平昌 樂富

平昌 評價 相片

我最喜愛韓燒店｜平昌由韓國人親自主理嘅平昌韓燒，我由多年前得旺角兆萬分店嘅時候已經多次幫襯支持，除咗我覺得佢係當時最初期韓燒興起時其中一間最authentic嘅韓燒外，我仲欣賞佢食物質素相當高，韓燒豬皮仲係全港one of the best🙌🏻😋平昌最近仲喺樂富廣場開咗第二分店，近近哋我一定要去試吓😍晚市韓燒——世子御膳 (Set B)🍽️人均：$350🕰️時間：兩小時任食任食韓燒就係不停食😋以下係我最鍾意嘅！豬皮❤️❤️❤️❤️佢豬皮面塗上蜜糖，所以燒嘅時候都唔會飛出嚟彈起！好聰明，又好食😋牛前胸腹肉❤️❤️算薄切，但好滑嫩，入口即溶👍🏻香草五花肉❤️❤️❤️辣調味豬五花腩❤️❤️❤️幾時都話五花肉燒烤包生菜係最好食嘅配搭！香草同辣味都好好食😋帶子❤️❤️帶子細細粒，但係好新鮮🙌🏻北奇貝片沙津❤️❤️燒烤咁熱氣食少少沙律都好嘅，健康少少呀嘛🥰牛骨湯❤️❤️❤️牛骨湯熱辣辣即叫即煲勁好味，牛骨都有成45塊，有少少粉絲喺入邊👍🏻好正😍水冷麵❤️❤️水冷麵麵唔失望，但如果加少少冰塊會更完美🤟🏻炸紫菜粉絲卷❤️❤️熟食都好有驚喜！又脆又熱🤤Bible rating: 9.5/10📍地址：平昌 (樂富)樂富聯合道198號樂富廣場A區3樓3104號舖

今日黎到樂富廣場呢間 平昌 係韓燒放題呀😍 好耐之前食過旺角果間 原來呢間係新開～～ 入去坐低即刻有泡菜同埋開左個爐 仲有爐邊蛋呀😋 跟住揀餐啦 咁今次我哋就揀左set B世子御膳 係可以食埋大君既餐牌 想多啲選擇😬 肉類方面 好多選擇呀 我哋叫左都好多🫣 樣樣都想試下🤣🤣牛：淨係叫左世子既餐牌 有牛前胸腹肉、T骨牛排、牛肉眼、調味牛舌、西冷 😋特別推薦嘅係牛前胸腹肉 有肥有瘦 最有牛味 應該食左十幾塊😝豬：叫左辣調味豬頸肉、西班牙捲狀豬腹肉、辣調味豬五花腩、辣汁薄切五花腩片 佢啲辣調唔算好辣 但好好味🤤 推薦辣汁薄切五花腩片 薄薄一片加埋泡菜 整個生菜包住 真係好好食😌 海鮮方面都有唔少選擇呀～ 帶子、蛤蜊、蠔、魷魚、青口、扇貝～ 覺得最好食係魷魚同帶子 好鮮又大粒😋 飲品區都唔少選擇～唔少得既梗係韓式料理啦😋水冷麵好好味呀 燒完肉肉熱辣辣 食啖冷麵真係好爽😌 豬肉泡菜湯 熱辣辣仲係滾住咁上枱 味道岩岩好 豆腐又好滑😋 海鮮蔥餅 大推👍🏻 本身已經熟左 但放上爐再烤多陣 邊邊脆脆咁仲好食😗 仲有紫菜飯 麻油味勁香 同埋好新鮮既北寄貝片沙律🥗整體來講 呢間平昌 環境舒適好有韓國嘅感覺 店員服務態度好 食物方面都好多選擇 以後食韓燒又多個選擇😬👍🏻

又到食肉獸食燒肉嘅日子啦，今日去咗樂富廣場嘅「平昌」食韓燒，有3個套餐選擇「大君、世子、國王」，我哋揀咗$228嘅大君套餐，已經包含咗50幾款嘢食，有8款牛肉，非常抵食👍🏻除咗泡菜同豆芽之外，套餐包括咗多款韓國料理，最鐘意食醬油醃鵪鶉蛋，醬油味香濃入味，魚餅炒年糕亦非常好食，醬汁辣辣地甜甜地，年糕軟淋淋，正🉐牛肉包括LA牛排、烤牛肉、肥牛片、牛舌、牛肋骨肉等等牛排肉質軟稔，一啲都唔韌，牛味比較重，好食推介👍🏻牛舌爽脆彈牙，只需要輕輕燒到兩邊微焦，入口香脆有咬口，只需點上麻油鹽調味非常美味豬肉有9款選擇，豬梅頭肉、薄切五花腩片、豬頸肉、豬五花腩，有各種不同口味：原味、辣味、燒汁，五花腩片肥瘦相間，燒烤後將有油份迫出，食落去一啲都唔膩，配上麻油鹽香口惹味👍🏻套餐亦包括多款海鮮，有青口、扇貝、虎蝦、魷魚、鰻魚、鯖魚，各樣海鮮都好新鮮，虎蝦爽口彈牙，魷魚煙煙韌韌，鯖魚燒到表皮焦脆後點上燒汁味道一流推介一人份量嘅辣豆腐海鮮湯👍🏻上枱時仲系熱辣辣，材料非常豐富，有蝦、蟹、魷魚、蜆肉，湯底鮮味，辣得黎非常開胃📍平昌 (樂富)樂富聯合道198號樂富廣場A區3樓3104號鋪人均消費：$200300食物：⭐️⭐️⭐️⭐️⭐️環境：⭐️⭐️⭐️⭐️回頭率：⭐️⭐️⭐️⭐⭐️

平昌韓燒放題原來係樂富廣場都有分店，餐廳環境整潔光猛，枱與枱之間有適當距離，空間感十足。

員工服務友善，上菜速度亦非常快。

同朋友order咗大君御膳套餐，包括基本嘅肉類，海鮮，蔬菜，料理等，和飲品任飲。

客人只需要係膠板填上食品編號落單，好環保♻️首先講吓肉類，多款味道既豬牛雞，我最鐘意嘅就係佢嘅L.A. 牛排，其實就即係牛仔骨。

秘製醬汁腌得相當入味，加上厚度又夠厚，鐵板燒得可以有空間控制個熟度。

另外，牛肋肉亦都好推薦，雖然係屬於無腌嘅肉，但牛味係非常之濃，燒到3成4成熟，再點少少燒汁咁食，已經夠哂出色。

雞翼同雞肉都好精神，特別係雞翼，每隻size 都好好，望落好飽滿，所以較易燒得靚啲。

豬肉方面就更加全面，最傳統嘅腌豬肉，五花腩，豬頸肉都有，配埋生菜大啖咁食就最滿足！海鮮方面，調味鰻魚，虎蝦，鯖魚，扇貝，青口等。

種類選擇夠之餘，質素都唔錯，每樣嘅肉質食落都新鮮，食肉食得漏漏地，夾埋啲海鮮類食下都唔錯。

其實唔係淨係得燒肉食ga, 韓式料理都好多款可以選擇，由前菜，煎餅，小炒，醬湯應有盡有。

個人最欣賞嘅就係佢嘅就有海鮮豆腐湯，海鮮煎餅，炒粉絲。

味道同出品真係拍得住正宗韓國味道。

今次去咗樂富嘅平昌韓國，好耐之前試過佢嘅旺角，今次轉佢樂富度開，一於試吓佢！我哋揀咗幾款韓式海鮮同烤肉，全部都好好味。

辣調味烤牛肉，佢個肉質好鮮嫩，，辣味啱啱好，辣唔太刺激，仲有微微甜味。

虎蝦同半殼扇貝，都係好新鮮嘅，海味好突出，真係好鮮甜。

魷魚唔會太硬，啲魷魚本身嘅味道都好香濃。

醬油鵪鴞蛋，係我覺得最驚喜嘅一款，蛋白好嫩滑，鵪鴞味道好特別，同埋醬油味又唔會太重，真係好好食。

石鍋拌飯同埋辣海鮮豆腐湯都係韓式料理嘅經典，味道非常正宗啊。

石鍋拌飯米飯好有嚼勁，拌埋啲蔬菜同埋肉末，啲調味又啱啱好，食落好滋味。

辣海鮮豆腐湯就係啲豆腐好滑嫩，加埋啲海鮮同啲辣椒，啲味道好鮮又好香。

水冷麵，係夏日食最適合唔過啦。

麵條好有彈性，配埋啲青瓜同埋蛋，啲醬汁酸酸甜甜，真係好開胃。

平昌餐單提供韓國菜, 烤肉, 韓燒等推介美食位於樂富區，餐廳座位數未知人均消費約$201-400，結賬可以用Visa,Master,現金，Booking訂位可以電話致電 39041183 查詢。

您對於樂富餐廳「平昌」有何 comment？

平昌餐廳詳細資料：

• 平昌地址:
  樂富聯合道198號樂富廣場A區3樓3104號舖
  Pyeong Chang Korean BBQ, Shop3104,3/ F, Zone A, Lok Fu Place,198 Junction Road, Lok Fu
• 平昌電話: 39041183
• 平昌價錢: $201-400
• 分類: 韓國菜, 烤肉, 韓燒
• 座位: 未知
• 付款: Visa,Master,現金
• FB專頁: 平昌 Facebook

更多平昌相關資料:

• 平昌分店
• Youtube
• Facebook
• Twitter
• Google