Mimila 沙田

Mimila 評價 相片

老實講好日都唔會去新城市消費好彩搵到一間黃店可以食個下午茶只不過如果你係想食輕食可以有個下午茶價錢恐怕你會失望呢間店下午茶時段都係冇套餐只係正價食品全部八折計返真係唔平不過佢租得喺新城市咁就算啦附近亦冇其他選擇其實佢哋嘅食物質素都唔差喇沙湯麵可以揀參參亦可以揀河粉、米線等等湯底唔會話特別濃厚不過對比好多喇沙面已經做得好好如果隻蛋可以煮得好啲咁就更加好啦越南春卷正正常常拎到上枱熱辣辣脆卜卜不過你杯嘢飲我就唔係好識欣賞如果你自認係螞蟻你就叫杯試吓啦

少見有馬來西亞菜又見佢係黃店對佢好有期望。

等左半個鐘左右，入到去點左個喇沙美國牛肉飯、馬來蝦湯配牛肉麵、小食炸物同一杯野飲，杯野飲就正路，個飯份量偏少啲牛肉只係肥牛個名就改得靚，話哂都88蚊個飯，個喇沙汁就正常發揮。

個麵果兩隻蝦肉又咸又實有啲咸魚味，唔知佢想整個鮮味出黎定點，之後個湯好淡味要倒返啲喇沙汁落去撈先夠味。

個小食就係急凍丸輕微輕炸脆左少少就收我48蚊。

總結可能真係期望大左所以都冇下次嫁啦。

呢間黃店真係好唔得，成間餐廳得3張2人枱，有一張係唔比人坐，去到已經好多2人等位，點知埋單嘅多數係4人枱，就一路係咁叫4人枱號碼，完全冇理過2個人等嘅感受等位已經多人等，有人埋單，D侍應完全唔去執枱，仲係到傾計。

叫左個蝦湯面，完全冇味，D雞又’鞋’，成88蚊碗，仲要係好細碗。

仲有個炒肉碎配扎肉飯，等左成半個鐘都未有。

仲有叫左個沙嗲魷魚小食，成48蚊，真仰一D都唔值真係冇下次!!!!!黃店都唔係大哂

疫情關係，座位大多都係2人枱同4人枱，我地一行3人，眼見4人座位號碼下一張就到我地，但不斷叫號俾2人枱去4座位就座，向店員查問，原來入座安排係根據取票先後，而非枱類。

得知下一個叫號就到我地，可惜只有2人座位空缺...只好繼續等...叻沙湯麵配越南札肉：札肉厚切，湯底較淡，非慣常食到ge叻沙味。

美綠暴龍可可：朋友點的，所以冇試味，但見到1/4杯滿滿ge可可波豬骨雞湯麵配手撕雞：配料好多，除左手撕雞仲有肉丸、豆卜、魚片。

薑汁奶茶：總算有點點馬來風味。

雙檸桔子蜜茶：朋友點的，所以冇試味。

沙嗲串燒：味道正常，偏乾少少，但沙嗲醬掛唔到上串燒，一點就跌走了，只好用筷子夾個醬黎食。

為左懲罰黃店，今日同屋企人去沙田新城市就順便食依間大概係附近唯一黃店的mimila大概大家都本著幫襯黃店既心去既，加上枱與枱要隔開，而且有d客食完仲坐一陣傾下計咁，所以都等左成個鐘先入得......叫左碗蝦湯麵+牛肉，講真我期待得有d高，所以都幾失望，碗麵冇咩味，米粉又唔嗦味，牛肉就真係白灼肥牛，係油麵好少少。

反而喇沙飯個喇沙汁做得幾好，試吃左屋企人叫既喇沙肥牛飯後都幾後悔點解唔揀喇沙湯底。

最後三個人叫左兩碗麵一個飯，兩杯加錢咖啡同一杯正價飲品後都要400幾，下次大概會行遠少少去瀝源果度既黃店既🤔

Mimila餐單提供馬來西亞菜, 粉麵, 米線等推介美食位於沙田區，餐廳座位數未知人均消費約$101-200，結賬可以用Visa,Master,現金,八達通,銀聯,Apple,Pay,Google,Pay，Booking訂位可以電話致電 24789398 查詢。

您對於沙田餐廳「Mimila」有何 comment？

Mimila餐廳詳細資料：

• Mimila地址:
  沙田沙田正街18號新城市廣場1期7樓704號舖
  Mimila, Shop704,7/ F, New Town Plaza Phase1,18 Sha Tin Centre Street, Sha Tin
• Mimila電話: 24789398
• Mimila價錢: $101-200
• 分類: 馬來西亞菜, 粉麵, 米線
• 座位: 未知
• 付款: Visa,Master,現金,八達通,銀聯,Apple,Pay,Google,Pay
• FB專頁: Mimila Facebook

更多Mimila相關資料:

• Mimila分店
• Youtube
• Facebook
• Twitter
• Google