雲魅 旺角

雲魅 評價 相片

呢日去開旺角Office開會，就順便去彌敦道726大廈搵食。

唔知係咪疫情嘅影響，呢日竟然唔駛等笠😂。

呢幢大廈一向多嘢食就係人都知，但好多間我都已經試過，喺大堂見到有個花牌寫住18樓有新餐廳開張，就做白老鼠試下。

新餐廳叫「雲魅」，即係食乜㗎呢🤔。

無幾耐就有位年輕女店員同我哋介紹，原來係食米線㗎。

餐廳環境幾清新，有啲竹林風🎋。

可能因為新開，所以無太多食客好似我哋咁衝上嚟。

午市餐牌暫時係定價$88嘅套餐，包一份前菜、主菜(湯底+麵食)同埋飲品。

由於新開張嘅關係，套餐有8折優惠，即係$70.4，抵👍！第一款前菜我哋要咗傣族手撕鬼雞🐔，份量幾多喎，而且雞肉白雪雪，無乜下欄位。

味道仲好特別添，酸酸地，食得出係落咗青檸🍋，非常惹味，店員介紹呢個係傣族特色嚟！另一款前菜係涼拌萵筍絲，萵筍就幾時都咁好食，口感爽脆，點煮都無得輸。

涼拌醬汁帶點微微麻酸辣，好開胃🤤，另外仲有啲花生粒。

主食嘅麵底可以揀七彩麵或者米線，我哋兩個人就可以試哂兩款。

估唔到麵食係分開上的😮，兩款麵上碟時已經淥好，之後先放落熱湯到加熱。

齋講麵呢份量就唔算多，細細碗。

🍜米線係平日嗰種，無乜特別；而七彩麵其實得三隻色，不過口感唔錯，掛湯一流。

第一款湯底我哋要咗雲魅香辣湯🌶，其實的確係見到有唔少辣椒，但無諗過會咁辣！辣度都幾勁下，無乜麻味同酸味，食起上嚟會有啲想咳🙈。

第二款湯底係雲魅蕃茄湯🍅，湯底好鬼紅，不過今次係唔辣的，而係有滿滿濃濃嘅蕃茄味，但隻味道同出面食開嘅蕃茄湯唔同，唔係好識形容，可以一試。

上菜上到咁上下先知呢到嘅米線其實好特別，好似打邊爐咁🍲。

因為除咗麵底外，仲有一大堆餸同配料放落個好似巫婆鍋嘅湯底度。

不過同麵條一樣，啲料係熟哂嘅，依個過程主要係為咗加熱啫～。

睇餐牌完全唔知仲有成堆配料囉，一上菜嘅時候我哋超驚喜😍，有咁多小碟猶如食緊韓國菜咁，非常繽紛🌈。

我本身睇餐牌心諗碗米線無肉食咁寡㗎，唔通個前菜就係餸？非也非也，每碗麵均配有幾片肥牛片🐮，下低就墊有生菜。

其他十款配料包括蘆筍、午餐肉、雪菜粒：蟲草花、生鵪鶉蛋、炸醬：炸腐皮、炸酥肉(最獨特)：以及芫荽蔥同炸魚片。

飲品方面，我哋都要咗凍紅棗木瓜冰粉，幾大杯之餘，仲好清涼解辣☺️，甜度適中，但略嫌冰粉份量比想像中少。

總括嚟講，我真係從來冇諗過食米線都可以打卡😚，雖然係噱頭，但味道亦算唔錯；期待湯底改良後會減辣。

餐廳似乎係由一家人經營，佢哋全部都勁好人，並主動幫我哋將個湯加熱，又問我哋意見，我相信用心經營一定會殺出條血路！

讚1.以食米線黎計，真係無幾何有咁骨子既環境，寬落舒服2.過橋米線係香港好少有店拿黎做主題，呢間仲加左幾個唔同湯底，揀左基本既款，少少酸，有雞香，個湯好過好多店，醃料多款，酸菜開胃微辣，炸醬辣得黎係有少少鹹香，呢兩樣好好送米線，其他既豬腩肉都好味，3.服務好，職員會教你落邊樣先，仲送埋野飲彈1.米線彩色係影相好，但係個人覺得唔夠滑，口感唔夠2.醃料入面既炸肉，好韌，難食3.土豆絲切得好，但醬汁酸味超強，唔太似雲南野又唔太四川野

環境優美，佈置得好清幽，大大的落地玻璃，令人坐得舒服，除了是打卡的好地方，還是朋友共聚的好地方。

店員也很欣勤有禮地服務，年輕的店主用心打造，誠心詢問顧客意見，不斷求進，非常有heart❤的年輕店主食物不錯，尤其是七色麵條，賣相好得，打卡是必須的😂，小食涼菜如土豆絲萵筍也好好味，特色甜品“魯包撻”都令人一試難忘，而且有不少養生飲料，適合一家大小，據聞仍有新的菜式陸續推出，滿心期待，是一間不可錯過的食店。

😍😍

彌敦道這大廈內可算是食店林立🥳西餐,日本,韓國菜,港式,應有盡有每層都各具特色♥️所以我間中都會嚟嘆返個午餐入升降機時見到有間新開既麵店🤔個名又幾優雅幾吸引 —「雲魅」見反正新既又未食過👀加上試業期間仲要有8折就同朋友到訪一下💪🏻原來呢到係食中式食品難怪店名咁優雅啦🤭而餐廳主打招牌菜係過橋米線香港米線店眾多🍲甚至可以話多到總有一間喺左近尤其係 <勿演懶肉山小勒>🙆🏻‍♀️而過橋米線同樣聽就聽得多但真正嘅食法到底係咪就係平時見到咁？又有幾多餐廳會咁做？🧐首先 選擇午餐的話除咗麵食仲會伴隨前菜當中有多達6款可選👏🏻肉/蔬菜亦有而我們選擇了 傣族手撕鬼雞 和 涼拌木耳前菜均為一人份量🙋🏻‍♂️兩者都帶微辣及醋酸零舍開胃🤤作前菜一流食完2個前菜後 我們都覺得好有風味所以就再叫多碟萵苣✌🏻上面配有大量花生爽淋 配 酥脆💋充滿層次味道像涼拌般 帶有酸酸和微辣但辣味不太濃😋相信就算不食辣的人都可接受重點來了⚠️⚠️⚠️原來真正嘅過橋米線💁🏻‍♀️係會用具有保持溫度嘅優點的砂鍋將冒住煙仍然滾燙着的湯底奉上🔥然後由食客逐一將多款小盤配料加入而「雲魅」既多盤配料中包括：肉食,鵪鶉蛋,魚片,酥肉等等⋯⋯合共有10小盤 和 1盤大份肉🤩當然店員亦會向我們清晰介紹材料及其擺放嘅先後次序👍🏻麵食同樣都會係分開盛上但已經預先燙熱好🍜所以就可以食幾多落幾多唔怕比湯浸得太軟淋👅整體來講店舖嘅食物都帶有淡淡嘅酸味提升食慾同時增添多重味覺👻店員亦非常親切有禮🥰所有查問及講解都清晰且詳細💕唔會嫌煩

雲魅位於旺角出名多好嘢食嘅726 18樓，店舖剛開業不久，所以客量不算多，而且招呼超熱情，正！Menu主打過雲魅橋米線/七彩麵，另外仲有飯食、小食、甜品等。

涼拌萵筍絲 $48萵筍絲清涼爽脆，微辣帶香，非常開胃，是很好的餐前小食！蒜泥白肉 $58用上了厚身的豬腩片，較有咬口，除了有蒜香味之外，還有誘人的醋香！雲魅老壇酸菜湯過橋肥牛七彩麵 $88嘩！一上菜嗰下真係俾佢個排場嚇親！估唔到同Menu嘅圖示一樣，勁到好似食緊九大簋咁，超級IG able！淨係個擺盤已經值回票價！老壇酸菜湯以鐵鍋上保持溫度，內含大量酸菜，和酸味不會太嗆，平衡做得不錯！配料包括炸醬、炸腐皮、魚片、餐肉、青瓜、車厘茄、鮮雞蛋等等，全部另上，好睇之餘仲可以逐樣慢慢嘆，唔怕被湯浸過龍影響口感，超讚！雲魅回鍋肉飯 $78同樣用上了厚身的豬腩片，而且煎至微焦，相當香口！豆瓣醬的味道也很突出！

雲魅餐單提供滇菜, 雲南, 粉麵, 米線, 甜品, 糖水等推介美食位於旺角區，餐廳座位數未知人均消費約$51-100，結賬可以用現金，Booking訂位可以電話致電 37050220 查詢。

您對於旺角餐廳「雲魅」有何 comment？

雲魅餐廳詳細資料：

• 雲魅地址:
  旺角彌敦道724-726號18樓
  YM Noodles, 18/ F,724-726 Nathan Road, Mong Kok
• 雲魅電話: 37050220
• 雲魅價錢: $51-100
• 分類: 滇菜, 雲南, 粉麵, 米線, 甜品, 糖水
• 座位: 未知
• 付款: 現金
• FB專頁: 雲魅 Facebook

更多雲魅相關資料:

• 雲魅分店
• Youtube
• Facebook
• Twitter
• Google