服務，可以坐定定等。

碗麵唔算大，但材料十足，望起嚟好飽滿。

一粥麵嘅雲吞一向都有水準，蝦肉新鮮，味精唔太重。

牛丸也扎實。

我一般會加一大匙辣椒油同少許醋來提味。

而麵質就不過不失。

不過呢間分店每日只做到3點，所以有時開會miss左就唔可以食呢間了。

又喺Food Court遊走，我同同事都病左，無咩胃口想食粥麵。

好在Food Court有得食。

老實講Food Court環境雖然唔係好新好特別，但係因為外圍環景關係，個人認為個view好過焗束既商場Food Court，食晏都輕鬆d～艇仔粥 比起傳統粥麵店，味道當然差好遠。

不過勝在米同水比例適中，唔會煲到得返米糊。

最基本應該有既花生、咸肉、同埋魷魚都有齊，絕對好過海x粥店之類既艇仔粥。

咸肉糉 比平時粥麵店既糉硬淨，餡料足，記得加埋甜豉油食，好食好多。

雲吞麵 雲吞較細粒，但味道唔差，裡面有蝦肉同豬肉，雲吞皮亦夠薄夠滑。

冰震奶茶 其實病就唔應該飲凍野😛，不過有得飲冰震奶茶真係忍唔到。

無冰既凍奶茶，有熱奶茶既茶香同奶既滑，唔會擔心比溶左既冰水溝稀哂。

睇得出有細心考慮過快餐形式都要盡量似返傳統粥麵出品既心機，抵讚

遠道嚟科學園開會。

十點，過左早餐超旺時段，冇人。

有排未食妟，又要開會，唔知開到幾點。

。

一於包場打定底先。

簡單叫個齋腸，冰鎮奶茶。

“閉家伙“一睇就知叫錯嘢。

見到碟腸粉蒸到起哂“豆皮“。

食落一個字：“削“，冇米味。

甜醬加麻醬係必備。

但，麻醬有陣陣炒燶味道，醬料質素真係差左。

只怪自己叫錯嘢應叫個皮蛋瘦肉粥。

。

六月下旬•炎熱 連掃幾篇新店的首篇食評。

是日來了河畔練習，天氣太炎熱，練完真的是「沒有命」，跟跑友來了這裡吃點東西才算。

坐落才知，這裡跟大家樂應有點淵源。

還記得這裡的腸粉不錯，粥也可以，就要了個豬肚粥跟腸粉的套餐。

快餐店的粥，當然不是生熟，尤其是豬肚而言，是熟料加上熱粥。

腸粉可還是即拉的，送了上來，還加上個膠蓋去保持熱度，幾認真。

先吃腸粉，夠熱，吃起來爽滑，加入了蔥花及蝦米，灑上了芝麻及醬油，好吃；粥是「世界粥底」，綿滑而當然的有味精。

豬肚幾爽口，但當然也是雪藏貨色，一吃便知。

22蚊，吃了個有水準的蔥花蝦米腸，已經當嬴。

一粥麵餐單提供港式, 粉麵, 米線, 粥品, 快餐店等推介美食位於沙田區，餐廳座位數未知人均消費約$50以下，結賬可以用現金,八達通。

您對於沙田餐廳「一粥麵」有何 comment？

一粥麵餐廳詳細資料：

• 一粥麵地址:
  沙田白石角香港科學園第一期科技大道西1號核心大樓2座地下S002號舖
  Super Super Congee & Noodle, Shop S002, G/ F, Core Building2,1 Science Park W Ave, Phase1, Hong Kong Science Park, Pak Shek Kok, Sha Tin
• 一粥麵電話:  
• 一粥麵價錢: $50以下
• 分類: 港式, 粉麵, 米線, 粥品, 快餐店
• 座位: 未知
• 付款: 現金,八達通
• FB專頁: 一粥麵 Facebook

更多一粥麵相關資料:

• 一粥麵分店
• Youtube
• Facebook
• Twitter
• Google