Cafe Can 旺角

Cafe Can 評價 相片

人腳: 妙+好友原本想去隔壁的'L Cafe', 星期五即前一晚訂枱時她們已經full了; 好友剛在那裡附近做完Facial, 因為就腳, 所有便一試, 估不到...好耐無去過「o甘o既」café…　味道3妙: 正常: 點了肉醬意粉+辣汁芝士意粉+蜂蜜熱飲+紅柚乳酸凍飲環境1妙: 舊: 梳化爛的，無café氣氛: 無音樂+無人氣服務1妙: 沒有水供應衛生1妙: 去到時, 有一張用過的紙巾在梳化上><抵食2妙: 這樣的環境…地點5妙: 就腳我們有點相聚的氣氛也有點兒給破壞

第一次寫食評,因為呢間野實在太過份!忍唔住要寫佢我地十幾人包半場, 之前同事一早打黎問晒價錢, 講好晒計人頭費, 每人實收幾多錢, confirm左唔止一次, 上埋去落訂, 都係講同一個價錢, 但係一埋單就冇lala收多我地錢。

問佢價錢做咩唔同, 吚吚哦哦先話要收加一仲要我地知道有人黎唔到, 一早問佢可唔可以減人頭, 又話唔得。

收加一唔係問題, 但係一早講左每人實收幾錢, 而且冇講過要收加一。

仲要連落訂張單同menu 都冇寫要加一。

跟住聽電話果個女partner 同個"話事人"承認, 的而且確同我地講過話實收咁多。

見佢地面有難色, 我地都叫佢地自己傾掂數先。

點知我d同事一轉背個"話事人"就黎料la, 勁大聲鬧個女partner, 爆粗不特止, 仲將我地比果d錢掟落個女仔同張枱度, 跌到成地都係。

家陣拍電視劇咩, 真係痴線!!!!dstaff 坐晒响度,全部啞晒,唔知點咁。

(因為根本得我地一枱客, 冇其他人幫襯,所以上晒菜後就成晚都坐晒响度。

)搞完一大輪,唔肯找返錢比我地,當收我地加一。

我地已經比多左錢, 少左人食,仲咁樣夾硬收多我地錢。

咁樣做生意都得????咁難得約出黎gather, 比佢地蒙上污點。

果度d梳化甩晒皮,廚房條喉又漏水;野食個樣都ok, 但食落普通, d飲品就得個甜字。

叫佢上甜品果陣, 先如夢初醒去整。

比多左錢都唔係問題, 但d咁ge service 同食物, 邊度值呢個價錢?最憎人唔老實。

千祈唔好去幫襯!

去得cafe等野食耐就預左，但係從來冇諗過可以過份到等成兩個鐘都等唔到一個意粉。

一大班朋友去，有一份就半個鐘內到，其他就起碼等成個鐘，同waitress催單，係咁yi話會催下廚房就算。

最後大家等到唔耐煩叫個疑似老闆ge過黎，反而我地俾人凶，佢claim佢哩度唔係餐廳係cafe，等係好正常，佢得一個爐，可以有幾快 (佢得一個爐，唔係客人ge錯卦，成間cafe有成40個位，幾多個爐自己衡量啦，但係冇理由俾我見到成班staff遊手好閒，吹水唔駛做，然後我地o係用餐時間等成兩個鐘都冇得食。

其實佢哩個理由幾充分架，以後我地會記得哩度得一個爐，想開餐唔駛去哩度。

) 最後我地話如果o個四個意粉再唔到就cancel啦，結果唔駛10分鐘就出現o係檯面(我地七點三入座，等到成10點...)但係「等」都算，等到d野食好味就話冇所謂啦，意粉一般，都唔會預佢好食過pizza hut，脆薯同pizza都抵讚，至少個樣同味道都到位，但係雞翼實在驚嚇！。

用滾水"sap"熟，外面"sum"少少香草/浸一浸蜜糖就當自己整左「香草」/「蜜糖」雞翼，我食左香草雞翼兩啖，唔敢再食落去，連"sap"都可以唔熟，肉面仲有血水！滾水味雞翼本人第一次食，亦唔希望哩世人有下一次。

(其實等野食o個陣都多少有d疑惑，點解廚房入面o個個人不停睇書，本人懷疑係食譜黎ge(汗))

第一次寫食評，因為真係覺得忍無可忍！我同d frd 尋晚去上址食飯，諗住一大班frd 去樓上 cafe 可以傾下計，開開心心過一晚。

點知就被呢間 cafe 破壞晒！我地一行 8 個人o係 7:45 到達，未夠 8:00 就落晒 order，每人只係叫左一個 pasta 同埋一杯野飲，不過講你都唔信，我地最早有野食o既果個 frd 都要等一個鐘。

最離譜o既係最尾一個有得食o既係要等差唔多兩個鐘！！尋晚已經唔係 full house，同d waiter/ waitress 講佢地都只係好冷淡講一句"唔好意思，我幫你跟跟"，之後就會返去個水吧位度同其他人傾計。

水吧大大話話有5~6個人，但係無一個係做野。

我地o係呢兩個鐘內面已經催左佢地5~6次，期間一個frd 走去水吧度同佢地講，佢地竟然答"你都見我地係 cafe 仔，係會慢d"。

大佬呀，呢個唔係藉口 or 理由囉，你做唔切就叫你d 傾緊計o既伙記幫下手啦，佢地都無野做！！同埋佢d野淡而無味，第一杯放低o既藍苺乳酸，試一啖除左覺得佢係凍o既外，就同水無分別，要同d waitress 講無味，佢先會加多d藍苺汁落去。

另外，叫左個蕃茄牛肋條意粉，同樣無味！以佢收o既價錢，provide 一d咁o既質素o既服務，我覺得一d都唔值囉！

忽然好想食pizza，search到呢間d pizza唔錯所以就同bf o黎一去到全場full晒，佢o地俾o左張搖搖欲墜o既檯我o地，算...我o地去到只不過係八點幾，點知已經冇晒pizza賣... 好... 都已經坐低o左落就叫pasta啦... 叫o左一個意粉一個長通粉我o地完全跟menu叫冇改過任何o野，但咁都可以o黎o左兩個意粉明明已經冇咩人叫o野食，但上菜速度都勁慢未食過咁難食o既pasta... 係好多材料冇錯但d意粉同長通粉係cheap到冇人有o既cheap o野，又冇味又"痴"牙...另外叫o左個焗西蘭花我覺得ok o既，但個椒鹽薯角我覺得好奇怪...至於環境呢... 好多人係圍o係度玩games，但個個都好似耳聾咁擘大喉嚨講o野我覺得樓上cafe呢個價錢算差唔多啦，但食物質素真係勁有待改善囉...

Cafe Can餐單提供港式, 樓上cafe等推介美食位於旺角區，餐廳座位數50人均消費約$51-100，結賬可以用現金。

您對於旺角餐廳「Cafe Can」有何 comment？

Cafe Can餐廳詳細資料：

• Cafe Can地址:
  旺角彌敦道566-568A號僑建大廈2樓1室
  Cafe Can, Room1,2/ F, Kiu Kin Mansion,566-568 A Nathan Road, Mong Kok
• Cafe Can電話:  
• Cafe Can價錢: $51-100
• 分類: 港式, 樓上cafe
• 座位: 50
• 付款: 現金
• FB專頁: Cafe Can Facebook

更多Cafe Can相關資料:

• Cafe Can分店
• Youtube
• Facebook
• Twitter
• Google