Khaotip Thai 東涌

Khaotip Thai 評價 相片

上個月原本應該飛咗去泰國，疫症關系，泰遊冇咗，為咗俾驚喜朋友，搜索到open rice呢間隱世冇咩人發現嘅泰菜餐廳，好好彌補朋友嘅生日泰遊餐廳位置唔近地鐵站，所以我哋選咗搭藍的過去$22蚊收費，直到餐廳門口，有世外桃源感覺，似燒烤場路徑咁，附近植物、矮屋為主一入餐廳，就有種去咗泰國遊行感覺，最舒服感系見到一張張竹藤椅職員好熱情咁問坐室內定室外，由於晚上較清涼關係我們選擇了室外，職員細心借蚊怕水使用而我哋兩個女生選菜單，整整11頁Menu，睇到懷疑人生，哈哈，連魚都已有68種的吃法，太誇張！鳳爪沙律$80比平時外而嘅鳳爪沙律更酸更辣，我就非常鐘意佢沙漠內加咗青瓜絲、紅蘿蔔絲、仲有洋蔥絲，幾種口感加埋十分消爽開胃，作為前菜冇得輸燒豬頸肉配椒汁 $88好香嘅炭燒哋，豬頸肉肉質實得嚟唔韌，又唔會過原，有淡淡嘅炭香，個汁系最鐘意嘅地方，應該系自己配製，因出面食豬頸肉配嘅醬汁好多時都店家調製，呢個汁嘅未似沙嗲、唔辣、帶甜味，同其他肉類襯搭可能都唔錯酸甜魚 $188平時出街食泰菜魚類最多24款內，呢到睇到啞晒，最少68種寫法，揀咁個平時唔常見嘅酸甜魚，食落味道似江蘇菜「原條糖醋松鼠魚」咁，唔同之處泰式嘅魚肉已切成片裝，盡量已去骨，少量大條嘅骨，方便入口，外皮脆口，配埋個酸甜汁開胃嘅熱食，本身就中意食魚嘅我，食到唔停口生菜包（豬）$80生菜包有豬、牛、雞揀，而一向我都鐘意配豬肉多d，辣度適中，我本來就鐘意食辣，如果你地唔系咁食辣，可能要問下有冇得少辣d喇，同外面食到嘅質素一樣，唔多講喇~食到最尾啱啱好菜同餡嘅份量系啱啱好，哈，神奇龍眼冰x2 $60呢排天氣轉熱，戶外食泰菜最好就系叫番杯凍飲，一上凍飲就即飲幾啖，唔過甜，去核龍眼好多粒，我同朋友最後連龍眼都消滅埋，完美真系以「隱世餐廳」嚟型容，因為入嚟唔咁方便，所以都系就放假同慶祝朋友理由先過來一試講到菜式非常滿意，食物質素到家、餐廳氣氛渡假感受、員工貼心6:30開飯食到7點幾開始已見好多街坊來幫襯，走嘅時候甚至爆場，所以話有質素餐廳真系絕對唔使怕爆場，今次滿載而歸，食得好開心嘅餐聚

Khaotip Thai係一間喺村屋地下嘅泰菜店，雖然位置比較偏僻，裝修亦比較簡單，但全店由廚師到侍應都係泰國人，加上餐廳有一半位置都係室外同埋食客比村口其他食店少，感覺好似去左清邁或者柬埔寨旅行咁，好relax。

餐廳入面只係開左一半冷氣，但有多部座地風扇，雖然冇冷氣凍嘅感覺，不過坐落都唔會熱。

由於餐廳始終喺郊外地方，唔多唔少都會有蚊，所以餐廳除左例牌有酒精搓手液之外，亦有蚊怕水提供，非常貼心。

一般嘅泰式小食、咖哩、海鮮、蔬菜、飯麵、甜品同飲品都有，價錢雖然唔見得特別平，但份量就好足比出面多，不過留意返想食蟹都要早一日訂。

同埋可能村屋泰菜店平時少人食，食材未必入太多，所以見餐牌雖然冇生蝦，但我就見倒有人食，估計哩類新鮮野都係要預早訂先有。

椰青($38)椰青雖然唔算好甜，但好抵飲，普通泰式特飲$30/杯，椰青都係貴$8。

椰青飲落只係少少涼，如果想凍啲可以叫侍應俾杯冰。

椰青肉唔太硬，好易挖，飲完我地食晒成個椰青肉。

龍眼冰($30)龍眼冰夠冰凍，而家天氣咁熱飲返啖勁透心涼，龍眼冰味道偏甜，入面都幾多龍眼肉。

泰式凍咖啡($30)如果唔怕訓唔著，哩杯泰式凍咖啡係必點。

平時泰菜店泰式奶茶就多，但泰式咖啡就唔多地方有，哩個咖啡好香咖啡味，但飲落又唔會好苦，拍得住喺泰國當地嘅咖啡。

串燒沙嗲($88)沙嗲一客有六串，每串都好大串又厚肉，有豬牛雞，我每樣要左兩串，串燒唔會燒得太乾，蘸埋沙嗲醬食好惹味。

紅咖哩豬($80)咖哩同樣有豬牛雞揀，我地揀左豬，咖哩唔算太杰身，但味道都幾香濃，配白飯或者蒜蓉包都好食。

蒜蓉包($28)蒜蓉包份有五塊，蒜蓉味幾香，烘到外脆內軟，蘸咖哩食好正。

香茅燒魚($188)燒魚魚皮燒到脆脆地，連魚鱗都食得，因為魚皮用粗鹽醃，所以會比較鹹。

魚肚入面放左好多香茅一齊燒，所以特別香。

魚肉唔會燒得太乾，冇乜碎骨，蘸埋隔離個泰式酸辣汁好開胃好味。

芒果糯米飯($58)芒果同黑白糯米飯都多，好飽肚。

芒果生左少少唔夠腍，不過糯米飯好食，白糯米軟腍，黑糯米就好有咬口。

總結，食物唔錯，野食好大份，唔洗加一好抵食，不過我最鍾意都係個環境，雖然簡單，但好有渡假feel，就算冇得出國，黎哩度食返餐泰國菜都好似去左旅行咁。

五一黃金週，去完東薈城行街shopping，就嚟到Khaotip Thai食晚飯！泰式冬蔭功（細）$80好大隻蝦！餐廳預先去咗蝦頭，夠曬細心！湯底夠酸夠辣，加上大量秀珍菇，車厘茄、泰式香料等，好正！泰式燒魷魚 $80魷魚爽口彈牙，又夠鮮味，加上泰式辣醬，唔錯！串燒沙爹 $88我哋選擇咗豬、牛、雞，各兩串！每款都燒得剛好，加少許沙爹醬，更美味！燒豬頸肉配椒汁 $88豬頸肉燒至金黃色，肉質保持嫩滑，點少少泰式醬汁，好滋味！泰式炒通菜 $65通菜炒得岩岩好，夠辣夠惹味，正！龍眼冰 $30清清甜甜的，食泰國菜必備！凍檸茶 $30餐廳用泰式茶底，有泰國味道，有驚喜！

同屋企人喺東涌行完山⛰，隨便喺下巔皮村口搵咗間泰國餐廳食個飯，雖然只係小店，但估唔到咁多人，好多人行完山都嚟食。

不過小店都有做足防疫措施。

呢度有室外同室內，不過驚夜晚多蚊都係坐番入面。

呢度應該係正宗泰國人開㗎，連侍應都係泰國人。

打開餐牌好似樣樣都好吸引，全部都好想食，可能行完山個人特別肚餓。

燒豬頸肉配椒汁燒得好香，豬頸肉爽口，配埋椒汁同埋生菜卷埋一齊食都有泰式風味。

生菜新鮮爽脆。

香炸蝦餅即製，見到金黃色外表，未食都已經知好味啦，果然食落熱辣辣，又香又脆，蝦肉爽口彈牙。

泰式燒魷魚，啲魷魚好新鮮，不過如果燒得再耐啲會更加好味。

椰青焗海鮮飯，原個椰青上🧉，夠晒睇頭，上檯時已經聞到陣陣椰香味。

個飯都唔細架，材料好豐富，面頭有腰果，食落更香脆。

泰式炒通菜，因為見餐廳寫住泰式，特別問下個職員會唔會好辣，個職員明明話唔辣，不過食落都幾辣，對於泰國人嚟講其實呢啲都算辣架啦🌶，大家自己衡量下啦。

但係炒得好香好惹味，仲有啲麵豉香。

最後甜品係必食嘅正宗泰國芒果🥭糯米飯，mix埋白糯米同黑糯米，啲飯暖笠笠，煙煙韌韌，好香椰漿味。

🥥今日行完山⛰燃燒嘅脂坊又毀於一旦啦🙈！下星期再努力吧！💪

疫情下gym room 吾開，唯有行山補數，可能好多香港人同我一樣，所以復活節長假期郊遊人多過旺角。

由東涌行左四個多小時到大澳，之後搭巴士往返下嶺皮村，就決定在村內食泰國菜，好友是東涌人，推薦了Khaotip Thail 餐廳分為戶外、室內，樓底也高， 空間感絕對是無得比。

疫情下全港食店的枱至小要保持1.5 米距離，餐廳當然提供了酒精搓手液、量體溫等設施，令客人食得更放心。

 餐廳老闆和大廚也是泰國人，可以煮出一手正宗泰菜是理所當然的事。

細看餐牌菜色選擇十分之多、食物價錢和市區比較差不多。

行完幾粒鐘特別餓，我地決定今餐呢要大吃特吃。

 先飲碗$80 暖下胃鮮艷的橙紅色令人食慾大增， 材料滿滿，有蝦、秀珍菇、番茄、香茅和其他香草等，質感比一般的冬陰公更見管，味道香濃、又酸又辣，超醒胃。

燒大蝦 $188大蝦雖不以及越南虎蝦大隻， 但身形也絕對不小， 蝦身切開小許，瓖入蒜蓉和泰式醬汁，每一口除了鮮味外，也吃得出泰國地度風味、別浪費了蝦頭內的蝦膏，味道甘香可口；蝦肉新鮮爽脆， 有點貴但值得。

   泰式炒通菜 $65正宗泰國口味，以蒜蓉、麵豉 、辣椒等炒，食落帶小小汁，味道不會過份重口味。

 食泰國菜又點小得咖喱，有青/黃/紅咖哩， 肉類也有三款選擇，我們選了[黃咖喱雞]  $80店員將一大碗奉上時已聞到陣陣咖哩香，咖哩汁稠度適中 ；出乎意料，咖哩辣度比想像中低， 雞肉採用了雞腿部份， 全去骨，口感也特別好，送白飯式薄餅一流。

 咖喔雞應該用來送白飯，但我們偏偏選了$88炒飯原個上，很有壓埸感，材料真心多到瀉， 有菠蘿粒、提子乾、泰國臘腸、大蝦、腰果、肉鬆、蛋絲， 多到真係差點數唔晒。

炒飯濕濕地，好易入口， 黃薑粉令香味更提升，材料超豐富基本上每一口也會吃到不同材料，份量十足超抵食。

 食左咁多濃味野， 飲一口原個即開 $38 清清味蕾，大滿足! 想吃正宗泰國菜，不坊來 Khaotip Thail  試下， 順道可以呼吸新鮮空氣。

Khaotip Thai餐單提供泰國菜, 海鮮, 咖喱, 沙律等推介美食位於東涌區，餐廳座位數未知人均消費約$50以下，結賬可以用現金，Booking訂位可以電話致電 54024949 查詢。

您對於東涌餐廳「Khaotip Thai」有何 comment？

Khaotip Thai餐廳詳細資料：

• Khaotip Thai地址:
  東涌下嶺皮村10號地舖
  Khaotip Thai, G/ F,10 Ha Ling Pei Village, Tung Chung
• Khaotip Thai電話: 54024949
• Khaotip Thai價錢: $50以下
• 分類: 泰國菜, 海鮮, 咖喱, 沙律
• 座位: 未知
• 付款: 現金
• FB專頁: Khaotip Thai Facebook

更多Khaotip Thai相關資料:

• Khaotip Thai分店
• Youtube
• Facebook
• Twitter
• Google