+-x茶 (廣華街) 旺角

+-x茶 (廣華街) 評價 相片

✨食完野見口渴，諗住行吓睇吓有咩野飲，見到依間［+x茶］好似喺新開既未試過，又見門面幾靚，而且又唔算貴😉，仲要都算多味道可以揀，所以沖左入去買黎試下...‼️.💬草莓起司奶蓋 💰$30奶蓋係奶味重啲個種，唔知點解無咩咸咸地既芝士味🧐？偏淡......😣，奶蓋既口感算ok，口感夠厚，但係味道唔係太啱我囉🤷🏼‍♀️，我比較鍾意有芝士鹹香味嘅多啲，重點係草莓味，味道好假😅，所以好失望😞。

..

經過旺角見到呢間裝修幾靚嘅表手調飲品店，大熱天時想飲返杯清新解渴嘅飲品。

睇咗好耐，我見到平時好似好少見到嘅氣泡茶， 所以就問下店員推介咩口味好。

店員非常有禮貌，佢話如果想清新解渴嘅話，不如試下原片西柚香橙氣泡茶啦。

咁我就叫話好啦，佢又再問要唔要少甜少冰，因為平時出去飲嘢，正常糖都好甜，所以我叫咗少甜。

等咗大幾三分鐘， 店員就送上杯嘢飲喇。

杯西柚香橙氣泡茶個改表都幾靚，有啲漸變色咁。

味道方面，有淡淡嘅茶香，佢地好細心咁將啲西柚同埋橙變成一粒粒，令你每一啖都食到啲新鮮果肉，唔係粒粒橙嗰種，成杯野都真係好解渴，但如果茶味再出啲就好喇。

同埋我叫咗少甜，但飲落都真係唔係好甜，利申我平時飲嘢飲開微甜都覺得甜， 所以建議大家飲呢杯嘢嘅時候可以叫返正常甜就ok喇。

有樣嘢好搞笑嘅係， 我飲緊嘢嘅時候間鋪頭喺度播緊「點解咁x肥 點解咁x肥 因為你食嘢求x其」, 我笑咗，但好彩我飲緊杯野係唔肥㗎啫😂另外我仲見佢有啲日式茶漬飯，好似幾好食咁， 相信係健康之選，下次試下先。

門口仲有個蛋糕櫃，都好似好好食咁，有機會嘅話食完再話比大家聽好唔好食啦😉

油麻地新開左間手搖店 見幾得意就試下先少見既素食奶蓋☺️今次呢個係豆腐加堅果 但無咩奶蓋既感覺 似係好creamy既豆腐only～～無咩堅果味...無左真係奶蓋既嗰種咸味 而且mix唔埋啲果汁 有啲失望😞但佢個底係紅菜頭汁 加埋啲巨峰粒 就幾有口感😆 夠healthy啲 而且我係簡無糖😂😂 紅菜頭本身都好健康 有維他命 B12 可以幫助通便排毒同延緩衰老，仍都有抗氧化，可以補血和預防貧血👍🏻 除咗紅菜頭汁 佢仲有另外兩款:

今日行街好熱想買杯凍茶飲，見好多茶店都大排長龍⋯⋯正好見到哩間新開茶店，睇裝修幾靚，又未試過，就買嚟試吓！但奶蓋就已好早，八點幾已無哂🙄就叫咗白桃烏龍同鹹檸檬柚子蜜茶，白桃烏龍茶幾香桃味，但就清淡啲。

鹹檸檬柚子蜜就幾好夠味，但下次咁熱時都係唔好叫少冰，好快啲冰已溶哂😅

同朋友食完野口渴路過諗住飲杯飲品就見到呢間飲品店，朋友上次話飲過幾好飲所以帶左我去試，餐廳裝飾好光猛同幾靚，um...結果真係好強差人意...我地叫左杯比較諗住正常既宇治抹茶latte,個杯好靚嫁，職員已經叫我地搖暈先飲，點知我搖左先飲但佢連抹茶粉都未搞暈，d粉都未溶晒就俾左我地，飲左一啖成口咬落去都係苦同未搞溶既綠茶粉....另一杯朋友話想飲酸甜d既果汁類，原塊西柚香橙氣泡茶，份量的確好大杯...但係...真係好酸...味道入口係酸到一個點...建議餐廳下次整飲品時先睇清楚d粉係咪真係搞暈晒先俾客飲，同埋調較飲品既味道同份量真係要注意一下，sorry..不喜勿插，飲落係失望，真心有待改善。

+-x茶 (廣華街)餐單提供台灣菜, 台式飲品, 咖啡店, 茶館, 少鹽少糖食店等推介美食位於旺角區，餐廳座位數未知人均消費約$50以下，結賬可以用現金，Booking訂位可以電話致電 55880295 查詢。

您對於旺角餐廳「+-x茶 (廣華街)」有何 comment？

+-x茶 (廣華街)餐廳詳細資料：

• +-x茶 (廣華街)地址:
  旺角廣華街1號仁安大廈地下24A號舖
  Teaculation (Kwong Wa Street), Shop24 A, G/ F, Yan On Building,1 Kwong Wa Street, Mong Kok
• +-x茶 (廣華街)電話: 55880295
• +-x茶 (廣華街)價錢: $50以下
• 分類: 台灣菜, 台式飲品, 咖啡店, 茶館, 少鹽少糖食店
• 座位: 未知
• 付款: 現金
• FB專頁: +-x茶 (廣華街) Facebook

更多+-x茶 (廣華街)相關資料:

• +-x茶 (廣華街)分店
• Youtube
• Facebook
• Twitter
• Google