隨便坐車仔麵燒烤 彩虹

隨便坐車仔麵燒烤 評價 相片

食過呢間串燒小店好多次 👍🏻👍🏻蒜蓉焗蜆好好食，好香，啲蜆都好大隻，隻隻都開哂👍🏻雞翼都燒得好正，啲皮係脆架豆卜都燒得好好，好脆卜卜，次次我都會encore多一串👍🏻雞泡魚肝都幾好，冇腥味，因為喺其他小店食過，有時會覺得好腥 。

收晏時約了一班同事去宵夜，呢間係其中一個同事介紹，去到門面平實，店外放晒摺枱櫈，店外一個燒烤櫃檯，一行13人店員幫我們拼枱，飲品要入店內取！未叫食物店員已上沾醬（望落似沙嗲醬）食物選擇都幾多，串燒是港式的！由食過嘅同事發辦！好味：多春魚：燒得乾身又爆春，唔腥好味雞皮：平時唔食雞皮嘅我都食咗3塊，又乾又脆又惹味錫紙包蜆：多汁唔乾，食咗兩隻無沙牛肉：醃料入味，肉粒唔韌羊肉：醃料入味，肉粒唔韌，我食羊肉唔覺得膻錫紙金菇：多汁，好香蒜茸很香又不會太鹹豬腸：我極喜歡食腸，呢度唔壓又彈牙灼墨魚片：新鮮爽彈雞全翼：生燒，所以店員一開始就問定我哋要唔要落單，需要點時間，首先我個人唔喜歡食雞翼，都覺得好味，外面脆，入面熟又離骨，而非常嫩滑Ok:豆卜：自己唔喜歡豆卜芝士丸：自己唔喜歡食丸腎：自己喜歡腎的，惹味但太乾錫紙娃娃菜：味道清甜，但太淋，菜葉近乎爛燒蠔：來到只剩4隻，要晒，抽中可以食😂，我抽中咗，蠔🦪新鮮，加大量蒜茸，燒得唔乾雞軟骨：自己唔喜歡雞軟骨燒菠蘿：菠蘿多汁，不過燒得唔夠火喉，所以同食菠蘿片無乜分別不好味：牛肋骨：太鹹（最後食唔晒嘅一樣）鹹牛舌：牛舌肉見到不同位置就不同色，中央淺色是好味的，但件數不多，而外圍部分太鹹，所以唔好味嘅機率好高金菇肥牛卷：肥牛部分太短（應該一條肥牛切半用）所以燒肥膏一收縮就碎晒！平衡唔到金菇Ok類其實係口味問題，主要食材不是我喜好吧！店員們有禮，好爽手嗰種，勤快加沾醬收碟，仲送了碟墨魚片！大家都好盡興！每位$155（不是我比錢，無攞收據）

夜麻麻想食串燒，呢間係不二之選，愈夜愈有風味。

去到有五張單等燒緊，即叫即燒叫左雞軟骨、牛，羊，菠蘿，油魚，共十二串，盛惠$160，兩人宵夜就夠，當飯食肯定唔夠飽。

味道就一般般，正常，勝在夠火候。

雖然鋪頭名係車仔面, 但我食嘅係串燒。

同朋友係彩虹附近覓食無意間發現, 位置有啲隔涉, 但跟住google map行就可以了, 建議第一次去就開google map啦。

肉類就求其咩都叫啲, 雞牛羊咁, 個人認為咸左少少, 但自己食開清淡野,唯一有驚喜係佢雞軟骨,脆卜卜, 咁嘅價錢算唔錯啦。

而自最鐘意就係佢啲菜,最推薦就係佢個燒茄子,好幾大條。

燒金菇就都幾正, 蒜頭都叫幾入味, 四季豆正常發揮。

總括而言, 係一間平民, 性價比算高的小食店。

彩虹係做咩架呢，唔通真係要黎睇 🌈 除左住之外，係 C 出口對外有一排大牌檔同串燒燒烤食店，今日就黎左呢間所謂幾出名嘅串燒店，燒出黎嘅嘢都唔錯，叫左雞全翼 / 金菇肥牛卷 / 菠蘿 / 燒生蠔 / 翠玉瓜 / 原條茄子 / 錫紙焗娃娃菜 / 羊肉串，全部都係 $10$25，又唔算貴，沙爹醬任點唔嬲，原條蒜蓉茄子好惹味，而最正係一條要叫蒜蓉燒生蠔，勁大隻勁 juicy desu，燒得又香又好食 😛❤️隨便坐車仔麵彩虹牛池灣金池徑 1 號地舖

隨便坐車仔麵燒烤餐單提供港式, 車仔麵, 串燒, 小食店等推介美食位於彩虹區，餐廳座位數未知人均消費約$50以下，結賬可以用現金，Booking訂位可以電話致電 22173699 查詢。

您對於彩虹餐廳「隨便坐車仔麵燒烤」有何 comment？

隨便坐車仔麵燒烤餐廳詳細資料：

• 隨便坐車仔麵燒烤地址:
  彩虹牛池灣金池徑1號地舖
  隨便坐車仔麵燒烤, G/ F,1 Kam Chi Path, Ngau Chi Wan, Choi Hung
• 隨便坐車仔麵燒烤電話: 22173699
• 隨便坐車仔麵燒烤價錢: $50以下
• 分類: 港式, 車仔麵, 串燒, 小食店
• 座位: 未知
• 付款: 現金
• FB專頁: 隨便坐車仔麵燒烤 Facebook

更多隨便坐車仔麵燒烤相關資料:

• 隨便坐車仔麵燒烤分店
• Youtube
• Facebook
• Twitter
• Google