Amour Club & Cafe 旺角

Amour Club & Cafe 評價 相片

各種服務差，d侍應完全唔望客，要做野先行過來。

食哂成個餐，個湯還沒有到，叫了數次，次次話好，但都沒交代，重點是客人不多。

圖中兩個卡邦尼意粉，一個勁濕一個勁乾，重要係冬菇風味版，想點。

朋友2號表示個($52+1)荔枝椰果紅茶既椰果係(那)到條舌，飲落去感覺係啫尼水，飲一半飲唔哂。

成張飲品meun，得3個飲品係跟餐免費，全部都係熱飲。

個湯完全無口感無落粉，湯水咁既款未食過一間Cafe係食到嬲，第一次食野食到咁多野可以彈，重點係個價完全唔值，佢話最多坐兩個鐘，坐一個鐘，食完走人！叫埋單都等十分鐘先有人來！間野可以改名叫【無下次Cafe】岩岩按退後鍵無哂圖，如果唔係可以親眼一見呢間野有幾劣食，真係狗都唔食

夏日炎炎係旺角行街，見肚餓就偶然黎到呢間樓上Cafe。

睇左睇菜單，決定點一個黑松露海蝦意飯，跟餐送一杯飲品，加3蚊轉左支檸檬利賓納，共101蚊。

因為是樓上cafe，所以坐耐d都唔怕，樓上Cafe就係好在一百蚊換同三五知己既一個下晝hea吹水食野，算係唔錯。

點餐後飲品好快就送到黎，杯檸檬利賓納賣相唔錯，甜度岩岩好，冰陣既感覺完全滿足晒夏日降溫既需求，果然冇選錯，正。

玩玩手機，等左一陣，服務員好友善咁送黎左意飯。

賣相都幾好，一眼望上去，材料豐富，有黑松露碎和海蝦既陪襯下，賣相加左分。

而味道方面，試左幾啖，意飯入口，黑松露味混合係飯中，香味濃郁，味道不錯。

海蝦都幾新鮮，蝦中亦冇內臟，睇得出煮之前有處理過，成日都覺得冇挑到內臟好噁心。

白汁調配就岩岩好，味道都幾濃，總括而言，算係不差。

27～06～15星期六約埋一班中同出黎reu 因為有朋友介紹話食過呢間dinner，所以早一日已經book定位（10個人）去到見到個場都幾爆 好彩有book到位先！😌環境方面，其實第一印象係適合情侶去（因為燈光比較暗環境又好有外國風情feel）坐低左之後，店員就推薦我地食party set！一開始都唔知係乜，因為原本既餐牌冇加呢個set 每人$150 都還可以接受 因為個店員話可以坐到收鋪 而且仲有飲品無限提供😆😆同埋保證一定夠飽！！友人們都比較大食 所以大家都係半信半疑好啦入正題！食物方面，佢地首先有頭盤：煙三文魚沙律，um。

只能說不過不失 正正常常既一份沙律 之後就係小食！因為個party set可以簡小食。

就番我地既口味 首先係黎左洋蔥圈啊 薯格 芝士腸等等 都係平時食開既味道～但值得讚既係小食放落黎係熱辣辣！令人眼前一亮係芝士煙肉薯條！！三樣野一齊好夾！同埋佢既牛油蒜香雞翼！很值得推薦😋雞翼好香脆 但數量就計好左係每人兩隻😣想食多隻就下回請早～～最後就係瑞士雞翼 都算係好入味！到主菜！簡左佢地招牌bbq豬仔骨同埋德國咸豬手（好似係德國）兩樣既醬汁都好特別好開胃😋另外仲有什菌卡邦尼同埋黑松露雞肉意大利飯！菇啊菇啊菇啊！😍😍😍😍好多什菌 個卡邦尼好重忌廉蛋汁味！意大利飯就超多材料！😋😋之後當中有兩三個男友人話未食飽 同店員講 佢地就refill左個意粉同飯！最後。

。

。

食唔晒感覺有點兒浪費😣（我為我朋友既過錯致以萬二分歉意）仲有抵讚既係cafe仲有好多新款既cardgame可以簡！當日我地坐左4個幾鐘😂😂😂佢地話開到凌晨2，3點 夜少少又見到唔少客飲酒下次會約番三五知已黎食下野飲下酒先得！😆

再次來到這間cafe吃晚飯,我好喜歡這兒的環境,有點兒浪漫,猶如置身於外國的小cafe一樣,即使是一個人來也亳不覺得突兀這次點了一個煙三文魚忌廉汁意大利飯($88),套餐奉送$25餐飲,我補了差價($5)要了一杯柚子蜜先說說意大利飯,三文魚色澤鮮艷,經過煙燻後口感柔韌,味道很好,另外還有些貝類海鮮,也挺新鮮的,忌廉汁依舊味道濃郁,汁中還有些蛋,整體來說,用料新鮮豐富而柚子蜜是熱飲,可送上來也只是微溫,但味道還不錯,柚子味很香

 買了團購HKD 188 , 2 人晚餐, 需打電話2 日前預約, 一打電話就有人接聽就可以訂到, 又幾好禮貌7 點半到餐廳, 只有一台客人, 感覺休閒清靜, 所以毫不客氣坐了window sit. 不過玻璃幾多深色水積 (都唔禁影相), 都幾嚇人.....三文魚沙律, 幾新鮮爽口, 味道OK忌廉海鮮湯, 小量海鮮, 唔知點解內有酸味, 忍不住查詢之下原來加了青檸汁, 酸酸地都幾開胃, 幾特別黑椒牛柳配薯菜, 牛柳全熟狀態, 都頗乾, 反而格格薯即炸熱辣辣龍蝦意大利飯, 有一細半隻龍蝦, 只有一啖肉, 不過都多多龍蝦膏, 幾有驚喜, 意大利飯較淋, 味道OK迷你朱古力火爐, 朱古力味道幾香, 但份量太少, 其實都唔夠全部生果用. 到最後有部分生果都無朱古力醬.  空口食總括而言: 團購價錢, 值得一試, 份量還可, 但2 個男仔可能唔夠飽

Amour Club & Cafe餐單提供西式, 咖啡店, 樓上cafe等推介美食位於旺角區，餐廳座位數30人均消費約$101-200，結賬可以用現金。

您對於旺角餐廳「Amour Club & Cafe」有何 comment？

Amour Club & Cafe餐廳詳細資料：

• Amour Club & Cafe地址:
  旺角彌敦道577號高氏大廈9樓A室
  Amour Club & Cafe, Rm A,9/ F, Ko's House,577 Nathan Road, Mong Kok
• Amour Club & Cafe電話:  
• Amour Club & Cafe價錢: $101-200
• 分類: 西式, 咖啡店, 樓上cafe
• 座位: 30
• 付款: 現金
• FB專頁: Amour Club & Cafe Facebook

更多Amour Club & Cafe相關資料:

• Amour Club & Cafe分店
• Youtube
• Facebook
• Twitter
• Google