黑洞 旺角

黑洞 評價 相片

伏中之大伏星期日入到去無人都覺得奇怪架啦，見之前fb啲片有pub，講到天花龍鳳，openrice都幾好評，即管試下。

點知，假嘅！最恐怖的經歷🤮叫左佢個dinner set，由餐湯開始一切無味到主菜，意粉無味嘅，漢堡啲薯條淋嘅，雞翼得個油字都算啦，我當60/70蚊晚餐set係咁上下質素點知，食食下個焗豬扒飯有隻大曱甴，嚇到我成個彈起加尖叫即刻無哂胃口兼想反胃，成餐飯連野都未飲就即走同店員講左，佢無收個個set錢但條氣都好唔順，早知call食環但恐怖啦，永遠的黑名單👋🏼

由開業到今日 我幫襯過唔少次lunch.b餐漢堡 同 e餐肉眼扒 係唔錯嘅.漢堡份量夠 唔乾身 .牛扒煎得好 有肉汁.另外卡邦尼意粉 同 南瓜汁帶子意粉.味道唔錯 但可惜份量太少 希望改善.呢兩樣我都食過一次 食完 都要再買麵包去充飢.但係黑松露意大利飯 真係唔好叫.冇味 好似食粥甘 份量又少整體lunch 一定推介 b同e餐 .但意粉類就要小心份量 .我都仲會keep住幫襯 因為味道真係唔差 .當然我只會叫 b同e 已經對其他餐有d怕 如果份量改善左 希望老闆係餐廳/餐牌入面講聲 我會再支持

經過見到餐牌價錢幾抵，就入去食下。

7點半左右，差唔多滿座。

叫左蒲燒原條鰻魚飯($7X)，澳洲扒拼薯條($6X)。

每位都有一客湯，白湯較淡，而且湯料少之有少。

蒲汁送飯唔錯既，鰻魚不過不失，鰹魚乾令舍飯唔單調。

不過，男仔食一定唔夠飽。

以尼個價錢，可以係同區食到更好食既食物。

擺盤明顯比鰻魚飯靚d，望落開心d。

薯條炸得ok，扒帶筋，鍾意食有口感既扒既人，會鍾意尼款扒。

整體，餐廳裝潢係有心思，某d食物既賣相係唔錯，眼見隔離枱叫既食物雖然平，不過望落比自己叫個d吸引d。

好唔好食真係見人見智。

見到晚飯幾平,就試下,雞扒飯轉了意粉雞扒幾多汁,雞扒真係幾出色可惜個醬汁一般,調味較差單純個雞扒我會比8分個醬汁就減一分,所以雞扒就7分不過重點來了個意粉.................有怪異味.........似垃圾房的味咩玩法............特色野??雞扒完全正常,但個意粉有怪異味?意粉點食啊試了一口,怪怪地,隻味似怪異味然後再試下其他位置的意粉..........又係一陣臭味.................點食.........................我真係唔明點解意粉會有垃圾味,你比個差的意粉我都算你都唔好比有怪味的意粉我...........雖然個飯唔貴,但個意粉我真係食唔落件雞扒又正常....本身佢跟白飯,點知我轉白飯,佢就比個有怪異味的意粉我............轉意粉重要加錢..........加錢買難食.....................本身雞扒我會比7分但你比個有怪異味的意粉我我就...........10分滿分味道:0/10香味:0/10外觀:5/10份量:8/10抵食度:0/10

去左旺角搵美食🥰呢間餐廳叫《黑洞》👀用唔貴既價錢已經食到好味既西餐了😆推薦美食❤️♡鐵板M5和牛牛肩肉我本身唔食太生既牛🥩呢間餐廳上菜時個鐵板燒熱左可以俾你自己選擇要幾成熟太感動了😭牛肩肉好好味我好喜歡💕♡ 藍帶吉豬外面炸得好香口裡面夾左芝士炸切左出黎會流心嫁🤤♡ 原隻波士頓龍蝦扁意粉用超過30隻龍蝦頭燉汁黎煮好香龍蝦味同意粉都超超超濃味👍🏻 食物質素份量同價錢好合理大家可以去試試呀😁

黑洞餐單提供多國菜, 扒房等推介美食位於旺角區，餐廳座位數未知人均消費約$51-100，結賬可以用現金，Booking訂位可以電話致電 27966128 查詢。

您對於旺角餐廳「黑洞」有何 comment？

黑洞餐廳詳細資料：

• 黑洞地址:
  旺角通菜街2Q-2Z號鴻輝大廈B座地下2R號舖
  Black Cave, Shop2 R, G/ F, Block B, Hung Fai Building,2 Q-2 Z Tung Choi Street, Mong Kok
• 黑洞電話: 27966128
• 黑洞價錢: $51-100
• 分類: 多國菜, 扒房
• 座位: 未知
• 付款: 現金
• FB專頁: 黑洞 Facebook

更多黑洞相關資料:

• 黑洞分店
• Youtube
• Facebook
• Twitter
• Google