Miracle House 旺角

Miracle House 評價 相片

Cafe 晚上雖然坐滿但都唔會好嘈, 同朋友邊食邊傾計過咗一個好舒適既晚上(:兩個女仔一人一個飯再加小食, 本身重驚食唔晒,但小食份量啱啱好。

再食多個dessert 重得

今日同個好耐冇見既朋友食飯，大家都唔知去邊好想搵個靜靜地可以傾到計既地方坐下，想起上個月經朋友介紹下離過lee間cafe於是就唔多細想平時很爆滿，即日打電話去會full booking可能因為琴日weekdays關係所以仲有d 2人位上到去招呼很好，整個格局都好舒服一點都唔覺得侷促，即刻有得坐低有套餐同dinner set,但我同朋友想試多d野所以就散叫叫左2個小食，2個定食同一個甜品不得不提係個2個定食唐揚炸雞堅係好食! 外邊薄薄的一層脆皮而裡面係多汁既雞肉，配埋個醬就真係一流不過吹毛求疵嫌略咸左少少，但送飯食就岩岩好佢份量都幾大，一定好飽另外個漢堡扒都唔錯，的確幾香同埋口感都好好個汁送飯都okay最後個甜品賣相好得，味道就中上咁啦可能因為個時已經好飽哈哈!我同朋友主要想傾計所以冇玩到個d board game但見隔離d人玩得好開心board game 種類亦不少同成班朋友上去食都係個唔錯既選擇成餐飯一人$150，唔係好便但係我地坐左好耐都冇問題$150有好野食有得坐有服務其實算係咁啦!

朋友book了位慶生, 選了這家樓上cafe, 本來不太想來cafe慶生, 因為樓上cafe通常給人坐同玩, 食物通常不太特別好吃, 但看食評都蠻多東西吃的感覺, 就上來了~cafe個門口好似屋企門口! 行到門口關了門, 朋友敲門同按門鈴都沒人應 (後來走的時候發現門鈴是隔離的! 還好已經過了辦公時間!)原來不用敲門, 自己入去就ok! 蠢o左! 個環境幾warm下, 因為外面有包場, 所以被安排入房坐! 自閉位! 正!menu有single set同套餐, 套餐是47人的, 但waitress說我們3個人也可以安排給我們!完全不想想, 加上套餐有沙律同炸物, 直接叫套餐!我們每人更加了芝士生蠔! ($10一隻)沙律本來想叫大蝦沙律, 但朋友喜歡凱撒沙律, 壽星話事, 另外加了$5加隻溫泉蛋, 有蛋汁的凱撒沙律好好味哦! 如果多點芝士碎更好~ 特色小食有薯條、洋蔥圈, 另外可以有幾款選, 因為本人不吃魚蛋類物體, 選了要了餃子和鱆魚餅~ 炸物炸得好脆, 食完飯, 那幾條剩下的薯條仍是脆的!接着期待已久的芝士生蠔出場!! 比想像中大隻, 之前吃過其他餐廳, 會是用炸粉炸好了蠔, 再放蠔殼上焗! 這裡是真的拿生蠔去焗! 中間有些酸酸地creamy的醬, 朋友話似芝士醬, 但我覺得不像, anyway好好味! 如果可以再多些芝士在上面更讚! 主菜點了自家製漢堡扒(1人份)和滑蛋蠔(2人份), 漢堡扒跟想像中有出入, 1人份量感覺好細份, 不過切的時候發現都幾厚, 切開每人吃到滿口的一塊, 如果自己一個吃應該都ok飽! 漢堡扒好juicy, 個汁的味道幾特別, 不是茄汁、洋蔥汁之類, 清清地不太strong taste但比較油少少~ 我個人比較喜歡漢堡扒個配菜, 有我愛的粟米同紅蘿蔔! 哈!吃完漢堡扒等了一會都未見滑蛋蠔, 我們傾住等, 都再隔了一會才有, 上桌的時候看賣相覺得好正呀!! 個滑蛋太吸引了!! (心) 半生熟的蛋用來撈飯一流! 吉列蠔應該剛炸好, 裡面有好多蠔汁, 勁熱"辣"口!  多等一會都很值得呀! 點套餐加甜品可以半價, 不過我們都太飽, 所以只是點了一個紅豆雪糕pancake! pancake不過不失, 都算煙un, 裡面夾有紅豆! 最好吃的是那個紅豆雪糕啊!! 外邊的紅豆雪糕都只是味道有紅豆味, 這個是有紅豆粒的啊~ 超好吃! (大心)飲品點了柚子蜜、檸蜜、水蜜桃紅茶, 賣相沒很特別沒有拍照~ 味道ok啦!見到隔離桌子點了巧克力還是咖啡之類的, 有好多cream好吸引! 想不到樓上cafe有那麼多餐廳可以吃到的東西, 而且味道很不錯啊~ 之前看食評還怕waiter態度不好, 但so far都ok丫~個人好怕一些餐廳或cafe會一直問叫不叫drinks/甜品, 要不要收東西, 好像想快點趕人走咁!我們7點幾入座起到11點收鋪, 他們都沒怎麼問這問那的打擾我們, 我們傾得好enjoy! (可能出面包場好忙?)埋單近400, 我和朋友請壽星, 少少貴, 不過壽星吃得很開心, ok啦!

因為要同成班committee一齊搵間cafe開會同玩啲board game，咁就上openrice搜啦。

見哩間冇負評，相中睇落環境幾乾淨咁就揀左哩間。

一入到去，環境已經有差距。

牆上面既貼紙下留有一條條灰黑色既傢俬拖刮痕跡，感覺已經麻麻地。

一睇午餐牌，哇...正係得沙律同日本料理？！個menu 入面勉強有啲西式小食，飲料咁。

甜品啲款式亦唔多，新地，雪糕吐司，雪糕班戟，雪糕窩夫……價錢亦嚇親人……基於午餐有杯26蚊野送，我就點左個雞肉沙律（$38）同杯日式咖啡（$34 = +$8）。

其他朋友就揀左啲保障少少既雞柳飯，烏冬咁，睇落都ok既……佢地個餐有配沙律，但只係用個碗仔裝左幾棵菜同一pat沙律醬一黎就係杯睇落似茶既日式咖啡，飲落口感似水但係苦，加奶後同一般咖啡差唔多但唔夠熱。

唔知係我個沙律係加單定點，杯咖哩飲完都未黎，要我催單。

黎到喇，裝沙律醬個碗缺了一啲位，睇得出係BB牌芝麻醬。

蔬菜都幾新鮮有份量，有番茄粒， 雞肉唔少，出奇地有白蘿蔔絲。

食落去同一般沙律水準差唔多，食材咬落爽脆，算新鮮。

食完後一直玩board game逗留到5點幾被邀請離開。

唔知係我本身腸胃唔好定點啦，走之前feel到我個肚開始痛，腸抽搐(唔係肚瀉)

在朋友推介下，和老同學一行四人到這間旺角樓上Cafe聚舊。

Cafe在地鐵站附近，不太難找。

等上菜時，店員拿了兩個遊戲給我們玩 ... 籃球機與碰碰車 (也不知是不是這樣叫)。

店內其實還有其他大路的board games，仲好新淨，不過我哋幾個想傾多啲計，所以無攞嚟玩。

我哋叫咗四人餐，等咗兩三個字左右，前菜便上枱了。

這盤沙律感覺好清新，仲好多菜同蕃茄，好足料。

主菜揀咗炸蠔丼 (沒拍下餐牌，所以食物名都不記得了)，感覺還好，粉厚咗少少，不過啲滑蛋就好正。

另一碟主菜係炒野菜，味道對我來說比較濃，同學覺得好好味，我就prefer前菜個沙律多啲。

另外仲有一碟小食拼盤，有章魚餅，大薯條，炸洋蔥等等，全部熱辣辣同埋好香口 (好食過啲炸蠔 =.=)，可惜有8張相上限，所以唔upload了。

最後意猶未盡加咗四十蚊試佢個扇貝，味道ok，除返開都係每人十蚊，好扺。

餐飲叫咗熱朱古力，居然有隻貓公仔@@食晒所以嘢，當然唔少得甜品！選擇唔算少，份量賣相都ok wo，雪糕球下面有啲cereal，口感幾特別。

總體而言，上菜速度同味道都ok la，又食又傾坐咗接近三個鐘，都無俾人趕，又無俾人黑面，下次想搵地方同朋友吹水可以再嚟。

埋單每人九十幾，唔算平，不過可以坐咁耐，又叫咗咁多嘢食，計返都抵嘅。

Miracle House餐單提供日本菜, 樓上cafe等推介美食位於旺角區，餐廳座位數35人均消費約$101-200，結賬可以用現金，Booking訂位可以電話致電 69702213 查詢。

您對於旺角餐廳「Miracle House」有何 comment？

Miracle House餐廳詳細資料：

• Miracle House地址:
  旺角彌敦道691-697號永如大廈3樓697室
  Miracle House, Room697,3/ F Winner Mansion,691-697 Nathan Road, Mong Kok
• Miracle House電話: 69702213
• Miracle House價錢: $101-200
• 分類: 日本菜, 樓上cafe
• 座位: 35
• 付款: 現金
• FB專頁: Miracle House Facebook

更多Miracle House相關資料:

• Miracle House分店
• Youtube
• Facebook
• Twitter
• Google