金蛋爆漿玉子燒 旺角

金蛋爆漿玉子燒 評價 相片

係旺角同朋友睇完戲經過，朋友話呢間既龍蝦同明太子玉子燒都好出名雖然一陣要番屋企食飯，但一場黎到又冇人排隊，決定買一份黎試下龍蝦沙拉＄30即叫即整，等左幾分鐘就到手啦！玉子燒熱辣辣，上面既木魚飛下飛下咁一打開已經聞到好香既沙律醬同蛋味！用叉一吉落去，就feel到玉子燒好結實蛋漿半流心玉子燒入口嫩滑，有蛋香龍蝦肉唔少，彈牙有鮮味仲有木魚、紫菜同粟米配上燒汁同沙律醬加上拉芝既視覺效果，性價比高唔好睇少佢細細份，都幾飽肚架！

.龍蝦沙拉玉子燒 ($30)食玉子燒最鐘意食就係佢個醬呢個有沙律醬 紫菜碎 木魚碎龍蝦玉子燒真係有龍蝦粒喺上面😍😍講下個玉子 佢係即叫即煎嘅 所以夠熱 亦都幾滑裡面仲有粟米同芝士 少少拉絲架😋😋聽講佢係由台北饒河夜市進註黎香港 相當值得試！(掃街不妨自備餐盒啊🥡😀😀)

滿滿芝士拉絲卷蛋2018/06/30油麻地A出口行向旺角街尾，對著H&M嘅街道，集聚了不同的小食店及飲品店，在馬路邊的小店。

可選擇不同的配料在卷蛋上，我選擇了培根玉米，但培根沒想像中香脆，培根有啲似火腿，冇煎香到金黃色。

卷蛋有讓人起出望外，軟綿綿像枕頭一樣的卷蛋，最難得係叉落去每一啖都有綿密嘅拉絲芝士，視覺效果非常好，芝士控一定唔會失望。

沙拉醬份量剛好，配合玉米培根，一個卷蛋都足夠飽肚，下次經過一定要再買黎食，非常值得推薦嘅街頭小食，如果有埋坐位，我會帶更多朋友去。

係Openrice見到呢個爆漿玉子燒好好食咁，是日經過一於去試吓！佢係隱藏喺威威小食中，唔多起眼，眼力少啲都搵佢唔到！對於明太子控嘅我，目標明確，第一次食梗係要試咗明太子爆漿玉子燒先啦。

12款裏便最貴就係呢個，價值＄32！鍾意食辣嘅朋友仲可以同佢講加辣，即係佢會預先幫你放七味粉喺裏面。

佢地係即叫即做，因為冇咩人等緊，所以好快就有得食喇！嘩😍😍！！！！個樣好靚好吸引！！切開第一舊拎起，啲芝士流晒出嚟同埋係可以拔絲嘅， 淨係睇個樣已經覺得好好食！因為啱啱整起所以裏面好熱，忍唔住要馬上放一舊落口，超juicy超好味！個玉子燒整得好滑好滑，味道又啱啱好！裏面仲有我鍾意嘅粟米，但說好的明太子呢？ ！原來佢根本唔係明太子，只係飛魚子😑不過都好食既。

呢間爆漿玉子燒真係值得一試嘅！不過如果夏天嘅時候，條街又熱人有多仲要企喺度等，等完又要企係人潮中度食都真係幾辛苦。

繼第二站之後，繼續我們「掃街」嘅第三站，我們就揀咗旺角登打士街嘅「金蛋爆漿玉子燒」，因見到他們嘅招牌寫著係台北饒河街夜市非常有名嘅小食店，所以我們就買咗嚟食！他們共有12款味道，有鹹味或水果即甜味嘅選擇，而我們就揀咗龍蝦沙拉！由於係即叫即做，所以要等一等先有得食，等咗一陣終於有得食喇，熱辣辣嘅玉子表面舖滿晒木魚乾、紫菜碎、龍蝦同粟米粒，切開一半軟綿綿嘅玉子，就會見到入面有軟滑嘅芝士同半流心嘅蛋漿，而且拉出嚟係有絲嘅效果，再配埋燒汁同沙律醬一齊食，真係好正呀！

金蛋爆漿玉子燒餐單提供台灣菜, 日本菜, 小食店等推介美食位於旺角區，餐廳座位數未知人均消費約$50以下，結賬可以用現金，Booking訂位可以電話致電 96204202 查詢。

您對於旺角餐廳「金蛋爆漿玉子燒」有何 comment？

金蛋爆漿玉子燒餐廳詳細資料：

• 金蛋爆漿玉子燒地址:
  旺角登打士街43號B舖
  Tamagoyaki, Shop B,43 Dundas Street, Mong Kok
• 金蛋爆漿玉子燒電話: 96204202
• 金蛋爆漿玉子燒價錢: $50以下
• 分類: 台灣菜, 日本菜, 小食店
• 座位: 未知
• 付款: 現金
• FB專頁: 金蛋爆漿玉子燒 Facebook

更多金蛋爆漿玉子燒相關資料:

• 金蛋爆漿玉子燒分店
• Youtube
• Facebook
• Twitter
• Google