葫蘆館 旺角

葫蘆館 評價 相片

逛完廟街,天寒地凍,行過呢間甜品屋,叫左個薑汁撞奶OK既,薑汁夠.奶味濃不過就唔係咁就腳!

在彌敦道好偶然看到在橫街有"薑汁撞奶"的宣傳，薑汁撞奶不容易做，材料份量要很準確，好奇之下走去看看，周日下午4時許人客也不少。

店内主要買各口味薑汁撞奶$22、傳統糖水$14(合桃糊、腐竹雞蛋那些)及小吃。

點了原味小辣薑汁撞奶(可選多或小辣)及下午茶$15(糖水加媡奶多士)。

撞奶頗軟滑，有奶香，而且辣味適中，但$22是頗貴的。

下午茶的芝麻糊便有點遜色，像開粉貨色，缺乏芝麻的香味。

其實去呢間店前有人話佢的奶係叮熱.唔好食我又唔係好覺....薑汁...唔係好辣而撞奶好滑...勁似豆腐花係價錢有的貴而扣分

炎炎夏日，正當孖芝逛到腳仔軟時，眼利的老公發現了這主打薑汁撞奶的小店，歇歇腳餐牌列了好幾款不同口味的薑汁撞奶，都幾新奇 有得揀多甜, 少甜, 走甜, 多辣, 少辣，可以很個性化的樣子~ 不過我倆首次試吃，決定維持原判，不作改動！ 阿華田味薑汁撞奶：很夠薑... 幾乎全蓋過阿華田，結果就是在吃薑汁撞奶。

也許下回試試少辣，效果可能會更好~ 朱古力味薑汁撞奶：朱古力較阿華田突出，香香甜甜的，孖芝比較受落撞奶算是凝固得不錯，不太水汪汪另外觀察所得，奶品都是即叫即撞，所以沒有凍吃服務嘛，因為老闆娘(估計)一人兼顧樓面，烹調，收銀... 所以我倆都沒甚麼要求了

同朋友仔食完一餐唔係好飽又唔係好食的晚餐後，本嚟諗住搵間麥當當坐係飲杯咖啡，點知可能因為係星期五的關係，麥當當超多人，咁夜又唔想等位，初時都決定放棄想送朋友仔搭車返屋企喇，又比我呢條為食魚見到呢間舖有個"e拉架"係街，小金魚一向都鐘意薑味的甜品，一於捉埋朋友仔入去做白老鼠。

呢間舖都幾隱蔽，唔係佢係街頭擺個"e拉架"的話，真係行過你都唔會知有間咁既舖頭存在，入到時又己經接近11點喇，所以只有二個客人係度，連唯一的一個所謂待應(我估係老闆娘)都係度掛住煲"電話粥"，連我地入都唔知(定唔理)啦，直到我同朋友揀好甜品，仲要大聲咁叫"唔該"佢至放底個電話。

全程零招呼，都唔知有無攪錯。

算喇，我地二個人揀咗三個甜品，等咗大約10分鐘左右，聽到2次"叮"一聲後就有糖水送嚟啦。

薑汁撞奶(原味)：呢個確實唔錯，雖然奶味比較淡，薑味比較夠濃，個撞奶整體上嚟講亦夠滑身同唔太甜，應該都係即叫即撞(仲有即叮)，好過我上次去義順食個個薑汁"登"蛋白，呢度仲可以加多d薑汁嚟撞，我個日就無叫加底，但係我估味道應該都唔錯，如果你好似我咁鐘意薑汁o既味道的話。

其實我見餐牌仲有好多隻味道揀，不過我估原該原味會比較好吃。

香芋西米露：呢個係朋友仔叫的，佢本身好鐘意食芋頭，見佢個碗西米露份量唔少，料亦好足，甚至可以叫好多西米，只係食落好明顯係"叮叮"貨色，d芋頭算"粉"，但係我朋友仔話食落去好似有陣怪味，我試食一粒就唔係好覺，只係唔無芋頭味，但係呢碗西米露整體上亦都ok，尤其係d西米，雖然係煮定食時再"叮"熱佢，都唔會"痴"理一舊。

麥提沙湯丸：嘩~呢個湯丸真係超超超(下刪50個超)難食，本嚟我地想叫片糖湯丸，佢話無只係剩返麥提沙，等咗好耐至嚟呢個湯丸，我個撞奶都食完佢至嚟，上到枱我一見碗湯丸我已經暗叫不妙。

因為見到d湯丸顏色好怪，半白半啡咁，個湯底亦好混濁咁，d啡色似係d湯丸穿咗d色甩落d皮同個湯底度咁，"不"一粒嚟睇亦果然係塊皮係穿咗，食落去味道好怪，雖然肯定係有麥提沙味，但係粒麥提沙全部溶成液體之後質感好差，都係食返普通的湯丸好啦。

見佢餐牌上仲有好多其他款式的糖水，但係以今次的經驗嚟睇，有機會再嚟都係食薑汁撞奶會比較隱陣啦。

3野加理HKD50.00，價錢中等啦，只係唔好食就覺得唔抵囉。

整體嚟如果淨係計碗薑沖撞奶係可以比一個笑臉佢，但係如果計理其他野嘛，唔.....我可以比1/3個笑臉佢嗎。

葫蘆館餐單提供港式, 甜品, 糖水等推介美食位於旺角區，餐廳座位數未知人均消費約$50以下，結賬可以用現金。

您對於旺角餐廳「葫蘆館」有何 comment？

葫蘆館餐廳詳細資料：

• 葫蘆館地址:
  旺角彌敦道562號咸美頓街16號地下
  Woo Lo Koon, G/ F,16 Hamilton Street,562 Nathan Road, Mong Kok
• 葫蘆館電話:  
• 葫蘆館價錢: $50以下
• 分類: 港式, 甜品, 糖水
• 座位: 未知
• 付款: 現金
• FB專頁: 葫蘆館 Facebook

更多葫蘆館相關資料:

• 葫蘆館分店
• Youtube
• Facebook
• Twitter
• Google