素食一家 旺角

素食一家 評價 相片

同孕婦朋友聚會，想食d健康野，於是選擇素菜每樣平均70蚊左右，碟碟都裝到滿，大大碟，好抵食呀～平日夜晚冇人等位，可以比我地慢慢坐，慢慢傾♥️👍酸齋拼盤竟然係熱ge，第一次熱食，覺得幾得意。

齋刺身味道真係好似三文魚😅 口感都試，有驚喜! 齋海蜇味道幾好，辣辣地，開胃。

辣炒土豆絲係軟身果款，唔係爽ge。

但味道幾好，微辣，唔係好食得辣ge都可以叫。

菠蘿咕嚕肉味道就同普通ge咕嚕肉一樣啦，D肉係豆類製品造ge。

炸腐皮卷略嫌太油，連條菜都好油。

呢個甜品夠曬特色! 菊花豆腐花! 薑味夠，食完個人暖曬～

一直以來都好支持小店，今次都唔係第一次幫襯，幫襯咗幾次，要介紹嘅係佢哋一直以來都有派免費素食飯盒，讓更多人能夠接觸素食。

好認同佢哋嘅諗法係幫到人係一種福氣。

好啦，講番野食先，上湯白菜，清清地比較健康，有少少素肉碎係面，加上上湯出味，唔係齋食菜咁簡單，但係個湯咸咗少少。

另外，食咗焗葡國雞飯，依個有點失望，因為個飯底有少少濕，素雞口感唔係好似，加上個葡國汁差咗啲葡國汁味，唔識形容，但係比較普通。

最後食咗個麻醬三絲河粉，依個幾好食，啲三絲口感好好，河粉通透滑溜。

總括嚟講，都會有下次，因為今次唔係食佢主打嘅食物。

今日食素日，晏就3:30到 本身係見到佢個猴頭菇披薩幾吸引但到埗見到佢3點後供應下午茶，就叫左半份田園披薩，一個蔬菜炒麵田園炒麵有菜心，西蘭花同埋芽菜望落就係加左菜既鼓油王炒麵食落個味好夠，唔會太淡，但就好油食到成個嘴都反光，最後食到底係有見到好多油田園披薩既材料有好多青瓜，粟米，菠蘿，磨菇，紅椒，青椒，蕃茄食落係好豐富，仲加左好多芝士個醬係偏甜既蕃茄醬，呢個幾個食既唯一問題就係燶左啲最後跟麵既餐飲+$6 叫左梅子柑桔下午茶餐牌到無寫係凍定熱Expect佢係凍又無問到黎到係熱既，但又唔算太熱杯野都幾大杯而且太過足料，左好多梅子同柑桔個人覺得太酸，加左茶落去都仲係偏酸感覺食物質素中規中矩可能叫既野唔係成地招牌啦見隔離桌叫左咕嚕肉賣相非常不錯

突然覺得成日食肉 有d想好似d健身人仕初一十五食下齋 好細個已經記得旺角有間食齋既知道係自家制同手工野 為食既我約左幾個朋友聚下食下野見個面 當清下腸胃都好首先入到去感覺係傳統中式既飯店好彩個坐位都算坐得舒服既侍應遞給我既餐牌都算美觀, 有湯，有麵，有甜品甚至連薄餅都有 以素食來算應該都算係多款因個朋友遲黎 所以睇左個餐牌好耐最後叫左幾碟餸先菠蘿咕嚕肉秘製一家蓮藕餅沙茶豆腐素球煲香煎自家制生竹笙腐皮卷猴頭菇芝士薄餅原來d野食黎到都幾細碟幾個男人聚會 太細碟唔掂既 梗係要加單啦最後加多兩樣野招牌羅漢上素脆麵同秘製XO醬炒金邊粉我覺得以素食來算 都算多款色我最推介秘製一家蓮藕餅猴頭菇芝士薄餅 同香煎自家制生竹笙腐皮卷其他的比較普通

中價好食既素食店~近太子地鐵站， 食店寬敞乾淨，坐得舒適涼拌海蜇手撕雞$50少少麻辣同麻油香味既汁料涼拌青瓜、紅蘿蔔絲同埋素海蜇絲，好香口，忍唔住食唔停口，素海蜇絲冇真既海蜇咁爽口，但係都口感都做得有8成似!香煎竹笙腐皮卷$88卷裏面既饀料有竹笙、雲耳、菇，煎完既腐皮卷外皮好脆!口感豐富!推介!豉汁靈芝菇幡龍鱔 $78素幡龍鱔係由紫菜包住既腐皮，雖然食落同真正既鱔完全唔似，但係素幡龍鱔加上豆豉原來都幾夾、幾特別，再加埋靈芝菇既香味，又多一層香口既味道絲苗白飯$13茶位 $6另收加一

素食一家餐單提供多國菜, 素食, 無肉餐單, 賀年食品等推介美食位於旺角區，餐廳座位數70人均消費約$101-200，結賬可以用Visa,Master,現金,AE,銀聯。

您對於旺角餐廳「素食一家」有何 comment？

素食一家餐廳詳細資料：

• 素食一家地址:
  旺角洗衣街145號正華大廈地下
  Veggie Family, Ching Wah Building,143 Sai Yee Street, Mong Kok
• 素食一家電話:  
• 素食一家價錢: $101-200
• 分類: 多國菜, 素食, 無肉餐單, 賀年食品
• 座位: 70
• 付款: Visa,Master,現金,AE,銀聯
• FB專頁: 素食一家 Facebook

更多素食一家相關資料:

• 素食一家分店
• Youtube
• Facebook
• Twitter
• Google