五月花港台日料理 旺角

五月花港台日料理 評價 相片

記得以前五月花在荃灣也有一間，不過已經結業了，剛好與朋友想來個任食，就決定試一試旺角這間，第一轉送菜極快，雖然黎唔足數，但對肚餓既人黎講已經好好。

有煮食又有刺身，但我地偏愛甜蝦，看看我們的戰績吧，甜蝦真的不錯，沒有腥味和雪藏味，我們就靠它來回本吧！其實煮食不過不失，第２轉開始動作已經很慢了。

今次係第二次食五月花，喱間放題經常都會做團購優惠，今次仲要99蚊一位(加一去到要再俾around39蚊)，真係算幾抵食，而且食2個半鐘，由5點食到7點半當到齊人之後，佢會拎個刺身拼盤俾你，根據人數而俾分量(大家可以係下面見到張相，係5人份)，喱個刺身算係幾好食，至少我見三文魚真係ok厚👍👍提提大家👧之後再叫刺身，要寫既件數要比自己想食數量更多，即係你想要10件，最好寫30件，通常佢都唔會黎齊的，不過我諗應該好多間放題餐廳都係咁啦，但好彩喱間就冇漏單問題，真係全部黎齊哂👌👌另外，黎喱度一定要打邊爐，仲有一定要最先落蝦先，23隻就已經可以，加蝦落去，個湯底真係正好多喱間放題最值得推介既就係芝麻雞翼，喱個係最新推出，我上次黎食都未有的，芝麻雞翼好香脆好正其次仲有一口牛柳仲有豬軟骨都幾好，一口牛柳其實幾岩小朋友食，因為細細粒又易入口咀嚼，豬軟骨食落去卜卜脆，食下食下會上癮，係咁想食甜品方面真係一個敗筆除左cheese cake,桂花糕同雪糕糯米池係好食之外，其餘都真係麻麻地，有個好似牛奶布丁既真係超難食，一陣藥水味，真心建議你地唔好試🙅🙅最後再提提大家，最好等有團購先去食，真係成日都有，而且好抵食！

買左團購 淋住試一試可惜...失望而回首先., d salmon刺身切得好差，係未切到底既，仲係痴住then, d wasabi 完全冇辣味d waitor 又問乜都答唔到既，乜都唔知飲品得好少choicesum up係 唔會再去食

昨晚同朋友去左旺角五月花食放題，時間系晚上9點，每位HK$159 + 10%，我有一張系fb 打印出來的優惠劵，可以免費任食松葉蟹。

坐好後就問個侍應無松葉蟹order張紙，我地點落單？侍應話第一次系佢地會攞比我，之後想要就要叫侍應落單，今晚的食客比想像中少，比較容易落單。

我地2個人每次比2隻腳，叫左侍應落左2次單已無心機再叫，轉食魚生，魚生新鮮美味入口即溶，天婦羅南瓜及蕃薯好甜味，但多春魚用天婦羅的方法煮理就唔好食，咬一口太乾爭爭。

。

炸物中的芝麻雞不錯，它沒有上炸粉，原隻雞中翼炸好後加少少芝麻系面。

值得推介黃金脆豆腐，豆腐炸得香脆可口。

另外馬拉盞食落好重油，有砂還有點怪味。

如果下次都系 e 個價加任食松葉蟹，我會再嚟多次。

放工往兆萬中心五月花與好友食放題，我們都食了很多美食，有:翅身(三文魚翅身，北寄貝翅身和甜蝦翅身) 翅身好新鮮，入口即熔，而且裝翅身個盤配上乾冰，視覺一流壽司(鰻魚壽司，火炙三文魚壽司和火炙左口魚邊壽司) 鰻魚壽司個鰻魚汁味道適中，火炙壽司燒得剛剛好炸物(芝士年糕，炸三文魚、芝麻雞翼、七味雞軟骨、七味雞翼、炸蠔和黃金脆豆腐) 炸物大多炸得Ｍ好乾身，不太油膩，值得推介黃金脆豆腐，豆腐炸得香脆可口，好味到食左兩碟中式菜式(腐乳通菜、馬拉盞、炒什菜、水蟹粥和辣酒花螺(腐乳通菜和馬拉盞食落好重油，扣分；炒什菜食落好爽，有驚喜；水蟹粥略嫌蟹比較少，最後辣酒花螺食落有皮蛋味，感覺怪怪!) 、帆立貝串，值得推介，醬汁味道適中，食到帆立貝鮮味甜品(凍燉蛋、奶凍、糖不甩、木糕布甸、綠茶雪米磁和泡芙)值得推介泡芙和木糕布甸，入口即熔，細細份，不太膩可食多件

五月花港台日料理餐單提供多國菜, 壽司, 刺身等推介美食位於旺角區，餐廳座位數未知人均消費約$101-200，結賬可以用Visa,Master,現金。

您對於旺角餐廳「五月花港台日料理」有何 comment？

五月花港台日料理餐廳詳細資料：

• 五月花港台日料理地址:
  旺角西洋菜街1號兆萬中心15樓
  五月花港台日料理, 15/ F, C T M A Centre,1 Sai Yeung Choi Street South, Mong Kok
• 五月花港台日料理電話:  
• 五月花港台日料理價錢: $101-200
• 分類: 多國菜, 壽司, 刺身
• 座位: 未知
• 付款: Visa,Master,現金
• FB專頁: 五月花港台日料理 Facebook

更多五月花港台日料理相關資料:

• 五月花港台日料理分店
• Youtube
• Facebook
• Twitter
• Google