茶軒台灣料理珍珠奶茶 旺角

茶軒台灣料理珍珠奶茶 評價 相片

情人節dinner@tst茶軒叫左沙哆牛肉面&鹵肉飯沙哆牛肉面>>味精!!!!!!!!鹵肉飯>>無味!!!!見到隔離既2餐好似冇咩好食好彩冇叫2人餐~~~~~~~~~~~~

其實呢間食店冇你地講得咁差丫,,之前同我MAMI行街,,次次都去果到食,,BUT係貴左D LOR,,,同埋本身我地係食素,,佢\都有幫我地走哂D肉,,,依家MK間野都CLOSE埋,,<br />開藍灣半島呢邊開左,,,你地可以試下

2006/2/12本來想去仙跡岩買野飲，點知新世紀廣場冇，得茶軒，但係自己好想飲台式野同咬下d珍珠，之前響銅鑼灣分店試過not ok…諗2諗敵唔過口引點都要去買…我想飲百香果紅茶，響門口睇meun淨叫一杯已經21蚊(好貴)…5點半侍應話仲有下午茶餐(跟紅綠茶,珍珠奶茶，最平係吐司餐$26)，諗都唔諗就即叫個奶油吐司配百香果紅茶，+3珍珠，+1外賣=$30好彩今次杯野叫左少甜，味道岩岩好，不過好細杯…是細size的份量，吐司我冇即食呀(飲完杯野都飽飽囉)，留返當明天的早餐食，嘻嘻﹗幫我落單0個個男生，我問佢仲有冇下午茶佢答唔到我話要走入去問，走返出黎答完我啦，幫我落單佢成日話””下下﹖””so我要講幾次佢先落到，收左錢到佢找錢先同我講外賣要+1，攪到我有d 煩=__=嬲嬲地睇下佢叫乜名(諗住佢再煩我就投訴佢)，點知原來係見習生(怪唔之…唉)，算，今次我就原諒一下啦﹗因為我係叫外賣，侍應叫我入去坐，等左十幾分鐘先有。

途中見到d侍應都幾鐘意傾計…係同事同同事傾wor，有點懶散feel囉@@;;;;Ps：2006/2/13件吐司再翻叮都好好食呀，估唔到wor^+++^

昨日逛完一輪街,大家都有收獲後,就想搵間舖頭飲野休息一下,媽咪想飲台式飲品,沒有選擇下就入到這間.其實裝修都算唔錯,坐下坐下都成個鐘.薄荷珍珠不像薄荷味,有些像藥材味,味道怪怪.媽咪話飲後幾舒服,所以同佢交換了芋香珍珠味道同出面的差不多,唔錯.豆沙窩餅放凍了才食,味道不俗,可以一叫.姐姐們要了百香果椰果和芽珍珠沒有試總括:都是這樣的味道,其實不值一提.但想講的是,這店是收加一,找數亦要$140,沒有service的情況價錢不太合理.

lunch 黎左呢度食見到佢冇set 都打左個突...唔係掛lunch 都唔做套餐？於是都預左會貴....要左個無錫骨菜飯排骨好細舊，一舊裏面有一半都係骨而total 有八舊排骨到啦菜飯個size 就ok 既...同行友人覺得唔夠於是叫多個滷水雞翼拼豆腐4 隻雞翼+ 4 件豆腐雞翼好大陣雪味，食左一隻就放棄豆腐就普通..冇乜特別d 野飲好貴所以冇叫到最後五個人去食左二百五十蚊我就夾左六十蚊…個菜飯三十六，個小食又係三十六share 番個小食加埋一就六十...都幾唔抵service 更加係唔掂，嗌野食有位友人個飯漏左單，我地催佢o個時佢仲o係度黑面，非常唔要得貴夾唔飽，冇下次

茶軒台灣料理珍珠奶茶餐單提供台灣菜, 台式飲品, 粉麵, 米線等推介美食位於旺角區，餐廳座位數未知人均消費約$50以下，結賬可以用現金,銀聯。

您對於旺角餐廳「茶軒台灣料理珍珠奶茶」有何 comment？

茶軒台灣料理珍珠奶茶餐廳詳細資料：

• 茶軒台灣料理珍珠奶茶地址:
  旺角太子道西193號新世紀廣場3樓363-366號舖
  Odeon Taiwanese Cafe, Shop363-366,3/ F, Grand Century Place,193 Prince Edward Road West, Mong Kok, Hong Kong, Mong Kok
• 茶軒台灣料理珍珠奶茶電話:  
• 茶軒台灣料理珍珠奶茶價錢: $50以下
• 分類: 台灣菜, 台式飲品, 粉麵, 米線
• 座位: 未知
• 付款: 現金,銀聯
• FB專頁: 茶軒台灣料理珍珠奶茶 Facebook

更多茶軒台灣料理珍珠奶茶相關資料:

• 茶軒台灣料理珍珠奶茶分店
• Youtube
• Facebook
• Twitter
• Google