鍂鍂軒煲煲翅美食 新馬路

鍂鍂軒煲煲翅美食 評價 相片

 我很久沒到過澳門了, 只好從網上尋找有那間店舖有魚翅吃..., 從中找到這間鍂鍂軒煲煲翅美食, 於是一到埗便立即訂座及落單預訂魚翅(需要落訂$100), 老闆娘親自介紹, 只是當晚只有兩人共餐, 只點了兩個魚翅($130/碗)及兩個小菜, 分別是士多啤利咕嚕肉($58)和西蘭花炒帶子($98)來吃, 當時只有我這兩位客人光顧, 原來是老闆娘親自下廚的, 可惜令我們很失望及不快樂, 魚翅雖然說是用金華火腿來煲, 不過份量少, 而且有加下些少味精, 唔抵食及搵笨, 咕嚕肉只是用些少士多啤利醬來煮, 西蘭花炒得又乾, 帶子又細粒又薄, 是將帶子分為一開二來給客人品嚐 ,兩小菜雖然份量適中, 不過我覺得做得魚翅私房菜館, 我想吃的是味道, 不是的話我到附近的食店吃吧! 尤其是該處是以做遊客生意為主呢!!!!!!!!!怪不得這段晚飯時間沒有其他食客光顧了, 下次我不會再到此吃, 太令人失望啦!幸好有$30優惠卷, 叫做平左D啦!!!!!

今年情人節同老公過澳門渡佳節, 唔想食西餐 / 葡菜。

睇食評呢間唔錯, 所以嚟試吓食翅。

去到門面係外表普通住家小菜館。

7pm左右去到只有一張枱, 老闆娘話情人節d人去晒食西餐同日本菜啦。

原來店名4個金係個古字( 讀音: 寶), 因為好多人都唔識讀, 電腦又無呢個字搵到, 所以老闆娘話都入咗申請紙改名, 但又怕客人搵唔返佢哋, 所以而家都同定d客人講會改名 !睇住餐牌, 除咗翅之外, 我哋兩個都唔知食咩好! 又驚食唔晒。

老闆娘好好人, 介紹咗幾款特色小菜, 亦唔hard sell, 好采有佢咋, d小菜份量仲剛剛好, 仲好好味。

其實最有heart 係所有食物都係新鮮即整, 唔係整定晒, **所以各位如果係心急之人嘅, 就會好唔嚟啦!** 我哋唔趕時間, 都叫佢慢慢, 好食就得!佢話"有heart都會成日俾人鬧, 因為d客人真係好心急唔等得! "濃湯鳳吞金勾翅 湯底濃得來清甜, 翅排大, 有雲吞同乾柱, 好味! 份量大約有兩個餸碗左右, 都係$80咋。

手卷香酥鴨 鴨肉係即時起骨, 連包皮都係做即蒸! 包咗鴨肉同青瓜, 唔似平食片皮鴨時咁油膩喎! 我哋兩個人, 仲可以叫1/4份呀!芒果菊花蝦( 2隻)蝦頭用避風糖炸嘅做法, 蝦身就用芒果汁, 仲有粒粒新鮮芒果, 唔會好酸, 又唔太甜! 都幾特別! 如果酸返少少可能仲開胃。

椒鹽龍脷柳 脆得嚟又有d肉,老闆娘話見當日街市龍脷新鮮, 所以先今日做龍脷咋。

最後係脆皮雞 但佢唔係一般嘅脆子雞, 而係上層係起晒骨嘅脆皮雞肉, 下層就係煎墨魚膠, 就算唔點華鹽/ 喼汁, 都已經好夠味道, 正呀!

由於8點半在氹仔上船回港所以預早少少時間吃晚飯最後一站選了這間食評不錯的食店因為我喜歡吃翅老公則喜歡吃中菜所以最後一站一定要試一試進了食店只有一枱(員工正在用膳)所以我們選了一張對正電視機的坐下來(老公一定要用電視撈飯的)心大心細又不知揀選甚麼好的時候有位既是收銀，又要樓面的姐姐慇勤的走上前向我倆逐樣介紹最後我倆揀選了三款：紅燒翅我倆都不喜歡吃雲吞所以沒有點選介牌翅－濃湯雲吞翅上菜時熱滾滾的但吃時只感到鹽份吃不出其他配料甚少極骨香多寶魚將魚身起肉魚肉炒芹菜整條魚則炸起盛著魚肉炒芹菜很好吃，不過有點辣(我不吃辣的)清炒時蔬老公每餐一定要吃蔬菜所以我倆點了荳苗幾好，只是咸了一點最後姐姐取來兩杯南瓜汁看樣子應該只用南瓜加水放入攪拌機攪爛很清淡，亦很健康因為完全沒有味道老公喝了一啖嗌救命整杯給了我我沒有抗拒因為我是接受無鹽的食物整體不錯的服務態度一流如果下次，我想我們會試另一間作比較

哈哈，5、1勞動節有幾日假，約埋幾個老友過大海，去咗澳門手信街買手信比D親朋戚友，因我老媽子話手信街有間叫香記買肉乾同杏仁餅好好食，但是我都係鐘意食花生糖多D不過是富來個D，但是我發覺香記同富來中間有間新開食店個名好得意，個名4個金好特別，可能我讀得書少未見過呢個字，門口又貼晒相咁咪入去試下囉，靚女推介本店招牌濃湯煲仔翅，味道果然濃而不咸，疏翅又夠爽夠味，一人份量，而且仲有好多小炒，有啲仲要預定，咁就試下士多啤梨骨同芒果蝦，果然味道唔錯，夠特別，埋單都係幾佰蚊，抵食，最衰食唔度d要訂嘅餸，唯有下次再約齊人嚟食過

上星期搭船到澳門,之前朋友話呢度既私房菜做得好好,所以今次臨過去前就已預訂好菜單。

蟲草花燉竹絲雞湯鳳凰展翅碧綠金銀帶子骨香多寶魚心心蠔 (真正名字忘記了)芒果菊花蝦xo醬燜伊麵南瓜露蟲草花燉竹絲雞湯我很欣賞這個湯,靚女姐姐話已經煲了四個鐘,果然很足料,很香很夠火喉。

鳳凰展翅上枱的時候,我都未估到係乜嘢,以為係八寶鴨之類的東西,後來一切開先知,原來入邊全部都係翅骨香多寶魚係我好鍾意的其中一味餸,師傅將佢整成部份炒,部份炸,炒的部份好能夠顯出多寶魚本身很滑的口感,而多寶魚的骨則用來炸,炸得十分香脆,係我食得最多的一味餸心心蠔除咗蠔以外,連佢執邊啡色的鬆鬆都好香口,好似食薯片咁,我地不停咁夾黎食芒果菊花蝦靚女姐姐話芒果汁都係用芒果自己較出黎,同大蝦拼埋味道很特別,佢唔會好似出邊咁用好多甜等等調味料黎較味,所以會健康dxo醬燜伊麵我最欣賞係佢地用的材料好多都自家製作,例如xo醬,靚女姐姐話係用金華火腿,瑤柱等自己調較味道的。

南瓜露食落去的時候唔太甜,原來佢地話為咗原汁原味,所以冇落糖,係直接用南瓜餚出黎。

很欣賞這間店很用心製作菜餚,估唔到舖仔細細,都堅持原汁原味,而且以這樣的質素價錢也不算貴,希望下次再到澳門時再試多次。

鍂鍂軒煲煲翅美食餐單提供粵菜, 廣東, 海鮮, 山珍海味, 私房菜等推介美食位於新馬路區，餐廳座位數50人均消費約$101-200，結賬可以用Visa,Master,現金,銀聯。

您對於新馬路餐廳「鍂鍂軒煲煲翅美食」有何 comment？

鍂鍂軒煲煲翅美食餐廳詳細資料：

• 鍂鍂軒煲煲翅美食地址:
  新馬路清平直街6號A
  Pou Pou Hin Limitada,  
• 鍂鍂軒煲煲翅美食電話:  
• 鍂鍂軒煲煲翅美食價錢: $101-200
• 分類: 粵菜, 廣東, 海鮮, 山珍海味, 私房菜
• 座位: 50
• 付款: Visa,Master,現金,銀聯
• FB專頁: 鍂鍂軒煲煲翅美食 Facebook

更多鍂鍂軒煲煲翅美食相關資料:

• 鍂鍂軒煲煲翅美食分店
• Youtube
• Facebook
• Twitter
• Google