Sugar & Spice 東涌

Sugar & Spice 評價 相片

今次叫嘅二人套餐有驚喜，海南雞飯超哂水準，皮脆肉滑，加埋個醬汁酸酸辣辣，真係連飯都清哂😋主菜四選二，我地選海南雞同泰式滷水豬手。

蔬菜二選一就選泰式炒飛天通菜。

飯就轉咗黃薑飯。

上菜好快，最鍾意就係擺盤整齊，而且份量超多。

先講海南雞，雞皮顏色夠黃，見到都流口水。

雞皮係爽脆嘅，薄薄地，啫喱都薄薄地，唔會太肥太膩。

雞肉就好滑，無腥味，唔沾醬都好食。

而個醬就係典型泰式海南雞醬，開胃。

泰式滷水豬手好淋，質地似煲湯豬手，入口即化，唔係德國燒豬手果種有嚼勁嘅口感。

啖啖肉不用lun 骨，而豬皮就好似啫喱咁滑入口。

味道係有層次的，唔會係死鹹。

豬手都有個醋汁，都幾清新。

炒通菜係食到有鑊氣嘅，都開始當造，入口無渣，試過冬天食就真係麻麻。

黃薑飯香口，冬瓜湯都幾有雞味，呢餐我都好滿意。

成日經過未好吸引終於有機會試下下午茶套餐：「豬扒乾撈檬+無骨鳳爪沙律」$60俾左一盒滿滿既醬汁俾我地撈但唔知點解好奇怪⋯落哂成盒都仍然覺得唔夠味咁😣豬扒有點太乾同太硬😣😣反而，鳯爪沙律不錯～不過不失～小小辣咁「泰式炒金邊粉」$55本身都幾期待⋯但一食就好失望啦🙈好淡，唔夠味同炒得過乾😣😣「香茅雞中翼」$12出奇地好食！ 雞中翼好入味😋再加泰式辣醬點綴，味道好夾😊推介👍🏻👍🏻👍🏻「芒果糯米飯」$55飯後甜品，點可以少得芒果糯米飯呀🤩芒果好足料，分量充足，而且好夠甜白糯米都好黏口，好味～但黑糯米個邊就太生太硬啦⋯食左兩啖就放棄左啦🙈

咁岩撞正下午茶時間，又未食lunch ，就試下呢間嘅下午茶餐，一個套餐除左主食，重有小食加熱飲，大概五十幾蚊，都算幾抵嘅！我揀左個豬排湯金邊粉+雞翼+熱奶茶外賣係湯、麵分開裝，咁d麵就唔會浸淋哂！睇落都幾豐富呀先講豬排，我略嫌佢乾身左少少，唔夠軟，味道係唔錯，如果濕潤返d就好喇！不過好彩係食湯麵，有d湯平衡返！麵底唔錯，唔會過淋，重有一舊蘿蔔，蘿蔔出奇地好鮮甜，個蘿蔔幫成碗野加唔少分，可惜得一舊，哈！湯底清清地，係泰式味道，唔會完全無味！雞翼香口，都幾有汁！雞翼好食過豬排😂整體叫做係不過不失嘅下午茶，成個lunch set 咁，價錢合理，唔錯嘅！

Sugar & Spice (東涌) 📍東涌富東邨富東廣場地下45號舖東涌食泰菜又近地鐵站🚉的非Sugar & Spice 莫屬，成日經過見到黑糖珍珠泰式奶茶🥤同黑糖珍珠椰汁🥥冰都係20 蚊杯，充滿泰國🇹🇭風情又有台灣元素，決定買杯試試。

首先價錢好合宜，平時買台式珍珠奶茶🧋都30蚊起，但呢杯FUSION 奶茶只需20蚊。

😍珍珠非常煙韌有咬口，過足冷河，非常Q彈。

濃濃黑糖做到掛杯效果，開頭以為會好甜，但因為加左冰粒，甜度適中，泰式奶茶🧋用上手標奶茶底，入口順滑😌#東涌#泰國菜#sugarandspice#黑糖珍珠泰式奶茶#黑糖珍珠椰汁冰🥥#煙韌#黑糖#掛杯#手標茶

東涌食肆唔叫多，大多連鎖店，當大家只會在商場揾野食，🤗其實商場以外有小店質素唔錯，😋呢度既泰菜價錢合理又好味。

環境雖然細，但唔算多人黎，唔洗等好耐就有得食泰式青咖喱雞肉配飯 $55雖然青咖哩理應比其他咖喱辣，但出面食既都係得隻色，其實就得股甜味 ，👀呢間既就真係有辣味啦。

👌而且湯裡料又多，飯又一大碗，份量很足夠冬蔭公湯金邊粉 $58🤩好大一碗冬蔭公湯，酸得黎，少辣，好開胃😜配菜都唔少，🍤仲有一隻大蝦，咁既價錢同質素，絕對可以接受.黑糖珍珠泰式奶茶 跟餐$15😙見加十幾蚊就有黑糖珍珠奶茶，就試下。

感覺不過不失，而且比較偏甜，茶味未係好出。

Sugar & Spice餐單提供泰國菜等推介美食位於東涌區，餐廳座位數20人均消費約$50以下，結賬可以用AlipayHK,支付寶,現金，Booking訂位可以電話致電 29076060 查詢。

您對於東涌餐廳「Sugar & Spice」有何 comment？

Sugar & Spice餐廳詳細資料：

• Sugar & Spice地址:
  東涌富東邨富東廣場地下4-5號舖
  Sugar & Spice, Shop4&5, G/ F, Fu Tung Plaza, Fu Tug Estate, Tung Chung
• Sugar & Spice電話: 29076060
• Sugar & Spice價錢: $50以下
• 分類: 泰國菜
• 座位: 20
• 付款: AlipayHK,支付寶,現金
• FB專頁: Sugar & Spice Facebook

更多Sugar & Spice相關資料:

• Sugar & Spice分店
• Youtube
• Facebook
• Twitter
• Google