四哥小食3 新馬路

四哥小食3 評價 相片

在澳門，想吃蘭州拉麵，我會想起四哥。

現在四哥由新馬路搬到了高士德羅神父街。

我今天剛好在這附近，就來一碗吧！蘭州拉麵： 手工拉麵麵質實淨有彈性，湯底清甜但調味略微淡口，我另加了少許醋，自覺鮮味更突出。

配料有牛腩粒，紅蘿蔔，香菜等等。

喜歡吃北方麵食的朋友不要錯過。

之前食過渡船街間四哥1 知道仲有間四哥3而四哥3有小炒 四哥1就冇 所以專程去試下四哥3 椒鹽豬大腸 口感酥脆,加上小辣,十分可口 薯仔雞麵 薯仔好好味 麵帶有靭性 雖然味道唔錯 但湯汁太咸茄子 一上菜,香味已經好吸引,配搭埋蒜蓉 芫茜 蔥 真係幾正!三樣都有點偏咸 配白飯會係唔錯GE選擇~

四哥係我成日都會去食ge食店之一, 而我覺得四哥3 d 野係最好味, 尢其是佢d 小菜...我鐘意食佢d 燉粉條, 佢d粉條好煙韌, 好彈牙, 好味ar!!!佢d燉土豆(薯仔)都好好味, 好鬆軟, 好入味, 煎韮菜餃都好味...一咬開佢係有汁架...食個陣要小心ar...

呢間野係人地推薦黎試下O既,因為我知道佢 D 煎餃唔錯的說!前後黎過2次,分別食過煎餃、小籠包、桂林米粉同埋豆漿呢間野D 煎餃真係唔錯,啖啖肉,仲有小小肉汁,不過我覺得鍋貼大王會好過佢,但四哥D 醋先係主角,食佢D 醋真係會令人食唔停@@小籠包就皮厚左D,雖然我鐘意食皮厚,但可惜比其他食物比下去牛丸酸辣湯桂林米粉一流,湯濃,牛丸彈牙,米粉爽口,簡直係一個完美O既配合豆漿就普普通通,不過不失咁其實仲有個炸蝦餅想食,但一直未去試~~~~~

吃過最好的蘭州拉麵應該是北上旅行時無意中在一條陋巷內遇上的半舊麵店，價錢又平味道又好！其後在香港都也試過不少自稱為正宗蘭州拉麵的出品，不過味道不盡相近，可幸只要有師傅即場表演拉麵，已經覺得滿足不已！真正的蘭州拉麵究竟是怎樣的，至今我還是不知道！看來要到蘭州旅行一次，多吃幾間比較一下才能決定。

與國內緊緊相接的澳門也有蘭州拉麵，不過這種主打賣蘭州拉麵的店子真是寥寥可數，四哥便是其中之一，見到自然想試一試質素係是否與香港的食店有差別！四哥在澳門也有兩三間分店，環境尚算企理，食品選擇還有北方點心，連潮州魚皮也有！拉麵配料為了迎合不同食客的口味亦有頗多選擇，是夜就叫了以下的菜式試試： 蘭州牛肉拉麵：麵來到的時候，氣味和賣相一絕。

加添了許多香料的牛肉清湯味道實實在在，牛肉味十分濃烈而且鮮甜，精彩！麵的質感結實彈牙，比香港的拉麵店更富靭性，亦比較接近在國內吃過的拉麵；牛肉夠稔肉味亦濃，麵裏的配料還有蔥、芫茜，紅蘿蔔等，味道很豐富，如果正宗的蘭州拉麵比這碗更好，就一定是絕品！ 涼拌魚皮：這魚皮可選擇大中小辣，味道非常鮮甜，質感爽彈，魚皮附上的薑粒和蔥粒可完全辟去魚的腥味，因此只會吃到魚皮的鮮味！作汁嘅醬油亦夠香夠甜，一點便可引出魚皮的美味，而且醬汁杰身，夾起魚皮時還有掛醬的效果！雖然辣辣的有點刺激，但卻忍不住一吃再吃！ 煎餃子：這餃子並不是常常可以吃到，因為人手不夠的時候這個菜式便不會賣，我也試過碰了幾次釘子，今次也是首次嘗到！餃子是道地的北方口味，厚厚的餃子皮煎熟之後呈灰白色，質感煙靱充滿粉糰香味；皮煎得有點脆夠香口，內裏的餡料是新鮮豬肉加上椰菜這些簡單不過的東西，可是肉汁豐盈，而且肉味鮮明，美味得很！店內常常人頭湧湧，而人手看來時常不夠，可是店員都非常勤快，而且態度和譪，招呼還是滿合意的！有誠意做食品的食店始終多人光顧，菜式多簡單也好，最重要還是心態吧！

四哥小食3餐單提供川菜, 四川, 粉麵, 米線, 小食店等推介美食位於新馬路區，餐廳座位數未知人均消費約$50以下，結賬可以用現金，Booking訂位可以電話致電 +85328389097 查詢。

您對於新馬路餐廳「四哥小食3」有何 comment？

四哥小食3餐廳詳細資料：

• 四哥小食3地址:
  新馬路營地大街119號A
  四哥小食3, 119 A R.dos Mercadores, Avenidade Almeida Ribeiro
• 四哥小食3電話: +85328389097
• 四哥小食3價錢: $50以下
• 分類: 川菜, 四川, 粉麵, 米線, 小食店
• 座位: 未知
• 付款: 現金
• FB專頁: 四哥小食3 Facebook

更多四哥小食3相關資料:

• 四哥小食3分店
• Youtube
• Facebook
• Twitter
• Google