華星冰室 (西洋菜南街) 旺角

華星冰室 (西洋菜南街) 評價 相片

今時今日，咁嘅服務😑咁嘅食物質素，唔執笠都偷笑🤬先係最簡單最出名嘅雞髀都超難食，飲品唔夠凍好難飲，茶餐寫＋$8可轉特飲鴛鴦紅豆冰，出單只係想問清楚點解咁計加38蚊，佢話因為鴛鴦紅豆冰是超級特飲所以冇得加$8，我哋都明白唔計較，點知落單個夥計仲要話返我哋已經同我講左，好嬲即刻全部唔食放低，反正難食，埋單85蚊走人買個教瞓😤再去海記食個甜品補返數🤤今非昔比喇，今時今日出面大把好食，洗乜搵你華星

老外套餐姐係all day breakfast 嘅朋友😂 我自己都幾中意食，可能因為掛住以前係英國嘅生活，逢星期日就會有all day breakfast ，姐係brunch 😂 可以瞓晏啲，所以見到呢個特別嘅餐，就叫咗你試吓，雖然佢一啲都唔英式，但都幾特別😂但係食咗之後就覺得佢一啲都唔特別😂 會覺得係ABC餐溝埋一齊嘅感覺，除咗個麵包同埋太陽蛋之外，其他都真係唔係幾好食，我寧願叫返普通早餐，因為呢個餐跟埋杯嘢飲都要$48😅

送馬騮返學，考試期間好快就放學，去邊度打發時間好呢🤔🤔食個早餐先❤ 好耐冇食華星呀😁經過見到華星梗係入去啦😋😋好快有位呀咁我就叫個老外早餐同埋一個華星早餐水準之作， 咁耐冇食都一樣係咁好味呀 同以前一樣冇變最鍾意佢啲蛋夠滑同軟淋淋又夠大分yummy 佢個通粉水準一樣咁正啲湯差幾乎飲曬咁濟呀😅好好味😍仲有嗰啲麵包軟林林脆卜卜又厚切喎簡直係最正嘅用嚟呢擺啲滑滑嘅雞蛋上去一大啖咬落去好滿足呀 老外早餐薯餅就細咗少少啦因為實在太好味唔夠食呀😅我呢都係鍾意食經典嘅話華星早餐下次等🐵放早帶佢泥食啦#KatkatFoodies#katkatfoodie

今次已經係第n次嚟呢間冰室，平時都係嚟食早餐🥣但今日遲咗少少就叫咗茶餐。

叉燒通粉湯底濃郁，通粉粒粒分明，唔會爛到一patpat or黐埋一舊，又唔會太硬。

叉燒淋得嚟好入味，似係半肥瘦。

份量大概三四塊，你夠好似手指尾咁大🥰炒蛋好滑，但今日偏油少少，蛋嘅周圍見到油漆。

多士好硊卜卜，咬落去又鬆化，而且微暖，又香牛油味😋飲品永遠係佢嘅靈魂，幾次嚟食試過，啡走，茶走，鴦走，全部都好濃味又好滑😋😋

好耐無幫襯過，心血來潮，又見唔洗等位。

坐低睇下有咩好食，因為成疊餐牌太多選擇，好啦諗到落單，想叫炒意粉，話要兩點後（唔係下午茶餐牌黎架），咁是旦叫兩個麵餐啦（一個$60多兩條腸仔$47無腸仔） 落左單，比張單黎一睇，收我兩個$60（我都唔食腸） 就侍應改啦，第二個侍應（女仔）先話我知$47個係早餐頭先二叔又無講，因為同一張餐牌，一邊係全日都叫得，另一邊就係早餐，個限定時間顯示又唔清晰，成壘擺哂係度，真係要張張都睇哂d細字先見到，算，係我無細心睇清楚。

野食到，個出前一丁牛麵，咪粉分開試自己落，有好有唔好，不過湯係凍既，都唔夠熱整溶d咪粉食到，多士同炒旦又係凍哂，多士唔脆，奶茶做唔返以前茶香奶滑，又係唔夠熱。

野食唔夠熱，好味指數已經扣左好多分，加上真係keep唔到水準，餐牌睇到我好亂😖

華星冰室 (西洋菜南街)餐單提供港式, 茶餐廳, 冰室, 少鹽少糖食店等推介美食位於旺角區，餐廳座位數70人均消費約$50以下，結賬可以用AlipayHK,支付寶,現金,八達通,微信支付，Booking訂位可以電話致電 25206666 查詢。

您對於旺角餐廳「華星冰室 (西洋菜南街)」有何 comment？

華星冰室 (西洋菜南街)餐廳詳細資料：

• 華星冰室 (西洋菜南街)地址:
  旺角西洋菜南街107號地下
  Chrisly Café (Sai Yeung Choi Street South), G/ F,107 Sai Yeung Choi Street South, Mong Kok
• 華星冰室 (西洋菜南街)電話: 25206666
• 華星冰室 (西洋菜南街)價錢: $50以下
• 分類: 港式, 茶餐廳, 冰室, 少鹽少糖食店
• 座位: 70
• 付款: AlipayHK,支付寶,現金,八達通,微信支付
• FB專頁: 華星冰室 (西洋菜南街) Facebook

更多華星冰室 (西洋菜南街)相關資料:

• 華星冰室 (西洋菜南街)分店
• Youtube
• Facebook
• Twitter
• Google